ટીવી સિરીયલ કસૌટી ઝિંદગી કી ફેમ એક્ટ્રેસ શ્વેતા તિવારી તો પોતાના લૂક્સ અને સુંદરતાને કારણે ફેન્સના દિલો પર રાજ કરે જ છે, પણ હવે એક્ટ્રેસની દીકરી પલક તિવારી પણ મમ્મી શ્વેતા તિવારીની જેમ જ લાઈમલાઈટમાં રહે છે. પલક તિવારી હંમેશા પોતાની સ્ટાઈલથી સોશિયલ મીડિયા પર આગ લગાડતી હોય છે, પણ આ વખતે પલકે કંઈક એવું કર્યું છે કે લોકોની નજર તેના પરથી હટતી જ નથી! તાજેતરમાં પલકે તેના ટ્રેડિશનલ લૂકની તસવીરો શેર કરી છે, જેમાં તે કોઈ રાજકુમારીથી કમ નથી લાગી રહી.
સોશિયલ મીડિયા પર વાઈરલ થઈ રહેલાં પલક તિવારીના આ લૂકની ખાસિયત વિશે વાત કરીએ તો પલકે આ વખતે બોલ્ડ લૂક્સને બદલે એક ખૂબ જ સુંદર રોયલ બેજ કલરનો અનારકલી સૂટ પહેર્યો છે. આ શાનદાર આઉટફિટ પર હેવી એમ્બ્રોઈડરી અને સુંદર વર્ક કરવામાં આવ્યું છે. પણ ભાઈસાબ, આ સૂટની કિંમત જાણીને તમારા હોશ ઉડી જશે!
એક રિપોર્ટ્સમાં કરવામાં આવેલા દાવા અનુસાર પલકના આ ટ્રેડિશનલ લૂકની કિંમત અંદાજે ₹78,000 છે. ટૂંકમાં કહીએ તો મધ્યમવર્ગીય પરિવારના મંથલી બજેટનો ખર્ચ તો પલક તિવારીએ પોતાના અનારકલી સૂટ પર કરી દીધો છે.
પલક તિવારીએ જેવા સોશિયલ મીડિયા પર પોતાના આ ફોટો શેર કર્યા કે તે સોશિયલ મીડિયા પર વાઈરલ થઈ ગયા. ફેન્સ આ ફોટો પર લાઈક અને કમેન્ટ કરીને રહ્યા છે. કેટલાક યુઝર્સ તો પલકના ફોટો પર કમેન્ટ કરી રહ્યા છે કે પલક હવે ધીમે ધીમે તેની મમ્મી શ્વેતા તિવારી જેવી જ 'ગ્રેસફુલ' લાગી રહી છે. ન્યૂડ મેકઅપ, ખુલ્લા વાળ અને કાનમાં હેવી ઝુમકા સાથેનો પલકનો આ લૂક વેલેન્ટાઈન્સ ડે બાદ ફરી એકવાર ફેન્સના દિલ જીતી રહ્યો છે.
સોશિયલ મીડિયા પર પલક તિવોરીનો આ દેશી અવતાર ખૂબ જ ટ્રેન્ડ કરી રહ્યો છે. તમે પણ પલક તિવારીના આ દેસી અવતાર પરથી તમારા વેડિંગ લૂકની ઈન્સ્પિરેશન લઈ શકો છો. જોકે, એક વાત તો છે કે તમારે આ લૂક પર પ્રેરણા લેતી વખતે તમારા બજેટનું પણ થોડું ધ્યાન તો રાખવું પડશે, ભાઈસાબ....
