ગાંધીનગર: ગુજરાતમાં 11 ઓકટોબરથી શરૂ થઇ રહેલા નવરાત્રી શક્તિપર્વની રાજ્યોના 9 દેવસ્થાનોમાં ભવ્ય ઉજવણી કરશે. જેમાં  રાજ્ય સરકાર દ્વારા અંબાજી અને બહુચરાજી શક્તિપીઠ સહિત રાજ્યના કુલ 9 દેવસ્થાનો ખાતે નવરાત્રી-સાંસ્કૃતિક કાર્યક્રમોનું ભવ્ય આયોજન કરવામાં આવશે. 

11 અને 12 ઑક્ટોબરે અંબાજી અને બહુચરાજી ખાતે સાંસ્કૃતિક કાર્યક્રમો 

રાજ્યના યુવક સેવા અને સાંસ્કૃતિક પ્રવૃત્તિઓ વિભાગ દ્વારા બનાસકાંઠા જિલ્લાના સુપ્રસિદ્ધ અંબાજી શક્તિપીઠ ખાતે તા. 11 ઓક્ટોબર અને મહેસાણા જિલ્લાના બહુચરાજી શક્તિપીઠ ખાતે તા. 12 ઓક્ટોબરના રોજ સાંસ્કૃતિક કાર્યક્રમોનું આયોજન કરવામાં આવશે. આ ઉપરાંત રાજ્યના અન્ય 7  માતાજીનાં દેવસ્થાનો ખાતે પણ નવરાત્રી નિમિત્તે વિવિધ સાંસ્કૃતિક કાર્યક્રમો યોજાશે.

મા આદ્યશક્તિના પાવન ધામ અંબાજી ખાતે નવરાત્રી મહોત્સવને વધાવવા તડામાર તૈયારીઓ ચાલી રહી છે, જ્યાં સમગ્ર મંદિર પરિસરને મનોહર સુશોભન અને રોશનીથી સજજ કરવામાં આવી રહ્યું છે. ગબ્બર પર્વત પર વિરાજતી અખંડ જ્યોત અને શક્તિપીઠ અંબાજી ખાતે નવરાત્રીનું અનેરું માહાત્મ્ય હોઈ, નવરાત્રીના પાવન… pic.twitter.com/FzifkUjCB4

— Ambaji temple official, Gujarat, India (@TempleAmbaji) October 9, 2026

15 અને 16 ઓક્ટોબરે ચોટીલા અને પાવાગઢ ખાતે સાંસ્કૃતિક કાર્યક્રમો

આ કાર્યક્રમોની શ્રેણી અંતર્ગત મહેસાણા જિલ્લાના શ્રી ઉમિયા માતા મંદિર-ઉંઝા ખાતે તા. 13  ઓક્ટોબર, કચ્છના શ્રી આશાપુરા માતાજીના મઢ ખાતે તા. 14  ઓક્ટોબર, સુરેન્દ્રનગરના શ્રી ચામુંડા માતા મંદિર-ચોટીલા ખાતે તા. 15  ઓક્ટોબર, પંચમહાલના શ્રી મહાકાળી મંદિર-પાવાગઢ ખાતે તા. 16  ઓક્ટોબર, અમદાવાદના શ્રી ભદ્રકાળી મંદિર ખાતે તા. 17  ઓક્ટોબર, દેવભૂમિ દ્વારકાના શ્રી હરસિદ્ધ માતા મંદિર ખાતે તા. 18  ઓક્ટોબર તથા મહેસાણાના શ્રી મોઢેશ્વરી માતા મંદિર-મોઢેરા ખાતે તા. 19  ઓક્ટોબરના રોજ વિવિધ સાંસ્કૃતિક કાર્યક્રમો યોજાશે.

ખેલૈયાઓ માતાજીની આરાધના સાથે ગરબાની રમઝટ માણી શકશે

આ નવરાત્રી પર્વ દરમિયાન તા. 12 ઓક્ટોબરના રોજ બહુચરાજી-મહેસાણા ખાતે પ્રસિદ્ધ ગાયક  અરવિંદ વેગડા તથા તા. 19  ઓક્ટોબરના રોજ શ્રી મોઢેશ્વરી માતા મંદિર-મોઢેરા ખાતે ગાયિકા હિમાલી વ્યાસ નાયકની ઉપસ્થિતિમાં ગરબાનું આયોજન કરવામાં આવશે. આ ઉપરાંત અન્ય સાત દેવસ્થાનો ખાતે પણ વિવિધ જાણીતા ગાયક કલાકારોની ઉપસ્થિતિમાં ગરબા અને સાંસ્કૃતિક કાર્યક્રમો યોજાશે, જેમાં ખેલૈયાઓ માતાજીની આરાધના સાથે ગરબાની રમઝટ માણી શકશે.

