મુંબઈઃ અભિનેત્રી તમન્ના ભાટિયા એ અભિનેત્રીઓમાંની એક છે જે પોતાના મનની વાત કહેવા માટે જાણીતી છે. હવે સાઉથના ફિલ્મ ઉદ્યોગ અને હિન્દી સિનેમા અંગે એક મહત્વપૂર્ણ નિવેદન આપ્યું છે. જેને લઈને એ ચર્ચામાં રહી છે.  સાઉથની ફિલ્મ ઈન્ડસ્ટ્રી અને બોલિવૂડ બંનેમાં પોતાની ટેલેન્ટ સાબિત કરનારી અભિનેત્રી તમન્ના ભાટિયાએ ફિલ્મ ઉદ્યોગની કાર્યશૈલી તથા અભિનેત્રીઓને આપવામાં આવતી ભૂમિકાઓ પર પોતાના વિચારો શેર કર્યા છે. 

બોલિવૂડમાં ચોઈસ મળે છે
હિન્દી સિનેમા કલાકારોને તેમની પસંદગીઓ અનુસાર પ્રયોગ કરવા માટે ઉત્તમ જગ્યા પૂરી પાડે છે, જ્યારે સાઉથની ફિલ્મ ઈન્ડસ્ટ્રીમાં કમર્શિયલ લેવલ પર એક જગ્યા બનાવી રાખવા માટે ચોક્કસ પરિમાણો અને સ્ટાર માર્કિંગ થાય છે. બોલિવૂડ કલાકારોને તેઓ જે પ્રકારનું કામ કરવા માંગે છે તે પસંદ કરવાની તક આપે છે. તે એવા કલાકારો માટે પણ નોંધપાત્ર સંભાવના ધરાવે છે જેઓ ડાન્સ કે નૃત્યના કોઈ ટ્રેડિશલ ફોર્મેટમાં ફિટ થતા નથી. અથવા સંપૂર્ણપણે આરામદાયક અનુભવતા નથી.

Tamanna Bhatia 
જ્યારે આવા કલાકારો પાત્ર-આધારિત ભૂમિકાઓ કરી લે છે, ત્યારે તેમનો અભિનય ખરેખર ચમકે છે અને પ્રેક્ષકો તેમના અભિનયની પ્રશંસા કરે છે. પોતાના અનુભવને શેર કરતા, તમન્નાએ સમજાવ્યું કે સાઉથની ફિલ્મ ઈન્ડ્સ્ટ્રીમાં આવ્યા બાદ કામ પ્રત્યેના તેના ચોક્કસ અભિગમની સમજ મેળવી. જ્યારે કેટલાક લોકો આને પુરૂષ પ્રધાન માનસિકતા અથવા ચોક્કસ પ્રકારના દ્રષ્ટિકોણનું નામ આપી શકે છે, ત્યાં કમર્શિયલ ફિલ્મ સફળ થવા માટે સ્ટાર માર્ક અને સ્ક્રિન પ્રેઝન્સ માટે એક અલગ બ્રાન્ડની જરૂર પડે છે.

આ પણ મોટો રેકોર્ડ
એક્ટ્રેસે એક ખાસ મુલાકાત આપતા કહ્યું હતું કે, આ વાત વ્યક્તિએ વ્યક્તિએ બદલાઈ શકે છે. જોકે, ઘણી અભિનેત્રીઓએ 10 થી 15 વર્ષ સુધી ઉદ્યોગમાં પોતાની કારકિર્દી ટકાવી રાખી છે તેમણે પોતાનું સ્થાન જાળવી રાખવા માટે એક લેવલ અને  નૃત્ય ગીતો ધરાવતી ભૂમિકાઓ વચ્ચે સંતુલન જાળવવું પડશે. એ વાત નોંધનીય છે કે અભિનેત્રી તમન્ના ભાટિયાએ અનેક બોલિવૂડ ફિલ્મોમાં કામ કર્યું છે. જોકે, ફિલ્મ 'સ્ત્રી ૨' નું આઇટમ સોંગ "આજ કી રાત" તેના કરિયરના સૌથી મોટા બ્લોકબસ્ટર ગીતોમાંનું એક છે. આ ગીત એટલું લોકપ્રિય છે કે લોકો તેને નિયમિતપણે સાંભળવાનું ચાલુ રાખે છે. તેને યુટ્યુબ પર રેકોર્ડબ્રેક વ્યૂઝ મળ્યા છે, જે એક અબજનો આંકડો વટાવી ગયો છે.