ખૈબર પખ્તુનખ્વાઃ પાકિસ્તાનના ખૈબર પખ્તુનખ્વા પ્રાંતમાં આવેલી બાચા ખાન યુનિવર્સિટીમાં ભારતનું રાષ્ટ્રગીત ‘જન ગણ મન’ ગુંજ્યું હોવાનો એક વીડિયો સોશિયલ મીડિયામાં વાયરલ થયો છે. આ વીડિયો સોશિયલ મીડિયા વાયરલ થતા પાકિસ્તાનમાં ભારે વિવાદ સર્જાયો છે. બાચા ખાન યુનિવર્સિટીના ફાર્મસી વિભાગના એક વિદ્યાર્થીએ યુનિવર્સિટીના બે દિવસીય એક્સપો (યુથ ફેસ્ટિવલ) દરમિયાન આ ગીત ગાયું છે, તેની સાથે અન્ય કેટલાક વિદ્યાર્થીઓએ નારા પણ લગાવ્યા હોવાનું વીડિયોમાં જોવા મળે છે.
બાચા ખાન યુનિવર્સિટીના વિદ્યાર્થીએ ગાયું ‘જન ગણ મન’
આ વીડિયો સોશિયલ મીડિયા પર ખૂબ જ વાયરલ થઈ રહ્યો છે, જેમાં આ વિદ્યાર્થી જોરથી ‘જન ગણ મન’ ગાતો જોવા મળી રહ્યો છે. આ વીડિયો પર પાકિસ્તાની યુઝર્સે આકરી ટીકા કરી રહ્યાં છે. એટલું જ નહીં પરંતુ આ વિદ્યાર્થીને દેશદ્રોહી પણ કહેવામાં આવી રહ્યો છે. આ સાથે આ વિદ્યાર્થી અને યુનિવર્સિટીના વહીવટી તંત્ર સામે કાર્યવાહીની માંગ કરવામાં આવી રહી છે. જો કે, કેટલાકે તેને માત્ર મનોરંજન કહી રહ્યાં છે અને અમુક તો આ વીડિયો પર કહી રહ્યાં છે કે, આમાં સાંસ્કૃતિક આદાન-પ્રદાન થઈ રહ્યું છે.
પાકિસ્તાની વિદ્યાર્થીઓએ ગાયું ‘જન ગણ મન’#Janganman pic.twitter.com/FFJFlzzS7h
— MG Vimal ✍️ - વિમલ પ્રજાપતિ (@mgvimal_12) February 14, 2026
ખાસ કરીને વાત કરવામાં આવે તો, ભારતમાં આ વીડિયોને ખૂબ લાઈક્સ મળી રહ્યા છે, ભારતીયો આ વીડિયોને ખૂબ જ પસંદ કરી રહ્યાં છે. આ વીડિયો મામલે બાચા ખાન યુનિવર્સિટીએ હજુ સુધી કોઈ સત્તાવાર નિવેદન આપ્યું નથી. આ યુનિવર્સિટી મહાત્મા ગાંધીના સહયોગી અને સ્વાતંત્ર્ય સેનાની ખાન અબ્દુલ ગફ્ફાર ખાન (બાચા ખાન)ના નામે છે, જ્યાં આવી ઘટનાઓ અસામાન્ય હોય છે. પાકિસ્તાની મીડિયા અને સોશિયલ પ્લેટફોર્મ પર આ વીડિયો ટ્રેન્ડ કરી રહ્યો છે.
