વોશિંગ્ટન ડીસીઃ અમેરિકા અને ઈઝરાયલે મળીને ઈરાક પર કરેલા હુમલાને બે પખવાડિયા થવા આવ્યા છે, દિવસેને દિવસે સ્થિતિ ગંભીર બની રહી છે. આ દરમિયાન ઇરાકમાં અમેરિકી સેનાનું KC-135 સૈન્ય વિમાન ક્રેશ થઈ ગયું છે. તેમાં 5 જવાનો સવાર હતા. આ પછી ઇરાકના એક વિદ્રોહી જૂથે દાવો કર્યો છે કે વિમાનને તેમણે જ તોડી પાડ્યું હતું. આ પહેલા 2 માર્ચે કુવૈતમાં ફ્રેન્ડલી ફાયરિંગમાં પણ ત્રણ અમેરિકી વિમાન ક્રેશ થઈ ગયા હતા. ઇસ્લામિક રેઝિસ્ટન્સ ઇન ઇરાક નામના સંગઠને કહ્યું કે તેમનાં સૈનિકોએ પશ્ચિમી ઇરાકમાં અમેરિકી વિમાન પર એર ડિફેન્સ સિસ્ટમથી હુમલો કર્યો, જેના કારણે તે પડી ગયું. આ સંગઠન ઇરાન સમર્થિત અનેક જૂથોનું ગઠબંધન છે.
જોકે યુએસ સેન્ટ્રલ કમાન્ડે આનાથી વિપરીત નિવેદન આપ્યું છે. યુએસ સેન્ટ્રલ કમાન્ડે કહ્યું કે, આ ઘટના ઓપરેશન એપિક ફ્યુરી દરમિયાન ફ્રેન્ડલી એરસ્પેસમાં થઈ હતી. જેમાં બે વિમાન સામેલ હતા. એક વિમાન સુરક્ષિત ઉતર્યું હતું, જ્યારે બીજું ક્રેશ થયું હતું. અમેરિકન અધિકારીઓએ સ્પષ્ટ કર્યું કે, આ દુર્ઘટના દુશ્મન કે ફ્રેન્ડલી ફાયરના કારણે થઈ નથી.
U.S. Central Command is aware of the loss of a U.S. KC-135 refueling aircraft. The incident occurred in friendly airspace during Operation Epic Fury, and rescue efforts are ongoing. Two aircraft were involved in the incident. One of the aircraft went down in western Iraq, and the…
— U.S. Central Command (@CENTCOM) March 12, 2026
અમેરિકાના અધિકારીએ કહ્યું કે, કહ્યું કે દુર્ઘટનાગ્રસ્ત KC-35 વિમાનમાં ઓછામાં ઓછા 5 ક્રૂ મેમ્બર્સ હતા. અમેરિકન સેના દ્વારા જાહેર કરવામાં આવેલા સત્તાવાર નિવેદન અનુસાર આ દુર્ઘટના દુશ્મનના ફાયરિંગથી નથી થઈ.
આ દરમિયાન નવા સુપ્રીમ લીડર આયાતુલ્લા મોજતબા ખામેનેઈએ પ્રથમ નિવેદન આપ્યું છે અને યુએસ-ઈઝરાયલ માટે ચેતવણી આપી છે. અમે અમારા તમામ પડોશીઓ સાથે એકતા અને ઉષ્માભર્યા સંબંધો માટે સંપૂર્ણ રીતે તૈયાર છીએ. આ ક્ષેત્રના દેશોએ આપણી પ્રિય માતૃભૂમિ પર આક્રમણ કરનારાઓ અને આપણા લોકોના હત્યારાઓ અંગે પોતાનું વલણ સ્પષ્ટ કરવું જોઈએ. હું તેમને સલાહ આપું છું કે તેઓ તે સૈન્ય મથકો વહેલી તકે બંધ કરી દે. હવે તેમને સમજાઈ ગયું હશે કે અમેરિકાનો સુરક્ષા અને શાંતિ સ્થાપિત કરવાનો દાવો માત્ર એક જૂઠ્ઠાણું હતું.
