નવી દિલ્હી: પશ્ચિમ બંગાળમાં રાજ્યસભાની પેટાચૂંટણી માટે ભાજપે ટીએમસી સાથે છેડો ફાડીને ભાજપમાં આવેલા અભિનેત્રી કોયલ મલિકને ટિકિટ આપી છે. આ પૂર્વે તેમને ટિકિટ આપવા અંગે ચર્ચાઓ ચાલી રહી હતી. પશ્ચિમ બંગાળ વિધાનસભા ચૂંટણીમાં તૃણમૂલ કોંગ્રેસની હાર બાદ કોયલ મલિકે  સાંસદ તરીકે રાજીનામું આપ્યું હતું. 

6 એપ્રિલે રાજ્યસભાના સાંસદ તરીકે શપથ લીધા હતા

બંગાળી ફિલ્મોની લોકપ્રિય અભિનેત્રી કોયલ મલિકને આ વર્ષની શરૂઆતમાં પશ્ચિમ બંગાળના મુખ્યમંત્રી મમતા બેનર્જીની પાર્ટી ટીએમસી દ્વારા રાજ્યસભા માટે નામાંકિત કરવામાં આવ્યા હતા. તેમણે 6 એપ્રિલે રાજ્યસભાના સાંસદ તરીકે શપથ લીધા હતા. પરંતુ સંસદના એક પણ સત્રમાં હાજરી આપ્યા વિના જ થોડા મહિનાઓ બાદ તે પદ પરથી રાજીનામું આપી દીધું હતું. 

16 ઓક્ટોબરે રાજ્યસભાની પેટાચૂંટણી

તેમજ કોયલ મલિકના રાજીનામાથી ખાલી પડેલી બેઠક ભરવા માટે ચૂંટણી પંચે 16 ઓક્ટોબરે રાજ્યસભાની પેટાચૂંટણી યોજવાનું નક્કી કર્યું છે. ભાજપે તેમને પોતાના ઉમેદવાર તરીકે કોયલ મલિકને  મેદાનમાં ઉતાર્યા છે.

કોયલ મલિક બંગાળી સિનેમાના જાણીતા ચહેરાઓમાંથી એક

કોયલ મલિક, જેઓ રુકમિણી મલિક તરીકે પણ ઓળખાય છે, તેઓ બંગાળી સિનેમાના જાણીતા ચહેરાઓમાંથી એક છે. તેઓ જાણીતા બંગાળી અભિનેતા રણજીત મલિક અને તેમના પત્ની દીપા મલિકની પુત્રી છે. તેમણે મનોવિજ્ઞાન 'ઓનર્સ' સાથે બેચલર ઓફ સાયન્સ ની પદવી મેળવી છે. ગોખલે મેમોરિયલ ગર્લ્સ કોલેજમાં ઉચ્ચ શિક્ષણ મેળવતા પહેલાં તેમણે કોલકાતાની મોડર્ન હાઈ સ્કૂલ ફોર ગર્લ્સમાં તેમનું પ્રાથમિક શિક્ષણ પૂર્ણ કર્યું હતું.

ફિલ્મ ઉદ્યોગમાંથી સક્રિય રાજકારણમાં અચાનક પ્રવેશ કર્યો

આ બંગાળી અભિનેત્રીએ વર્ષ 2013માં નિસ્પાલ સિંહ સાથે લગ્ન કર્યા હતા. ત્યારબાદ જ્યારે મમતા બેનર્જીએ તેમને રાજ્યસભા માટે તૃણમૂલ કોંગ્રેસ (TMC)ના ઉમેદવાર તરીકે જાહેર કર્યા.ત્યારે તેમણે બંગાળી ફિલ્મ ઉદ્યોગમાંથી સક્રિય રાજકારણમાં અચાનક પ્રવેશ કર્યો. તેમણે 6 એપ્રિલ, 2016ના રોજ  સંસદ સભ્ય તરીકે શપથ લીધા હતા. જોકે, સંસદમાં તેમનો કાર્યકાળ માત્ર થોડા મહિનાઓનો જ રહ્યો અને 16 જુલાઈએ તેમણે રાજીનામું આપી દીધું.