મુંબઈ: મહારાષ્ટ્રના મુખ્ય પ્રધાન દેવેન્દ્ર ફડણવીસે વડા પ્રધાન નરેન્દ્ર મોદીને સરકારના વડા તરીકે ૨૫ વર્ષ પૂરા કરવા બદલ હાર્દિક અભિનંદન પાઠવ્યા છે. મહારાષ્ટ્રના મુખ્ય પ્રધાન  દેવેન્દ્ર ફડણવીસે વડા પ્રધાન નરેન્દ્ર મોદીને સરકારના વડા તરીકે 25 વર્ષ પૂર્ણ કરવા બદલ અભિનંદન આપતા કહ્યું કે તેમનો કાર્યકાળ સમર્પણ, વિકાસ અને માનવ કલ્યાણથી ભરેલો રહ્યો છે.

ફડણવીસે મુંબઈમાં સંવાદદાતાઓને જણાવ્યું હતું કે છેલ્લા 12 વર્ષ દરમિયાન, ભારત અને તેની અર્થવ્યવસ્થા મોદીના નેતૃત્વમાં આગળ વધી ટોચના પાંચ સ્થાનમાં આગળ વધી છે. મોદી ૭ ઓક્ટોબર, ૨૦૦૧થી સતત સરકારના વડા તરીકે સેવા આપી રહ્યા છે - પહેલા ત્રણ ટર્મ માટે ગુજરાતના મુખ્ય પ્રધાન તરીકે અને ત્યાર બાદ ત્રણ લોકસભા ચૂંટણી જીત્યા પછી ભારતના વડાપ્રધાન તરીકે ફરજ બજાવી રહ્યા છે.

ફડણવીસે વધુમાં જણાવ્યું હતું કે 'આ 25 વર્ષ સમર્પણ, વિકાસ, માનવ કલ્યાણ અને ભારતને એક નવી ક્ષિતિજ તરફ લઈ જવાના વર્ષો રહ્યા છે.  25 કરોડ લોકોને ગરીબીમાંથી બહાર કાઢવામાં આવ્યા એ મોદીના કાર્યકાળ દરમિયાનની એક મહત્વપૂર્ણ સિદ્ધિ છે. આજે, ફરી એકવાર, તેમણે આપણને 2047 સુધીમાં વિકાસ ભારતનો સંકલ્પ આપ્યો છે. એ સંકલ્પ સાકાર કરવા અમે કટિબદ્ધ છીએ.'

મહારાષ્ટ્ર વતી મોદીને અભિનંદન આપતા ફડણવીસે કહ્યું કે વડા પ્રધાને છેલ્લા 12 વર્ષમાં દેશને સમર્પિત નેતૃત્વ પૂરું પાડ્યું છે. 'સેવા સંકલ્પ યાત્રા' ચાલુ રહેશે અને 2047 સુધીમાં વિકસિત ભારત બનાવવાનો સંકલ્પ વ્યક્ત કર્યો.