હરિયાણામાં વિસ્ફોટ કરવાના ષડયંત્રનો પર્દાફાશ કરવામાં આવ્યો છે. જેમાં એસટીએફ દ્વારા અંબાલામાંથી બે કિલો RDX પકડ્યું છે.  તેમજ આ કેસમાં ત્રણ આરોપીની ધરપકડ કરવામાં આવી છે. આ ત્રણેય આરોપી બરારાથી અંબાલા તરફ જઈ રહ્યા હતા.

ઓમાન પર ડ્રોનના હુમલામાં ભારતીય નાગરિકોને જાનહાનિ થઈ છે. ઓમાનના સોહાર શહેરમાં થયેલા હુમલામાં બે ભારતીય નાગરિકના મોત થયા છે, જ્યારે અન્ય દસ લોકો ઘાયલ થયા, એમ વિદેશ મંત્રાલયે જણાવ્યું

દેશની સૌથી મોટી એરલાઈન કંપની ઈન્ડિગોએ પોતાની તમામ ડોમેસ્ટિક અને ઈન્ટરનેશનલ ફ્લાઈટ્સના ભાડામાં વધારાની જાહેરાત કરી. ફ્લાઈટ્સના ભાડામાં 425થી 2,300 રુપિયા વધારો કર્યો છે, જે પ્રવાસીઓ પાસેથી ફ્યુઅલ ચાર્જ તરીકે વસૂલશે.

હરિયાણાના અંબાલા સ્થિત બરડામાં 2 કિલો આરડીએક્સ મળી આવ્યું છે. ઘટનાસ્થળે બોમ્બ સ્ક્વોડ સહિત અન્ય કેન્દ્રીય એજન્સી ટીમ ધસી જતા સમગ્ર વિસ્તારને બંધ કરાયો.

મિડલ ઈસ્ટના સંઘર્ષ મુદ્દે સરકારે આજની પ્રેસ બ્રીફિંગમાં જણાવ્યું છે કે અત્યાર સુધીમાં ત્રણ ભારતીયનાં મોત થયા છે, જ્યારે એક ગુમ છે. ઉપરાંત, ફારસની ખાડીમાં 24 અને ઓમાનની ખાડીમાં ત્રણ જહાજ રહેલા છે, એમ સરકારે જણાવ્યું.

ગુજરાતમાં જળ સંચયના પ્રથમ અને દ્વિતીય તબક્કા હેઠળ કુલ 2.75 લાખથી વધુ કામો હાથ ધરાયા છે. જેમાં દેશના ટોચના 10 જિલ્લામાં રાજ્યના સુરત જિલ્લાએ પ્રથમ ક્રમ પ્રાપ્ત કર્યો છે. જયારે દેશની ટોચની 10  મહાનગરપાલિકામાં અમદાવાદ, સુરત અને જામનગર મહાનગરપાલિકાએ ક્રમશ  ત્રીજા, ચોથા અને સાતમા ક્રમે રહી છે.

ઈરાનના રાજદૂત મોહમ્મદ ફથાલીએ કહ્યું કે દુનિયાના અન્ય દેશ માટે કોઈ પણ વલણ હશે, પરંતુ ભારત સાથે ઈરાનના મજબૂત સંબંધ છે. બંને દેશ વચ્ચે મજબૂત મિત્રતા છે, જેનું પરિણામ આગામી બે-ત્રણ દિવસમાં દુનિયા જોશે. ભારતીયોની પીડા અમારા લોકોની છે, એમ તેમણે જણાવ્યું.

ઈરાને અમેરિકાને આંચકો આપ્યો છે.જેમાં ઈરાને હવે તુર્કીયેના ઇન્સિર્લિક એરબેઝ પર મિસાઈલ છોડી  છે. જે અમેરિકાના ન્યુકિલયર બેઝ નજીક સ્થિત છે. આ હુમલા બાદ આ વિસ્તારમાં તણાવ વધ્યો છે. આ હુમલાની  તુર્કીયે ના સંરક્ષણ મંત્રાલયે પૃષ્ટિ  કરી  છે.

