મુંબઈઃ બોલીવુડની ગ્લેમરસ અભિનેત્રી દિશા પટણી પોતાની બોલ્ડ સ્ટાઈલ અને ફિટનેસના કારણે સોશિયલ મીડિયા પર અવારનવાર છવાયેલી રહે છે, પરંતુ આ વખતે અભિનેત્રી ગણેશોત્સવ જેવા પવિત્ર તહેવાર દરમિયાન પોતાના આઉટફિટની પસંદગીને કારણે સોશિયલ મીડિયા યુઝર્સના ટ્રોલિંગનો ભોગ બની છે. ગણપતિ પૂજાના ધાર્મિક પ્રસંગે અત્યંત ડીપ-કટ બ્લાઉઝ અને રિવિલિંગ પહેરેલી દિશાને જોઈને નેટિઝન્સ ભડકી ગયા છે અને તેને પૂજા-અર્ચના જેવા પ્રસંગોએ મર્યાદા જાળવવાની સલાહ આપી રહ્યા છે.
તાજેતરમાં જ બોલિવૂડમાં ગણેશોત્સવની ખૂબ જ ધામધૂમથી ઉજવણી કરવામાં આવી હતી, જેમાં મનોરંજન જગતના અનેક જાણીતા કલાકારોએ હાજર રહ્યાં હતા. આ જ ગણપતિની પૂજામાં દિશા પટણી પણ પરંપરાગત પેસ્ટલ કલરની સાડી પહેરીને પહોંચી હતી. જોકે, તેની સાડી સાથેનું બ્લાઉઝ અત્યંત રિવિલિંગ અને બોલ્ડ હતું. આ પૂજાના વીડિયો અને તસવીરો સોશિયલ મીડિયા પર વાયરલ થતાં જ લોકોએ ધાર્મિક સ્થળે આવા કપડાં પહેરવા સામે ગંભીર સવાલો ઉઠાવવાનું શરૂ કરી દીધું હતું.
સોશિયલ મીડિયા પર દિશા પટણીનો આ લુક સામે આવ્યા બાદ યુઝર્સે કમેન્ટ સેક્શનમાં પોતાનો રોષ ઠાલવવામાં કોઈ કસર છોડી નહોતી. અનેક યુઝર્સે કમેન્ટ કરતાં લખ્યું કે, "ઓછામાં ઓછું ભગવાનની પૂજા કે ધાર્મિક કાર્યક્રમોમાં તો યોગ્ય અને સભ્ય કપડાં પહેરવાનું રાખવું જોઈએ." નેટિઝન્સનું માનવું હતું કે દરેક જગ્યાની એક ગરિમા જાળવવી આવશ્યક હોય છે અને પવિત્ર તહેવારોમાં આવી ગ્લેમરસ કે રિવિલિંગ સ્ટાઈલ બિલકુલ શોભતી નથી.
આ ટ્રોલિંગ વચ્ચે નેટિઝન્સે તાજેતરમાં જ વિવાદમાં આવેલી અભિનેત્રી કૃતિ સેનનનો સંદર્ભ પણ આપ્યો હતો. થોડા દિવસો પહેલાં એક પૂજા કાર્યક્રમમાં કૃતિ સેનનના ડ્રેસિંગ લુક પર પણ કેટલાક લોકોએ સવાલો ઉઠાવ્યા હતા. દિશા પટણીનો આ વીડિયો વાયરલ થતાં જ લોકોએ કૃતિના વિવેચકોને ટાંકીને લખ્યું કે, "જે લોકો કૃતિ સેનનને ડ્રેસિંગ સેન્સ માટે ટ્રોલ કરી રહ્યા હતા, તેઓ હવે આ જોઈ લો!" લોકોનું કહેવું હતું કે કૃતિ કરતાં પણ દિશાનો લુક પૂજા માટે વધુ અયોગ્ય હતો.
બોલીવુડ સેલિબ્રિટીઝે પોતાના આઉટફિટ્સને કારણે ટ્રોલ થયા હોય તેવી આ કોઈ પહેલી ઘટના નથી. આ પહેલાં પણ અનેક અભિનેત્રીઓ ધાર્મિક કે જાહેર કાર્યક્રમોમાં ટ્રેડિશનલ કપડાં સાથે બોલ્ડ એક્સપેરિમેન્ટ કરવા જતાં સોશિયલ મીડિયા પર લોકોના ગુસ્સાનો ભોગ બની ચૂકી છે. દિશા પટણી પોતાની ગ્લેમરસ ઈમેજ માટે જ જાણીતી છે, પરંતુ યુઝર્સનું કહેવું છે કે જગ્યા અને પ્રસંગ પ્રમાણે ભારતીય સંસ્કૃતિ અને મર્યાદાનું ધ્યાન રાખવું જરૂરી બની જાય છે.
છેવટે, આ સમગ્ર ટ્રોલિંગ અને સોશિયલ મીડિયા પર થઈ રહેલી ટીકાઓ અંગે દિશા પટણી તરફથી હજુ સુધી કોઈ પ્રતિક્રિયા સામે આવી નથી. પરંતુ આ ઘટનાએ ફરી એકવાર સાબિત કર્યું છે કે સેલેબ્સ ગમે તેટલા લોકપ્રિય હોય, પરંતુ જ્યારે વાત ધાર્મિક આસ્થા અને પરંપરાઓની આવે છે ત્યારે નેટિઝન્સ કપડાંની પસંદગી બાબતે કોઈ છૂટછાટ આપવા તૈયાર થતા નથી.
