ઑકલૅન્ડઃ ભારતની મહિલા હૉકી ખેલાડીઓએ શાનદાર પર્ફોર્મન્સ જાળવી રાખીને યજમાન ન્યૂ ઝીલૅન્ડને અહીં એફઆઇએચ (FIH) વિમેન્સ નૅશન્સ કપની ફાઇનલમાં 2-0થી હરાવીને ટાઇટલ જીતી લેવાની સાથે વિમેન્સ પ્રો લીગમાં એન્ટ્રી કરી હતી. 2022 પછી ભારતીય ટીમ બીજી વખત નૅશન્સ કપ (NATION'S CUP) ટાઇટલ જીતી છે.
નવનીત કૌરે ચોથી મિનિટમાં ગોલ કરીને ભારતને 1-0થી સરસાઈ અપાવી હતી. 15મી મિનિટમાં સુનેલિતા ટૉપ્પોએ ગોલ કરીને સરસાઈ વધારીને 2-0 કરી હતી.
#Hockey #FIHNationsCup 🏑
— Vinayakk (@vinayakkm) June 21, 2026
INDIA WIN THE NATIONS CUP! 🏆
A thoroughly desecing win for the Indian women's hockey team as they make it 5 wins out of 5 to compete a superb run in New Zealand. They beat hosts 2-0 in the final.
And with that, back in the Pro League ✅ pic.twitter.com/2n4tXTElXI
બન્ને ગોલ કરીને ભારતે પોતાની આક્રમક રણનીતિનો પુરાવો આપ્યો હતો અને આ સાથે ભારતીય ડિફેન્ડરોએ ન્યૂ ઝીલૅન્ડની મજબૂત ટીમને અંકુશમાં રાખી હતી.
લાલરેમસિયામી `પ્લેયર ઑફ ધ ફાઇનલ'નો અવૉર્ડ જીતી હતી, જ્યારે દીપિકાએ કુલ છ ગોલ સાથે ટૂર્નામેન્ટમાં અમેરિકાની ઍશ્લી સેસા સાથે મોખરાનું સ્થાન મેળવ્યું હતું. આખી ટૂર્નામેન્ટમાં ભારતીય ટીમ અપરાજિત રહી હતી. ભારતે અમેરિકાને 3-2થી, જાપાનને 2-1થી અને ઉરુગ્વેને 3-2થી હરાવ્યું હતું. સેમિ ફાઇનલમાં ભારતનો ચિલી સામે 6-0થી વિજય થયો હતો.
