અમદાવાદઃ  સર્જનાત્મક કલા, ડિજિટલ મીડિયા અને સ્ટોરી ટેલિંગ માટે જાણીતા અમદાવાદમાં એરિના એનિમેશન દ્વારા  દેશવ્યાપી એલ્યુમ્ની એંગેજમેન્ટ પ્રોગ્રામની શરૂઆત કરવામાં આવી હતી.  આ કાર્યક્રમમાં સંસ્થાના પૂર્વ વિદ્યાર્થીઓ, ઉદ્યોગ સાહસિકો અને ભાગીદારો એકત્ર થયા હતા, જ્યાં તેમની સિદ્ધિની ઉજવણી સાથે ઉદ્યોગ સંબંધિત મહત્વપૂર્ણ ચર્ચાઓ અને નેટવર્કિંગ માટે અનોખું પ્લેટફોર્મ પૂરું પાડવામાં આવ્યું હતું.

આ કાર્યક્રમમાં 80 થી વધુ મહેમાનો અને પૂર્વ વિદ્યાર્થીઓએ ભાગ લીધો હતો. આ પૂર્વ વિદ્યાર્થીઓ AVGC-XR (Animation, Visual Effects, Gaming, Comics અને Extended Reality) તેમજ ક્રિએટિવ ઇન્ડસ્ટ્રીની અગ્રણી કંપનીઓ અને સંસ્થાઓમાં મહત્વપૂર્ણ યોગદાન આપી રહ્યા છે. કાર્યક્રમનો મુખ્ય ઉદ્દેશ તેમની સફળતાને બિરદાવવાનો અને આગામી પેઢીના સર્જનાત્મક યુવાનોને પ્રેરણા આપવાનો હતો.

કાર્યક્રમમાં હાજર રહેલા જાણીતા પૂર્વ વિદ્યાર્થીઓમાં Artosouls ના CEO અવેશ ભાસ, Imagine Communications ના સ્થાપક અમિત મહેતા, Inextrix Technologies ના ડિઝાઇન હેડ દીપ અર્દશના તથા Bonacci ના બિઝનેસ હેડ મિહિર ભાવસાર સહિત અનેક પ્રતિષ્ઠિત નામોનો સમાવેશ થતો હતો. તેમની ઉપસ્થિતિએ એરિના એનિમેશન દ્વારા વિકસાવવામાં આવેલી સર્જનાત્મકતા અને ઉદ્યોગ સાહસિકતાની ભાવનાને પ્રતિબિંબિત કરી હતી.

અમદાવાદમાં યોજાયેલી આ એલ્યુમ્ની મીટ દેશવ્યાપી એલ્યુમ્ની એંગેજમેન્ટ કાર્યક્રમની શરૂઆતનો એક મહત્વપૂર્ણ ભાગ છે. આ પહેલ અંતર્ગત એરિના એનિમેશન દેશના વિવિધ મેટ્રો તથા નોન-મેટ્રો શહેરોમાં પણ આવા કાર્યક્રમો યોજશે, જેથી પૂર્વ વિદ્યાર્થીઓની સિદ્ધિઓને માન્યતા આપી શકાય અને સમગ્ર ક્રિએટિવ સમુદાય સાથે વધુ મજબૂત જોડાણ સ્થાપિત થઈ શકે. 

ભારતના ક્રિએટિવ ઇકો સિસ્ટમને વધુ મજબૂત બનાવવા માટે એરિના એનિમેશને ‘Arena Originals’ નામની નવી પહેલ પણ શરૂ કરી છે. આ પ્લેટફોર્મ વિદ્યાર્થીઓ અને પૂર્વ વિદ્યાર્થીઓને પોતાની ઓરિજિનલ ક્રિએટિવ આઈપી (Intellectual Property) વિકસાવવા અને નવા કન્ટેન્ટ સર્જવા માટે પ્રોત્સાહિત કરશે.

‘Arena Originals’નું લોન્ચિંગ એપટેક લિમિટેડના ચીફ હ્યુમન રિસોર્સ ઓફિસર શૌર્ય કે. ચક્રવર્તી તથા એરિના એનિમેશનના સિનિયર વાઇસ પ્રેસિડેન્ટ અને નેશનલ સેલ્સ હેડ શાજન સેમ્યુઅલના હસ્તે કરવામાં આવ્યું હતું. આ પહેલ એનિમેશન અને VFX ક્ષેત્રમાં ઓરિજિનલ તથા સ્વદેશી કન્ટેન્ટની વધતી માંગને ધ્યાનમાં રાખીને શરૂ કરવામાં આવી છે. સાથે જ વર્ચ્યુઅલ પ્રોડક્શન અને ડિજિટલ કન્ટેન્ટ ક્રિએશન જેવી નવી ટેકનોલોજીનો પણ તેમાં સમાવેશ કરવામાં આવ્યો છે.

આ પ્રસંગે એરિના એનિમેશનના સિનિયર વાઇસ પ્રેસિડેન્ટ અને નેશનલ સેલ્સ હેડ  શાજન સેમ્યુઅલે જણાવ્યું હતું કે, અમદાવાદ અને ગુજરાતના અમારા પૂર્વ વિદ્યાર્થીઓ આજે સફળ ઉદ્યોગ સાહસિકો તરીકે પોતાની ઓળખ ઉભી કરી રહ્યા છે અને અગ્રણી ક્રિએટિવ સંસ્થાઓમાં મહત્વપૂર્ણ યોગદાન આપી રહ્યા છે. એરિના એનિમેશનના 30 વર્ષ પૂર્ણ થવાનો આ અવસર માત્ર અમારી સફળ યાત્રાનું પ્રતિક નથી, પરંતુ વર્ષોથી વિકસાવેલા મજબૂત ઇન્ડસ્ટ્રી નેટવર્કનું પણ પ્રતિબિંબ છે. અમદાવાદ એલ્યુમ્ની મીટ દ્વારા અમે તેમની સિદ્ધિઓની ઉજવણી કરી રહ્યા છીએ અને સાથે જ આગામી પેઢીના સર્જકોને પ્રેરણા મળે તેવા સહયોગી માહોલનું નિર્માણ કરી રહ્યા છીએ.

કાર્યક્રમ દરમિયાન નવી ટેકનોલોજી, બદલાતા કારકિર્દી માર્ગો અને ઇન્ડસ્ટ્રીની જરૂરિયાતો અંગે રસપ્રદ ચર્ચાઓ પણ યોજાઈ હતી. પૂર્વ વિદ્યાર્થીઓએ પોતાના અનુભવો અને સફળતાની કહાનીઓ શેર કરી હતી.