ઇરાની સાજીશ વચ્ચે એક નવી અને અજ્ઞાત ધમકી મળ્યા બાદ અમેરિકાએ મોટું પગલું ભર્યું છે. અમેરિકાએ બ્રિટનના RAF ફેયરફોર્ડ એરબેઝ પર તૈનાત પોતાના તમામ લાંબા અંતરના બોમ્બર વિમાનોને તુરંત પાછા અમેરિકા સ્થિત હોમ બેઝ પર બોલાવી લીધા છે.

સીએનએન (CNN) ના અહેવાલ મુજબ, એક અમેરિકી રક્ષા અધિકારીએ આ ઘટનાક્રમની પુષ્ટિ કરી છે.

વિમાનોને હોમ બેઝ પર પાછા મોકલ્યા

અમેરિકી અધિકારીએ જણાવ્યું, અમે પુષ્ટિ કરીએ છીએ કે RAF ફેયરફોર્ડમાં તૈનાત તમામ અમેરિકી બોમ્બર વિમાનોને પાછા તેમના હોમ બેઝ પર મોકલી દેવામાં આવ્યા છે. જોકે, અધિકારીએ સુરક્ષા કારણોનો હવાલો આપતા ધમકીની ચોક્કસ પ્રકૃતિ અથવા વિમાનોને અચાનક હટાવવાના મુખ્ય કારણનો ખુલાસો નથી કર્યો.

સુત્રોએ આને  અત્યંત ગંભીર અને એક વાસ્તવિક ઘટના ગણાવી છે. વિશેષજ્ઞોનું માનવું છે કે બોમ્બર્સને ક્ષેત્રના કોઈ અન્ય યુરોપીયન બેઝ પર મોકલવાને બદલે સીધા અમેરિકા બોલાવવા એ એક અસામાન્ય અને અસાધારણ પગલું છે.

રણનીતિક ઠેકાણું છે RAF ફેરફોર્ડ

RAF ફેયરફોર્ડ અમેરિકી ગ્લોબલ સ્ટ્રાઇક કમાન્ડનું એક અત્યંત મહત્વપૂર્ણ વ્યૂહાત્મક ઠેકાણું છે. તેનો ઉપયોગ લાંબા અંતરના હુમલાઓ અને ઈરાન સામેના અભિયાનમાં સામેલ અમેરિકી B-1 બોમ્બર વિમાનોની તૈનાતી માટે કરવામાં આવતો રહ્યો છે.

આ કાર્યવાહી એરબેઝની સુરક્ષામાં ગાબડું પાડવાની કથિત ઈરાની ષડયંત્રના ઘટનાક્રમમાં થયેલી ધરપકડો બાદ સામે આવી છે. બ્રિટિશ પોલીસે 27 સપ્ટેમ્બરે RAF ફેયરફોર્ડ પાસે આતંકવાદ અને વિસ્ફોટક અપરાધોના શંકામાં 23 થી 25 વર્ષની વયના પાંચ બ્રિટિશ નાગરિકોની ધરપકડ કરી હતી.

બાદમાં તેમને જામીન પર મુક્ત કરી દેવામાં આવ્યા હતા, જેની અમેરિકી રાષ્ટ્રપતિ ટ્રમ્પે કડક આલોચના કરી હતી.

આ ઉપરાંત, ગુરુવારે આ ષડયંત્રના ઘટનાક્રમમાં 25 વર્ષીય બ્રિટિશ-ઇરાની બેવડી નાગરિકતા ધરાવતા વ્યક્તિની પણ ધરપકડ કરી હતી.