દેશભરમાં ગણેશ ચતુર્થીની ધૂમધામ જોવા મળી રહી છે. આ પાવન અવસરે બોલિવૂડ અને ટીવી જગતના અનેક સેલેબ્સ પણ ગણપતિ બાપ્પાની ભક્તિમાં લીન જોવા મળી રહ્યા છે. તાજેતરમાં ‘તારક મહેતા કા ઉલ્ટા ચશ્મા’માં જેઠાલાલનું પાત્ર ભજવીને ઘર-ઘરમાં લોકપ્રિય બનેલા અભિનેતા દિલીપ જોશી ભાજપ નેતા આશિષ શેલારના ઘરે ગણપતિ બાપ્પાના દર્શન કરવા પહોંચ્યા હતા.
દિલીપ જોશીએ લીધા બાપ્પાના આશીર્વાદ
દિલીપ જોશીનો એક વીડિયો સોશિયલ મીડિયા પર સામે આવ્યો છે, જે ઝડપથી વાયરલ થઈ રહ્યો છે. વીડિયોમાં તેઓ આશિષ શેલારના ઘરે પ્રવેશ કરતા જોવા મળે છે. આ દરમિયાન ત્યાં હાજર ચાહકોએ તેમને ઘેરી લીધા હતા અને તેમની સાથે તસવીરો પણ પડાવી હતી.દિલીપ જોશીએ પણ ચાહકોનું હાથ જોડીને સ્મિત સાથે અભિવાદન કર્યું હતું. ગણપતિ બાપ્પાના દર્શન દરમિયાન તેઓ ભક્તિભાવમાં જોવા મળ્યા હતા.
तारक मेहता का उलटा चष्मा फेम अभिनेते दिलीप जोशी यांनी आमच्या गणपती बाप्पाचे दर्शन घेतले.#GanpatiBappaMorya #Ganeshotsav #GanpatiDarshan #gharogharibappa #AshishShelar pic.twitter.com/IIlO4S5rkN
— Adv. Ashish Shelar - ॲड. आशिष शेलार (@ShelarAshish) September 21, 2026
કેઝ્યુઅલ લુકમાં જોવા મળ્યા દિલીપ જોશી
આ દરમિયાન દિલીપ જોશી કેઝ્યુઅલ લુકમાં જોવા મળ્યા હતા. તેમણે સફેદ શર્ટ સાથે બ્લેક પેન્ટ પહેરી હતી. સાથે બ્લેક શૂઝ પહેર્યા હતા. સાદા અને કમ્ફર્ટેબલ લુકમાં દિલીપ જોશી ખૂબ જ સ્માર્ટ લાગી રહ્યા હતા. તેમણે પાપારાઝી સામે અનેક પોઝ પણ આપ્યા હતા.
भारतरत्न सचिन तेंडुलकर यांनी आमच्या गणरायाचे दर्शन घेतले. यावेळी पत्नी ॲड. प्रतिमासोबत त्यांचे स्वागत केले.#GanpatiBappaMorya #Ganeshotsav #GanpatiDarshan #gharogharibappa #AshishShelar pic.twitter.com/aa1sBd10dM
— Adv. Ashish Shelar - ॲड. आशिष शेलार (@ShelarAshish) September 21, 2026
સચિન તેંડુલકર પણ બાપ્પાના દર્શન માટે પહોંચ્યા
દિલીપ જોશી ઉપરાંત ભારતીય ક્રિકેટર સચિન તેંડુલકર પણ ભાજપ નેતા આશિષ શેલારના ઘરે ગણપતિ બાપ્પાના દર્શન કરવા પહોંચ્યા હતા. સચિન રાત્રિના સમયે તેમના ઘરે પહોંચ્યા હતા અને બાપ્પાના આશીર્વાદ લીધા હતા. દર્શન બાદ સચિન તેંડુલકરે આશિષ શેલાર સાથે મુલાકાત પણ કરી હતી. તેમની તસવીરો સોશિયલ મીડિયા પર વાયરલ થઈ રહી છે.
Renowned director and producer Sajid Khan visited our Vandre Paschim Sarvajanik Ganeshotsav Mandal and sought the blessings of our beloved Bappa#GanpatiBappaMorya #Ganeshotsav #GanpatiDarshan #gharogharibappa #AshishShelar pic.twitter.com/sYRZ7Tx8rQ
— Adv. Ashish Shelar - ॲड. आशिष शेलार (@ShelarAshish) September 21, 2026
અશોક પંડિત અને સાજિદ ખાન પણ પહોંચ્યા
દિલીપ જોશી અને સચિન તેંડુલકર ઉપરાંત ફિલ્મમેકર અશોક પંડિત અને ડિરેક્ટર સાજિદ ખાન પણ આશિષ શેલારના ઘરે ગણપતિ બાપ્પાના દર્શન કરવા પહોંચ્યા હતા. ગણેશોત્સવનો છેલ્લો દિવસ શુક્રવારે હોવાથી બાપ્પાના દર્શન માટે ફિલ્મ અને ટીવી જગતની અનેક હસ્તીઓ તેમના ઘરે પહોંચી રહી છે. આ દરમિયાન તમામ સેલેબ્સે ગણપતિ બાપ્પાના આશીર્વાદ લીધા અને એકબીજા સાથે મુલાકાત પણ કરી હતી. આશિષ શેલારના ઘરે દર વર્ષે ગણેશોત્સવ દરમિયાન ફિલ્મ અને ટીવી જગતની અનેક જાણીતી હસ્તીઓ હાજરી આપે છે.
