હિન્દુ ધર્મ અને જ્યોતિષીય માન્યતાઓ અનુસાર, પિતૃ પક્ષ (શ્રાદ્ધ પક્ષ)નો પવિત્ર સમયગાળો પૂર્વજોનું સ્મરણ, તર્પણ, પિંડદાન અને શ્રાદ્ધ વિધિ કરવા માટે અત્યંત પુણ્યશાળી અને મહત્વપૂર્ણ માનવામાં આવે છે. આ વર્ષે પિતૃ પક્ષ 26મી સપ્ટેમ્બરથી શરૂ થયા છે 10મી ઓક્ટોબર, 2026 સુધી ચાલશે.

સામાન્ય રીતે શ્રાદ્ધ પક્ષને નવું ભૌતિક ખરીદ-વેચાણ ટાળવા માટે જોવામાં આવે છે, પરંતુ આ 16 દિવસ દરમિયાન આકાશમાં રચાતી વિશેષ ગ્રહોની સ્થિતિ અને પૂર્વજોના આશીર્વાદ કેટલીક રાશિઓ માટે અત્યંત શુભ અને ભાગ્યશાળી સાબિત થઈ રહ્યા છે. આ સમયગાળામાં પાંચ રાશિઓના જાતકોને નોકરી, વ્યવસાય અને આર્થિક મોરચે અભૂતપૂર્વ સફળતા મળવાના પ્રબળ યોગ બની રહ્યા છે.

વૃષભઃ

વૃષભ રાશિના જાતકો માટે પિતૃ પક્ષ કાર્યક્ષેત્ર અને આર્થિક દ્રષ્ટિએ ખૂબ જ લાભદાયી રહેશે. તમારા લાંબા સમયથી અટકેલા કાર્યો આ સમયગાળામાં સરળતાથી પૂરા થશે. નોકરી કરતા લોકોને સિનિયર અધિકારીઓ અને બોસ તરફથી સંપૂર્ણ સહકાર મળશે. ભૂતકાળમાં ફસાયેલા નાણાં અચાનક પરત મળવાથી તમારી આર્થિક સ્થિતિ નોંધપાત્ર રીતે મજબૂત બનશે.

તુલાઃ

તુલા રાશિ માટે કારકિર્દી અને બિઝનેસ બંનેમાં સુવર્ણ તકો ખુલશે. નોકરીયાત વર્ગને પ્રમોશન કે ઇન્ક્રીમેન્ટ મળવાની શક્યતા છે. જૂના વ્યાપારી સંપર્કો અને નેટવર્કિંગથી મોટો આર્થિક નફો થશે. જો તમે કોઈ નવી યોજના કે વેપાર શરૂ કરવાનું વિચારી રહ્યા હો, તો આ સમય સાનુકૂળ પરિણામો આપશે.

મિથુનઃ

બેરોજગાર કે નવી નોકરી શોધી રહેલા મિથુન રાશિના જાતકો માટે આ સમયગાળો ખુશીના સમાચાર લઈને આવશે. નવી જોબ ઓફર મળી શકે છે અથવા વર્તમાન કામમાં મોટી જવાબદારી અને પદભાર સોંપાઈ શકે છે. વેપારીઓને કોઈ નફાકારક સોદો (Big Deal) મળવાથી મોટો આર્થિક ફાયદો થશે.

મકરઃ

મકર રાશિના જાતકોને નસીબનો પૂરો સાથ મળશે. તમારી અથાક મહેનતનું યોગ્ય મૂલ્યાંકન થશે અને યોગ્ય પરિણામ મળશે. કાર્યસ્થળ પર તમારો પ્રભાવ વધશે અને નવી મહત્વપૂર્ણ જવાબદારીઓ મળશે. બાકી રહેલા તમામ અટવાયેલા કામો પૂરા થવાના યોગ છે. પૂર્વજોના નિમિત્તે શ્રદ્ધાપૂર્વક તર્પણ કરવાથી વિશેષ માનસિક શાંતિ મળશે.

કર્કઃ

કર્ક રાશિના જાતકોના પારિવારિક અને વ્યાવસાયિક જીવનમાં સકારાત્મક સુધારાઓ જોવા મળશે. વેપાર-ધંધામાં નફાનું પ્રમાણ વધશે. પરિવારના સભ્યો વચ્ચેના મનભેદ દૂર થશે અને પરસ્પર સંબંધો વધુ મજબૂત બનશે. અટકેલી રકમ હાથમાં આવી શકે છે. જોકે, ઉત્સાહ કે ઉતાવળમાં આવીને કોઈ મોટો આર્થિક નિર્ણય ન લેવો, સમજી-વિચારીને આગળ વધવું સલાહભર્યું રહેશે.