મુંબઈઃ વર્ષ 2009માં આવેલી સલમાન ખાનની સુપરહિટ ફિલ્મ 'વોન્ટેડ' આજે પણ યુવાનોની ફેવરીટ ફિલ્મ છે. આ ફિલ્મમાં સલમાન ખાન સાથે આયશા ટાકિયા જોવા મળી હતી. આ ફિલ્મના પદડા પાછળની વાત એ જાણવા મળી છે કે, આ ફિલ્મમાં સલમાનની ઈચ્છા કેટરિના કૈફને લીડ એક્ટ્રેસ તરીકે લેવાની હતી. આ ફિલ્મના પ્રોડ્યુસર બોની કપૂર હતા. જ્યારે પહેલીવાર વાત સામે આવી એ સમયે સલમાન ખાને કેટરિના કૈફનું નામ સજેસ્ટ કર્યું હતું. પણ બોની કપૂરે આ નામ પર ના પાડી દીધી હતી. 

સાઉથની ફિલ્મની રીમેક

આ ફિલ્મ સાઉથની ફિલ્મ 'પોકિરી'ની હિન્દી રીમેક ફિલ્મ હતી. બોની કપૂરના જણાવ્યા અનુસાર આ ફિલ્મ માટે સલમાન ખાન એકદમ પર્ફોકેટ હતો, રીમેક પર કામ કરતા પહેલા તે સલમાનને સાઉથની એ ફિલ્મ બતાવવા માગતા હતા. પણ બિઝી શેડ્યુલના હિસાબે સલમાન ઓરિજિનલ ફિલ્મનો કોઈ પ્રીવ્યૂ જોઈ શક્યો નહીં. બોની કપૂરે એક ખાસ મુલાકાતમાં જણાવ્યું હતું કે, આ ફિલ્મના રાઈટ્સ કોઈ બીજા એક્ટર કે પ્રોડ્યુસરે ખરીદ્યા લીધા હતા. પણ હું પહેલાથી જ 'ગજની' ફિલ્મના રાઈટ્સને ગુમાવી ચૂક્યો હતો.

'પોકિરી'ને ગુમાવવા માગતો ન હતો. પછી સલમાને 'પોકિરી' જોઈને અને વોન્ટેડ કરવા માટે તરત જ હા પાડી દીધી હતી. આ ફિલ્મ પ્રભુદેવાએ ડાયરેક્ટ કરી હતી. ફિલ્મ રિલીઝ થયા બાદ સુપરહિટ સાબિત થઈ હતી. ગીત પણ એટલા જ પોપ્યુલર થયા હતા. બોની કપૂરે ઉમેર્યું કે, શરૂઆતના તબક્કામાં સલમાનના રોલને લઈને ખાસ કોઈ ક્લેરિટી ન હતી. 

આયશા અને સલમાન પહેલી વાર

લીડ એક્ટ્રેસ તરીકે એવું વિચારતો હતો કે, હજુ સુધી સલમાન સાથે કોઈ એક્ટ્રેસે કામ ન કર્યું હોય એવી જોડી બનાવવા માગતો હતો. આ પછી આયશા ટાકિયાના નામ પર મહોર લાગી. એ પહેલા જેનિલિયાનું નામ ચર્ચામાં હતું. આ એ સમય હતો જ્યારે સલમાન ખાનની ફિલ્મ ખાસ એટલી ચાલતી ન હતી. વોન્ટેડથી એક ઈમાનદાર પોલીસ ઓફિસરની છાપ સાથે સલમાને કમબેક કર્યું એ પછી 'દબંગ' આવી, એ પણ પોલીસ ઓફિસર તરીકે એની ઈમેજને ચારચાંદ લગાવી ગઈ. આમ 'વોન્ટેડ' સલમાન ખાનની કમબેક ફિલ્મ સાબિત થઈ અને આ પછી તેને પોલીસ ઓફિસર તરીકેના રોલમાં સારી ઈમેજ ઊભી કરી દીધી.