નવી દિલ્હીઃ દિલ્હી ક્રિકેટ અસોસિયેશન દ્વારા બુધવારે અહીં આયોજિત `લૉઝ ઑફ ક્રિકેટ-2026 અમ્પાયર્સ વર્કશૉપ' વખતે ક્રિકેટના ઘડવૈયા તરીકે જાણીતી મૅરિલબૉન ક્રિકેટ ક્લબ (MCC)ના ચીફ ફ્રેઝર સ્ટુઅર્ટે ફીલ્ડિંગ કરતી ટીમને ફાયદો થઈ શકે એ રીતે કાયદા (LAWS)માં ફેરફાર કરવાનો સંકેત આપતા જણાવ્યું હતું કે `બૅટ અને બૉલ વચ્ચે સંતુલન જળવાય એ ક્રિકેટની રમત માટે અત્યંત મહત્ત્વપૂર્ણ છે.'
VIDEO | Maintaining a fair balance between bat and ball remains crucial to cricket, Marylebone Cricket Club (MCC) Head of Cricket Fraser Stewart said on Wednesday, pointing to changes in the latest Laws of Cricket aimed at giving the fielding side greater reward.
— Press Trust of India (@PTI_News) September 30, 2026
Speaking on the… pic.twitter.com/HEhLBKSE6I
ખાસ કરીને ટી-20ને કારણે ક્રિકેટની રમતનો ઝોક બૅટ્સમેનો તરફ વધી રહ્યો છે. આ સંજોગોમાં એમસીસીની યોજના પર પ્રકાશ પાડતાં સ્ટુઅર્ટે પીટીઆઇને કહ્યું હતું કે `એમસીસી સતતપણે બૅટિંગ-બોલિંગ વચ્ચેની સમતુલા જાળવવા પ્રયત્નશીલ રહે છે. ક્રિકેટની રમતમાં સંતુલન જળવાય એ ખૂબ આવશ્યક છે. 2017ની સાલમાં અમે બૅટનું કદ ઘટાડયું હતું કે જેથી બૉલ વિરુદ્ધ બૅટની તાકાત (બૉલ પર બૅટનું વર્ચસ્વ) મર્યાદામાં રહે.'
સ્ટુઅર્ટે કહ્યું, `2017ની સાલના ફેરફારથી બૅટ-બૉલ વચ્ચે થોડી સમતુલા લાવવામાં મદદ જરૂર મળી છે, પરંતુ હજી પણ બૅટનું પ્રભુત્વ વધુપડતું જણાય છે. બૅટ્સમેનો જો વધુને વધુ મજબૂત બનતા જાય તો એ અમે રોકી ન શકીએ. તેઓ જિમનેશ્યમમાં વર્કઆઉટ કરીને રમવા આવતા હોય છે અને અગાઉના વર્ષોની તુલનામાં અલગ જ પ્રકારની આક્રમક બૅટિંગ કરતા હોય છે.'
પહેલી ઑક્ટોબરથી (ગુરુવારથી) એકથી વધુ દિવસની મૅચો માટે નિયમોમાં ફેરફાર આવી રહ્યા છે કે જેનાથી બોલિંગ કરનારી ટીમને વધુ ફાયદો થાય. એમસીસીએ કાયદામાં નાના-મોટા કુલ 73 ફેરફાર કર્યા છે. એક નવો ફેરફાર એ કરાયો છે જેમાં મલ્ટિ-ડે મૅચ (ખાસ કરીને ટેસ્ટ મૅચ)માં જો કોઈ દિવસની અંતિમ ઓવરમાં વિકેટ પડે તો નવા બૅટ્સમૅને મેદાન પર ઊતરવું જ પડશે. અગાઉ અંતિમ ઓવરમાં વિકેટ પડતાં એ દિવસની રમત સમેટી લેવામાં આવતી હતી. જોકે હવે એ નિયમમાં ફેરફાર કરાયો છે. એ છેલ્લી ઓવરમાં કોઈ મુખ્ય બૅટ્સમૅનને મોકલવો કે નાઇટ-વૉચમૅનને એ બૅટિંગ સાઇડે નક્કી કરવું જ પડશે.
એમસીસીએ પહેલી જ વખત ઇન્ટરનૅશનલ ક્રિકેટ કાઉન્સિલ (આઇસીસી) સાથેના સહકારમાં ક્રિકેટના નિયમોનું વિવિધ ભાષાઓમાં ભાષાંતર કરાવવાનું પહેલી વખત શરૂ કર્યું છે. બુધવારે ઇંગ્લિશ, હિન્દી અને ઉર્દૂ માટે `લૉઝ ઑફ ક્રિકેટ' ઍપ શરૂ કરવામાં આવી હતી અને બીજી ભાષાઓની ઍપ હવે પછી શરૂ કરાશે.
