ઇરાન અને અમેરિકા વચ્ચે તણાવ સમાપ્ત થવાનું નામ નથી લઇ રહ્યો. બન્ને તરફથી નિવેદનબાજી ચાલુ છે. ઇરાનની ટોપ સિક્યોરિટી બોડીના નવા પ્રમુખે કાલે રવિવારે ચેતવણી આપી કે તે પોતાની વિરુદ્ધ અમેરિકાના નવા કઠોર આર્થિક પગલા માટે કોઇપણ દેશના સમર્થનને  Act of War એટલે કે “યુદ્ધ જેવું” માનવામાં આવશે. સાથે જ કહ્યુ કે અમેરિકાનો પ્રતિબંધ જો ચાલુ રહેશે તો ઇરાન ખાડીમાં કોઇપણ જગ્યાએથી ઓઇલ નિકાસ નહીં કરવા દે. 

અમેરિકી નાણા મંત્રી  સ્કોટ બેસેન્ટ અંગે કહેવામાં આવે છે કે આજે સોમવારે નવા ઉપાયોની જાહેરાત કરી શકે છે, કારણ કે અમેરિકાએ એક એવા દેશ પર  “પહેલા ક્યારેય ન થયું” લેવલનો આર્થિક જંગ અને અલગ-અલગ (આઇસોલેટેડ) કરવાની જાહેરાત કરી રાખી છે. જે ઘણાં દશકોથી પ્રતિબંધોનો સામનો પણ કરી રહ્યું છે. દરમ્યાન સમાધાનના પ્રયાસો પણ ચાલુ છે અને પાકિસ્તાનના સેના પ્રમુખ અસીમ મુનીરના આજે જ ઇરાન જવાની આસા છે  કારણ કે મધ્યસ્થ વાતચીત ફરીથી શરુ કરવાની કોશિશમાં લાગ્યા છે. 

અમે જબરજસ્ત રીતે જવાબ આપીશું- રેજાઇ

દરમ્યાન, હોર્મુઝ સ્ટ્રેટ પર હુમલા ભલે બંધ થઇ ગયા હોય પરંતુ બન્ને તરથી નિવેદનબાજી ચાલુ છે. હાલમાં જ એક ઇરાની ઓથોરિટીએ આવા ડઝનો જહાજોનુ લિસ્ટ તૈયાર કર્યું છે, જેના વિશે કહેવામાં આવે છે કે ભવિષ્યમાં તેમના આવવા-જવા પર રોક યથાવત રહેશે.

આ મહિને આ પદ પર સિલેક્શન બાદ રેજાઇનું સતત બીજું મોટું નિવેદન છે. અગાઉ શનિવારે મોડી રાતે એક ઇન્ટરવ્યૂમાં તેમણે સરકારી બ્રોડકાસ્ટરને કહ્યું “જો ટ્રમ્પ કંઇક કરવા માંગે છે તો અમે જબરજસ્ત રીતે જવાબ આપીશું” 

‘હોર્મુઝ અને ફારસથી તેલ નહીં જવા દઇએ’

મોહસિન રેજાઇએ ચેતવણી આપતા કહ્યું કે જો ઇરાન વિરુદ્ધ અમેરિકાનું “આર્થિક યુદ્ધ” ચાલુ રહે છે તો તહેરાન હોર્મુઝ સ્ટ્રેટ અને ફારસની ખાડીમાં ક્યાંયથી પણ તેલની બધી નિકાસ રોકી શકે છે.