દર્શન ભાવસાર
પત્ની ગૃહ લક્ષ્મી કહેવાય તો પ્રેમિકા?
* ઓપશ્નલ અર્થાત મરજિયાત (મહા) લક્ષ્મી...
પરમાનંદની પત્નીને શું કહેવાય?
* પ્રેમાનંદી...
માનવ શરીરમાં સાત ચક્ર હોય છે તો નવું આઠમું ચક્ર કયું?
* વિષચક્ર...
બુલબુલના પતિને શું કહેવાય?
* બિગબુલ...
પત્ની એનર્જી કે એલર્જી?
* સમજીને એનો ઉપયોગમાં લાવો તો સીનર્જી...
ડોક્ટરનું ફેવરિટ આસન?
* દવાસન અને ઈન્જેક્શન
(એ કારગત ન નીવડે તો શવાસમ તો છે જ ...)
મણથી વધુ વજન કયા મણનું હોય?
* ભલામણનું.
ઘરવાળીને ઘરવ્હાલી કેમ ના કહેવાય ?
* કહેવાય તો પછી બહારવાળીને શું કહેશો?
ખાડો ખોદનાર ખાડામાં કેમ પડતો નથી?
* કારણ કે એને બીજા ખાડા ખોદવાનો કોન્ટ્રાકટ હોય છે...
લેપ અને લપમાં શું ફરક?
* લેપ લગાવવો પડે... લપ લાગી જાય. લેપથી દર્દ ઘટે અને લપથી ઝંઝટ ...
નેતાનાં વચન કેવા હોય?
* પ્રેમીનાં વચનને ઝાંખાં પાડે એવાં...
ભૂલી જવાનો ગેરફાયદો કોને થાય?
* નેતાને... જ્યારે પ્રજા ભૂલી જાય.
