નવી દિલ્હીઃ સુપ્રીમ કોર્ટે આસારામના પુત્ર અને 2013ના દુષ્કર્મ મામલે આજીવન કેદની સજા કાપી રહેલા નારાયણ સાઈને મોટો ઝટકો આપ્યો હતો. કોર્ટે તેની સજા પર રોક લગાવવા અને જામીનની માંગ પર રાહત આપવાનો ઈનકાર કર્યો હતો. સુપ્રીમ કોર્ટે ગુજરાત હાઈ કોર્ટને તેની અપીલનો ત્રણ મહિનાની અંદર નિકાલ કરવા કહ્યું હતું.

સુપ્રીમ કોર્ટે કહ્યું કે જો ત્રણ મહિનામાં નિર્ણય નહીં આવે તો તેઓ ફરીથી અદાલતમાં આવી શકે છે. ન્યાયાધીશ એમ.એમ. સુંદરેશ અને ન્યાયાધીશ પી.બી. વરાલેની પીઠ સમક્ષ વરિષ્ઠ ન્યાયાધીશ એન. હરિહરને નારાયણ સાઈ વતી કહ્યું કે અપીલના ઝડપી નિકાલ માટે અરજી કરવામાં આવી હતી, પરંતુ તેના પર સુનાવણી થઈ રહી નથી. 
કેસને 12 વર્ષ વીતી ચૂક્યા છે અને પ્રથમ દર્શનીય રીતે ગુનો પણ બનતો નથી. વરિષ્ઠ ન્યાયાધીશે એવી પણ દલીલ કરી હતી કે સુપ્રીમ કોર્ટે પહેલા સજા સ્થગિત કરવાના મુદ્દે ગુણ-દોષના આધારે સુનાવણીનો નિર્દેશ આપ્યો હતો, પરંતુ હાઈ કોર્ટમાં હજુ સુધી સુનાવણી થઈ નથી.

STORY | SC refuses to suspend life sentence given to Narayan Sai in 2013 rape case

The Supreme Court on Friday refused to suspend the life sentence given to self-styled godman Asaram's son Narayan Sai in a 2013 rape case.

READ: https://t.co/uWTHsmWbR4

(Image Source: PTI) pic.twitter.com/SEW1RufRM0

— Press Trust of India (@PTI_News) August 7, 2026

અપીલ પર વિવાદ કરવા માટે પોતાની તત્પરતા દર્શાવી 

આના પર સુપ્રીમ કોર્ટે કહ્યું કે તમે આત્મવિશ્વાસ સાથે હાઈ કોર્ટમાં તમારી દલીલ મૂકો. અમે હાઈ કોર્ટને સુનાવણી કરવા માટે કહીશું. પીઠે પોતાના આદેશમાં કહ્યું કે અરજદાર હાઈ કોર્ટના આદેશમાં કરવામાં આવેલી ટિપ્પણીઓનો વિરોધ કરી રહ્યો છે અને તેણે અપીલ પર વિવાદ કરવા માટે પોતાની તત્પરતા દર્શાવી હતી.
અદાલતે આદેશમાં કહ્યું કે, અપીલનો ત્રણ મહિનાની અંદર નિકાલ કરવાનો પ્રયાસ કરવામાં આવે તેવી ગુજરાત હાઈ કોર્ટને વિનંતી કરવામાં આવે છે. ઉપરાંત એવી પણ સ્પષ્ટતા કરી કે, અપીલની સુનાવણીમાં અરજદાર અને રાજ્ય બંને પૂરો સહયોગ કરશે.

ત્રણ મહિના પછી આવશે તો વિચાર કરીશું

સુનાવણી દરમિયાન પીઠે એ પણ કહ્યું કે ત્રણ મહિના પછી જો જરૂર પડશે તો મામલો ફરી સુપ્રીમ કોર્ટ સમક્ષ આવી શકે છે. પીઠે મૌખિક રીતે કહ્યું કે કોઈ પણ સ્થિતિમાં ત્રણ મહિના પછી નારાયણ સાઈ અથવા રાજ્ય અમારી પાસે આવશે, ત્યારે અમે તેના પર વિચાર કરીશું.  

પૂર્વ શિષ્યા સાથે દુષ્કર્મના કેસમાં દોષિત છે સાઈ

નારાયણ સાઈને 2013માં એક પૂર્વ શિષ્યા સાથે દુષ્કર્મના કેસમાં દોષિત ઠેરવવામાં આવ્યા બાદ આજીવન કારાવાસની સજા ફટકારવામાં આવી હતી. તેને એપ્રિલ 2019માં સુરતની સેશન્સ કોર્ટે દોષિત ઠેરવ્યો હતો. તે ગુજરાત હાઈ કોર્ટમાં પોતાની દોષસિદ્ધિ અને સજાને પડકારતી અપીલ પેન્ડિંગ હોવા દરમિયાન સજા પર રોક અને જામીનની માંગ કરી રહ્યો છે.