નવી દિલ્હીઃ ભારતીય રેલવેમાં મુસાફરો ઘણીવાર ફરિયાદ કરે છે કે ટિકિટ એક્ઝામિનર્સ (TTEs) ક્યારેક જરૂર પડ્યે ટ્રેનમાં હાજર હોતા નથી અથવા આખા કોચની સંભાળતી વખતે તેઓ થાકેલા દેખાય છે. રેલવે પ્રધાન અશ્વિની વૈષ્ણવે હવે સંસદમાં માહિતી આપી છે કે, એક ટિકિટ એક્ઝામિનરને મહત્તમ કેટલા કોચનું સંચાલન સોંપી શકાય છે. લોકસભામાં એક પ્રશ્નના જવાબમાં મંત્રીએ જણાવ્યું હતું કે, નવી માર્ગદર્શિકા હેઠળ એક TTE ને વધુમાં વધુ પાંચ એર-કન્ડિશન્ડ (AC) કોચ અથવા ત્રણ સ્લીપર/ચેર કાર કોચ માટે ટિકિટ તપાસ અને મુસાફરોની સહાયની જવાબદારી સોંપવામાં આવી છે.

ગાઈડલાઈન્સ ફિક્સ હોય છે

આ પ્રશ્ન મહારાષ્ટ્રના નાંદેડના કોંગ્રેસના સાંસદ રવિન્દ્ર વસંતરાવ ચૌહાણે આ મુદ્દે એક સવાલ સંસદમાં ઉઠાવ્યો હતો. શું દિલ્હીના સરાઈ રોહિલ્લા અને જમ્મુ અને કાશ્મીરના ઉધમપુર વચ્ચે દોડતી કેટલીક ટ્રેનો - ખાસ કરીને ટ્રેન નંબર 22401 અને 22402 - પર TTE (ટ્રાવેલિંગ ટિકિટ એક્ઝામિનર્સ) વધુ પડતા કામનો બોજ અનુભવી રહ્યા છે. શું ત્યાં વધારાના TTE તૈનાત કરવામાં આવી રહ્યા છે? 

આના જવાબમાં રેલવે પ્રધાને જણાવ્યું હતું કે રેલવેએ TTE તૈનાત માટે સ્પષ્ટ ગાઈડલાઈન્સ નક્કી કરી રાખી છે અને સ્ટાફની ફરજો તેમના અનુસાર જે તે રૂટ પર એમને જવાબદારી સોંપવામાં આવે છે. રેલવે પ્રધાને જણાવ્યું હતું કે, ટ્રેનમાં TTEની સંખ્યા પહેલાથી જ નક્કી ન હોય ટ્રેનમાં કુલ કેટલા કોચ છે, એસી છે કે સ્લીપર, સ્લીપર એસી છે કે ચેરકાર આના પર એનો આધાર હોય છે. રેલવે વિભાગનું કહેવું છે કે કોચની વ્યવસ્થા પર સમગ્ર રેલવેના જે તે રૂટ પર નિર્ભર હોય છે. આ કારણ ટિકિટ તપાસ સમયસર થાય છે. રિઝર્વેશન તથા યાત્રા સાથે જોડાયેલી સુવિધામાં યોગ્ય રીતે મદદ મળતી રહે છે. 

આ કારણે મામલો ગંભીર બન્યો

અશ્વિની વૈષ્ણવે જણાવ્યું હતું કે, રેલવે બોર્ડ સમયાંતરે તમામ ઝોનલ રેલ્વેને વહીવટી ગાઈડલાઈન્સ જાહેર કરે છે. તેનો ઉદ્દેશ્ય સ્ટાફનો અસરકારક ઉપયોગ સુનિશ્ચિત કરવાનો અને મુસાફરોને વધુ સારી સેવા પૂરી પાડવાનો છે.
વિભાગનું કહેવું છે કે, વિવિધ ટ્રેનોમાં TTEની તૈનાતીની પણ જરૂરિયાતો અને સંજોગોના આધારે સમીક્ષા કરવામાં આવે છે, જેથી ખાતરી થાય કે ટિકિટ ચેકિંગ ફરજો સાથે મુસાફરોની સુવિધા સાથે કોઈ સમાધાન ન થાય. આ મુદ્દા પર અગાઉ પણ ચર્ચા થઈ ચૂકી છે પણ આ વખતે મામલો TTEને લઈને વધારે ગંભીર બની રહ્યો હતો.