દર્શન ભાવસાર

લાપસીના આંધણ કયારે મુકાય?

* ગેસ ચાલુ હોય ત્યારે... 
બા બાઉન્ડ્રી મારે તો બાપા શું કરે?

* એની કોમેન્ટ્રી આપે...
શેમાં કસ વધુ હોય?

* ફોકસ અને કેશમાં...
સાચાની બોલબાલા તો જૂઠાનું શું?

* પાઠશાળા ! 
શાંતિ ક્યારે આવે?

* બન્ને પક્ષ મૂંગા બેસી રહે ત્યારે... 
ઉપરવાળો બધું જુએ છે. એ કોણ હશે?

* ઉપરના કયા ફ્લોરવાળા સાથે બનતું નથી એ યાદ કરી લો.
બાઈ બાઈ ચાળણી એટલે શું?

* બે ચાર સરકારી કચેરીના આંટાફેરા કરશો ત્યારે સમજાશે.. .
વર્ક ફ્રોમ હોમમાં કોની રજા લેવાની?

* હોમના બોસ (પત્ની)ની... 
આસન વિના યોગ કરીએ તો શું થાય? 

* પ્રાણવાયુ વગરના પ્રાણાયામ જેવું ! 
કીક કયારે વાગે?

* નહીં પીવાનું પીણું પીવો ત્યારે... 
ભાગતાં ભૂતની ચોટલી ભલી. આવું કેમ?

* એ ટાલિયા ભૂતે વીગ પહેરી હશે.. 
લાઈન મારવી સારી કે લાઈન દોરવી સારી?

* એનો આધાર સામેની વ્યક્તિ પર છે...
ધરમનો ધક્કો ભારે કેમ પડે?

* પેલો ધરમ બોડી બિલ્ડર હશે...
આજકલ તેરે મેરે પ્યાર કે ચર્ચે હર જબાન પર...

* ચર્ચાનું તો સમજ્યા.. પણ ખિસ્સાના ખર્ચાનું શું?
લગ્ન ઓફફ સિઝનમાં સસ્તા પડે તો છૂટાછેડા?

* એ બારેમાસ મોંઘા જ પડે ...
ઉતાવળે આંબા ના પાકે તો બજારમાં ઢગલાબંધ કેરી આવી ક્યાંથી?

* કમાવાની મોસમમાં ખેડૂતો આંબાને ઓવરટાઈમ કરાવેને !