હૈદરાબાદઃ એસ.એસ. રાજામૌલનીની નવી ફિલ્મ 'વારાણસી'ની સ્ટોરીમાં મહેશ બાબુનો રોલ નક્કી થઈ ગયો છે. હવે ફિલ્મનો એક સીન સામે આવ્યો હોવાના વાવડ મળી રહ્યા છે. ફિલ્મને લઈને અનેક પ્રકારની વાતો થઈ રહી છે. ફિલ્મ વારાણસીમાં શુટ થવાથી લઈને હૈદરાબાદમાં લોકેશન શુટ સુધીની. હજુ સુધી ફિલ્મ શેના પર છે એ અંગે ખાસ કોઈ જાણકારી મેકર્સે આપી નથી. આ માહોલ વચ્ચે ઈન્ટરનેટ પર ફિલ્મનો એક સિન સામે આવ્યો છે. 

સ્ટોરી અંગે અનુમાન

સીનમાં ફિલ્મની સ્ટોરી અંગે અંદાજ લગાવી શકાય છે અને એક બિગસ્કેલને જોઈ શકાય છે. વારાણસી ટાઈમ ટ્રાવેલ અને એક્શનથી ભરપૂર ફિલ્મ છે. જેમાં મહેશ બાબુ રુદ્રનો રોલ પ્લે કરી રહ્યો છે. સામે આવેલા સિનમાં કેટલાક પડકારો પણ દેખાઈ રહ્યા છે.આ વાર્તા 2027 માં સેટ છે, જ્યારે 'શામ્ભવી' નામનો એક લઘુગ્રહ વારાણસી તરફ ધસી રહ્યો છે, જે વિનાશક ટક્કરનો ભય ઊભો કરે છે. મહેશ બાબુ 'રુદ્ર' ની ભૂમિકા ભજવે છે, જે એક પુરાતત્વવિદ્ અને સંશોધક છે જેને એક પ્રાચીન કોસ્મિક કલાકૃતિને લગતા મિશન માટે પસંદ કરવામાં આવે છે. આ યાત્રામાં તેની સાથે પ્રિયંકા ચોપરાનું પાત્ર 'મંદાકિની' જોડાય છે - એક ઇતિહાસકાર અને કુશળ નિશાનબાજ છે.સ્ટોરી ફિલ્મી છે અને માયથોલોજી હોવાનું માનવામાં આવે છે. તેમની શોધ આફ્રિકા, એન્ટાર્કટિકા અને યુરોપ સુધી લઈ જાય છે, જ્યાં પૃથ્વીરાજ સુકુમારનનું પાત્ર, 'કુંભ', વિરોધી તરીકે ઊભરી આવે છે. 

સાયન્સ ફિક્શન ટ્રેલર આવશે

આખી સ્ટોરીને એક  હાઇ-ટેક સાયન્સ ફિક્શન થ્રિલર તરીકે વર્ણવવામાં આવી છે જેમાં આફ્રિકાના જંગલો, એન્ટાર્કટિકાના બર્ફીલા લેન્ડસ્કેપ્સ અને સમગ્ર યુરોપના સ્થળોને ખૂબ સારી રીતે રેકોર્ડ કરવામાં આવ્યા છે. જેમાં ટેક-જીનિયસ વિલન 'કુંભ'નો પીછો કરવામાં આવે છે. આવનારી આફતને ટાળવાનું રહસ્ય શહેરના પૌરાણિક ભૂતકાળમાં છુપાયેલું છે.નિર્માતાઓએ આ સારાંશની સત્તાવાર પુષ્ટિ કરી નથી.પણ હાલમાં આવું મનાય રહ્યું છે. મહેશ બાબુ 'રુદ્ર' ની મુખ્ય ભૂમિકા ભજવશે, પરંતુ સુપરસ્ટારે એ પણ સંકેત આપ્યા છે કે,તે ફિલ્મના એક ભાગમાં ભગવાન રામ તરીકે દેખાશે. રાજામૌલી 'વારાણસી' ને એક શાનદાર સમય-યાત્રા એક્શન-એડવેન્ચર ફિલ્મ તરીકે બનાવી રહ્યા છે, જેમાં વિવિધ સ્થળો અને સમયગાળાને આવરી લેવામાં આવે છે. 

ઑક્ટોબરમાં પૂર્ણ થશે શુટિંગ

પ્રિયંકા મંદાકિનીનું પાત્ર ભજવી રહી છે, જ્યારે પૃથ્વીરાજ કુંભની ભૂમિકા ભજવશે. હાલમાં, ફિલ્મનું શૂટિંગ અનેક સ્થળોએ થઈ રહ્યું છે, જેમાં દેશ અને વિદેશમાં મોટા પાયે ફિલ્માંકનનો સમાવેશ થાય છે. રાજામૌલીના વિઝનને પડદા પર લાવવામાં વ્યાપક VFX પણ મહત્વપૂર્ણ ભૂમિકા ભજવશે. અહેવાલો અનુસાર, પ્રોજેક્ટનું બજેટ ₹900 કરોડ અને ₹1,000 કરોડની વચ્ચે હોવાનો અંદાજ છે, જોકે નિર્માતાઓએ આ આંકડાની સત્તાવાર પુષ્ટિ કરી નથી.

તાજેતરમાં, રાજામૌલીએ સંકેત આપ્યો હતો કે ફિલ્મનું શૂટિંગ આ વર્ષના ઓક્ટોબર સુધીમાં પૂર્ણ થવાની ધારણા છે.આ પહેલા પ્રિયંકા, નિક અને મહેશ બાબુના નાઈટઆઉટનો ફોટો સામે આવ્યો હતો. હૈદરાબાદમાં એક થિયેટર્સમાંથી આ ફોટો ક્લિક કરાયો હતો. ત્રણેય સ્ટાર્સે હૈદરાબાદની નાઈટલાઈફ માણી હતી.