વોશિંગ્ટનઃ અમેરિકાના લોસ એન્જલસના બહારના વિસ્તારમાં એક હેલીકોપ્ટર ક્રેશ થઇ ગયું. શહેરના ફાયર ડિપાર્ટમેન્ટે જાણકારી આપી છે કે આ દુર્ઘટનામાં ત્રણ લોકોના મોત થઇ ગયા છે. 

એક રિપોર્ટ અનુસાર, લોસ એન્જલસ ફાયર ડિપાર્ટમેન્ટ (LAFD)ના એક પ્રવક્તાએ જણાવ્યું કે આ હેલીકોપ્ટર ચેટ્સવર્થ વિસ્તારમાં બે કોમર્શિયલ બિલ્ડિંગ્સ વચ્ચે પડ્યું. એક વ્યક્તિને સ્થાનિક હોસ્પિટલ લઇ જવામાં આવ્યો છે અને તેની હાલત અંગે હાલ કોઇ જાણકારી નથી.

મીડિયા હેલીકોપ્ટર ક્રેશ

હજુ સુધી એ સ્પષ્ટ નથી થઇ શક્યું કે હેલીકોપ્ટર કોણ ઉડાવી રહ્યું હતું પરંતુ સ્થાનિક મીડિયા અનુસાર આ એક ન્યૂઝ હેલીકોપ્ટર હતું જે એક જીવલેણ બસ દુર્ઘટનાવાળી જગ્યાએ ઉડી રહ્યું હતું. 

ફાયર વિભાગના જણાવ્યા અનુસાર, આ અકસ્માત બે કોમર્શિયલ ઇમારતો વચ્ચે, નોર્થ મેસન એવન્યુના 9100 બ્લોક પાસે થયો હતો. હેલિકોપ્ટર ત્યાં રાખેલા બે શિપિંગ કન્ટેનર અને અનેક વાહનો પર જઈને પડ્યું હતું. અકસ્માત પાછળનું કારણ હજી સ્પષ્ટ થયું નથી અને તપાસ ચાલુ છે.

આગ બુઝાવ્યા પછી ફાયરકર્મીઓ અને લોસ એન્જલસ પોલીસે એક મૃતદેહ પર કેનોપી (છત્ર/ઢાંકણ) લગાવી દીધી હતી. અકસ્માત સમયે હેલિકોપ્ટરમાં કેટલા લોકો સવાર હતા તે હજુ સુધી સ્પષ્ટ થઈ શક્યું નથી.

કાટમાળની તપાસ હજુ બાકી છે, જેથી મૃતકો અને ઘાયલોની ચોક્કસ સંખ્યા જાણી શકાશે. હેલિકોપ્ટરે અચાનક નિયંત્રણ કેવી રીતે ગુમાવ્યું અને આ અકસ્માત કેવી રીતે થયો તે શોધવા માટે પોલીસ અને ફાયર વિભાગ બંને આ દુર્ઘટનાની તપાસમાં કરી રહ્યા છે.