સાંસ્કૃતિક અને પ્રવાસન ક્ષેત્રને પણ વધુ વેગ આપશે

ઉલ્લેખનીય  છે કે, ‘આતિથ્યમ’ ટૂરિસ્ટ ફૂટફોલ ડેશબોર્ડના આંકડા પણ રાજ્યના ધાર્મિક પ્રવાસનની આ લોકપ્રિયતાને ઉજાગર કરે છે. રાજ્યના ટોચના 10 પ્રવાસન સ્થળોમાં અંબાજી માતા મંદિર, પાવાગઢ અને બહુચરાજી મંદિરનો સમાવેશ થાય છે. જ્યારે રાજ્યના ટોચના 10  પ્રવાસન જિલ્લાઓમાં અમદાવાદ, દેવભૂમિ દ્વારકા, બનાસકાંઠા, મહેસાણા, પંચમહાલ અને કચ્છ જિલ્લાનો સમાવેશ થાય છે. આથી નવરાત્રીના પર્વ દરમિયાન આ સ્થળોએ યોજાનારા સાંસ્કૃતિક કાર્યક્રમો ધાર્મિક આસ્થા સાથે રાજ્યના સાંસ્કૃતિક અને પ્રવાસન ક્ષેત્રને પણ વધુ વેગ આપશે.

ગુજરાતના નવસારીમાં આયોજિત ગરબા મહોત્સવમાં 'પૃથ્વી' નામના રોબોટે પરંપરાગત પોશાક પહેરીને અદ્ભુત ગરબા કર્યા હતા. ટેકનોલોજી અને ગુજરાતી સંસ્કૃતિના આ અનોખા સંગમે સૌ કોઈને મંત્રમુગ્ધ કરી દીધા હતા. જુઓ રોબોટના ગરબાનો આ અદ્ભુત વિડીયો! pic.twitter.com/BjT5RIpZSb

— Mumbai Samachar Official (@Samachar_Mumbai) October 9, 2026

દેશ-વિદેશના પ્રવાસીઓ પણ સહભાગી બની શકશે

નવરાત્રીના આ પવિત્ર પર્વ દરમિયાન આસ્થા, ગુજરાતની લોકસંસ્કૃતિ અને પ્રવાસનને એકસાથે ઉજવતા આ કાર્યક્રમોમાં રાજ્યના નાગરિકો ઉપરાંત દેશ-વિદેશના પ્રવાસીઓ પણ સહભાગી બની શકશે. રમતગમત, યુવા અને સાંસ્કૃતિક પ્રવૃત્તિઓ વિભાગ દ્વારા તમામ નાગરિકોને આ  સાંસ્કૃતિક કાર્યક્રમોમાં જોડાઈ માતાજીની આરાધનામાં સહભાગી થવા અને ગુજરાતની સમૃદ્ધ સાંસ્કૃતિક પરંપરાનો અનુભવ કરવા અનુરોધ કરવામાં આવ્યો છે.

નવરાત્રિમાં દુકાન કે ગરબા? જુઓ વેપારીએ શું કહ્યું | Navratri | Ahmedabad

નવરાત્રિ એટલે ગરબા, મોજ અને ઉત્સાહ... પરંતુ વેપારીઓ માટે આ સીઝન કેટલી અલગ હોય છે? આખો દિવસ દુકાન પર ગ્રાહકોની ભીડ વચ્ચે વ્યસ્ત રહેતા વેપારીઓ શું રાત્રે ગરબા રમવા જાય છે? કે પછી નવરાત્રિની સીઝનમાં તેમનો… pic.twitter.com/VmvPT8vpfS

— Mumbai Samachar Official (@Samachar_Mumbai) October 8, 2026

માતાજીનાં દેવસ્થાનો તથા શક્તિપીઠો આધ્યાત્મિક પરંપરાના આધારસ્તંભ

રાજ્યના સુપ્રસિદ્ધ શક્તિપીઠો અને માતાજીનાં દેવસ્થાનો વર્ષભર દેશ-વિદેશના શ્રદ્ધાળુઓ અને પ્રવાસીઓને આકર્ષે છે. નવરાત્રીના પવિત્ર પર્વ દરમિયાન આ ધાર્મિક સ્થળો ભક્તિ, લોકસંસ્કૃતિ, સંગીત અને ગરબાની અદભુત ઊર્જાથી જીવંત બની ઊઠે છે.ગુજરાતના ભક્તિ અને આસ્થાના કેન્દ્ર સમાન માતાજીનાં દેવસ્થાનો તથા શક્તિપીઠો  આધ્યાત્મિક પરંપરાના આધારસ્તંભ છે. નવરાત્રીના પર્વ દરમિયાન આ ધાર્મિકસ્થળો અનેરી આધ્યાત્મિક ઊર્જાની પ્રતીતિ કરાવે છે.