ઍમ્સ્ટલ્વીનઃ ભારતની મહિલા હૉકી (Hockey) ટીમે અહીં ગુરુવારે ઇંગ્લૅન્ડની ચડિયાતી ટીમને છેલ્લી લીગ મૅચને 0-0થી ડ્રૉમાં લઈ જવાની ફરજ પાડીને બીજા રાઉન્ડમાં પ્રવેશ કરી લીધો હતો.
એ સાથે, ઇંગ્લૅન્ડ (England)ની ટીમ ટૂર્નામેન્ટની બહાર થઈ ગઈ છે, કારણકે ગ્રૂપ-ડીમાંથી ટોચની બે ટીમ બીજા રાઉન્ડમાં જાય છે અને એમાં ભારત ઉપરાંત ચીનની ટીમ પણ પહોંચી ગઈ છે.
SMILES IN INDIA. TEARS IN ENGLAND! 🇮🇳😭
— Anil Bansal (@dilseanilbansal) August 20, 2026
0-0 draw sends India through. England OUT!
Indian faces lit up with joy, England’s eyes filled with tears. 🧤🔥#INDvENG #HockeyWorldCup #IndianHockey pic.twitter.com/99V79qPqI1
ભારતની ગોલકીપર સવિતા પુનિયા અને બિચ્છુ દેવીએ ઇંગ્લૅન્ડના 11 પેનલ્ટી કૉર્નરને નિષ્ફળ બનાવ્યા હતા તેમ જ મૅચની અંતિમ પળોમાં આવેલા ભારે માનસિક દબાણમાં પણ મૅચ ડ્રૉ કરાવી હતી.
ભારતે લીગ રાઉન્ડમાં બે મૅચ ડ્રૉ કરાવી હતી અને એક મૅચમાં વિજય માણ્યો હતો. મેન્સ હૉકીમાં ભારતીય ટીમે બુધવારે પાકિસ્તાનને સ્પર્ધાની બહાર કર્યું હતું.
