મુંબઈ: મહારાષ્ટ્ર અને કર્ણાટકમાં દુષ્કાળની સ્થિતિ વચ્ચે રૂપેરી પડદાની અભિનેત્રી દેવોલિના ભટ્ટાચારજીએ કેન્દ્ર અને રાજ્ય સરકારો પર સવાલ ઉઠાવ્યા છે. દેવોલિનાએ સામાજિક માધ્યમ ‘એક્સ’ પર પોસ્ટ કરીને દુષ્કાળની સ્થિતિ અને ઈથેનોલ માટે શેરડી તથા પાણીના ઉપયોગને લઈને સરકારની ટીકા કરી છે. તેમણે લખ્યું કે ખાવા માટે અનાજ હોય કે ન હોય અને પીવા માટે પાણી હોય કે ન હોય, પરંતુ ઈથેનોલ માટે પાણી અને શેરડીની અછત હોવી જોઈએ નહીં.
દેવોલિનાએ પોતાની પોસ્ટમાં મહારાષ્ટ્ર બાદ કર્ણાટકમાં પણ દુષ્કાળ જાહેર થયાનો ઉલ્લેખ કર્યો હતો. તેમણે લખ્યું કે દેશના અનેક વિસ્તારોમાં દુષ્કાળના સમાચાર સામે આવી રહ્યા છે અને આગામી સમયમાં અન્ય રાજ્યોમાં પણ આવી સ્થિતિ ઊભી થઈ શકે છે. આ સાથે તેમણે વિકાસ અને માળખાકીય સુવિધાઓના નામે વૃક્ષો કાપવા, કોલસાની ખાણો ખોદવા, પહાડો કાપવા અને પ્રકૃતિને નુકસાન પહોંચાડવા અંગે પણ સવાલ ઉઠાવ્યા હતા.
Drought Drought Drought everywhere in the news 😇. Khaane ko anaaz ho na ho. Peene k liye paani ho na ho. But Ethanol k liye Paani - Sugancane ki koi kami nahi honi chahiye. And then Destroyers think public are fools. Yet, yes we are though. After maharashtra, karnataka announced drought. Soon will follow many more. But infrastructure & development k naam pe cutting trees, digging coal mines, cutting hills, destroying nature nahi rukni chahiye. Jab tak desh puri tarah se khatam naa hojaye tab tak inn sabki jaan ko thandak kahan se milegi ? Waise bhi desh k karta dhartao ne toh desh k bahar apni lives set kar hi rakha hai. And we think and trolls those jinhone desh k bahar citizenships lekar rakha hai. Still if you’re blind and cant see whats going on…phir toh bhagwan malik aap sabka. 🙌🏻
— Devoleena Bhattacharjee (@Devoleena_23) September 30, 2026
અત્રે ઉલ્લેખનીય છે કે મહારાષ્ટ્રમાં ૩૫૮માંથી ૨૬૫ તાલુકાને દુષ્કાળગ્રસ્ત જાહેર કરવામાં આવ્યા છે, જ્યારે કર્ણાટકમાં ૨૪૦માંથી ૧૭૭ તાલુકાને દુષ્કાળગ્રસ્ત જાહેર કરાયા છે. મહારાષ્ટ્રમાં સામાન્ય કરતાં ૧૮ ટકા ઓછો વરસાદ નોંધાયો હોવાના પણ અહેવાલ છે. બીજી તરફ, કેન્દ્રિય કૃષિ પ્રધાન શિવરાજસિંહ ચૌહાણે દુષ્કાળની સ્થિતિના જમીની મૂલ્યાંકન માટે ૩ ઓક્ટોબરે કેન્દ્રની ટીમો મહારાષ્ટ્ર અને કર્ણાટક મોકલવાની માહિતી આપી છે.
દેવોલિનાએ પોતાની પોસ્ટમાં સરકારો પર વધુ આકરા શબ્દોમાં સવાલ ઉઠાવતા કહ્યું કે જો લોકો જોઈ રહ્યા નથી કે શું થઈ રહ્યું છે તો ભગવાન જ તેમનું રક્ષણ કરે. તેમણે ઈથેનોલ, પાણી અને શેરડીના મુદ્દાને દુષ્કાળની સ્થિતિ સાથે જોડીને સરકારની નીતિઓ પર સવાલ કર્યો છે. આ દરમિયાન મહારાષ્ટ્ર સરકાર તરફથી દુષ્કાળગ્રસ્ત વિસ્તારો માટે વીજળી બિલમાં રાહત અને પાક લોનના પુનર્ગઠન જેવા પગલાંની માહિતી પણ સામે આવી છે.