મિડલ ઈસ્ટમાં વધતા સંઘર્ષ વચ્ચે ભારતમાં ઓઈલ-ગેસની કટોકટી વધતા સરકારની ઊંઘ હરામ થઈ ગઈ છે. આમ જનતાને હૈયાધારણ આપતા આજે સરકારે ફરી કહ્યું કે ચિંતાની જરુરિયાત નથી પણ લોકોમાં ચિંતા વધી છે. અગાઉ રોજના 50 લાખ સિલિન્ડરનું બુકિંગ થતું હતું, પરંતુ છેલ્લા કેટલાક દિવસોથી 75-76 લાખ સુધી બુકિંગ પહોંચ્યું છે.

ઈઝરાયલ અને અમેરિકા દ્વારા કરાયેલા હુમલામાં અત્યાર સુધીમાં ઈરાનમાં ઓછામાં ઓછા 1,444 લોકોનાં મોત થયા છે, જ્યારે 18,551 લોકોને ઈજા પહોંચી છે, એમ ઈરાનના આરોગ્ય મંત્રાલયે જણાવ્યું.

મિડલ ઈસ્ટમાં જારી સંઘર્ષ વચ્ચે અમેરિકન રાષ્ટ્રપતિ ડોનાલ્ડ ટ્રમ્પે ઈરાનને લઈ નવો દાવો કર્યો છે. જી-7ના નેતાઓ સાથે વર્ચ્યુઅલ બેઠકમાં ટ્રમ્પે દાવો કર્યો છે કે ઈરાન સરેન્ડર કરવાની નજીકમાં છે.

આસામમાં પીએમ મોદીએ કોંગ્રેસ પર આકરા પ્રહાર કર્યા છે. પીએમ મોદીએ કોંગ્રેસને ખોટા વાયદાઓની દુકાન ગણાવી છે તેમજ કહ્યું તેમનું કામ લોકોમાં વિભાજન કરાવવાનું છે. જ્યારે ડબલ એન્જિન સરકાર આસામમાં શાંતિ અને વિકાસ સાથે આગળ વધી રહી છે.

અમેરિકા અને ઈરાન વચ્ચે હજુ પણ તણાવ યથાવત છે. આ દરમિયાન ભારતના વિદેશ  મંત્રી ડૉ. એસ. જયશંકર અને ઈરાનના વિદેશ મંત્રી અબ્બાસ અરાઘચી  સાથે મહત્વપૂર્ણ વાતચીત થઇ છે.તેમની  વચ્ચે દ્વિપક્ષીય બાબતો તેમજ બ્રિક્સ સંબંધિત મુદ્દાઓ પર ચર્ચા થઇ હતી.

સુરત ફેમિલી કોર્ટમાં પતિ-પત્ની છૂટાછેડાના કેસ માટે આવ્યા હતા. આ સમયે મહિલા પર એસિડ એટેક કરવામાં આવ્યો હતો. ઈજાગ્રસ્ત મહિલા હોસ્પિટલમાં દાખલ કરવામાં આવી છે. આ મામલે પોલીસે એસિડ ફેકનાર સામે કાર્યવાહી શરૂ કરી છે.

મધ્યપૂર્વના યુદ્ધ વચ્ચે ઈરાને તુર્કીયેમાં NATOના બેઝ પર હુમલો કર્યો છે. સૂત્રોના જમાવ્યાં પ્રમાણે નાટોના આ બેઝ પર મોટી સંખ્યામાં પરમાણુ બોમ્બ હોવાની પણ આશંકા છે. ઈરાન અમેરિકાના બેઝ પર પણ હુમલો કરી રહ્યું છે. ઈરાન- અમેરિકાના યુદ્ધની અસર વિશ્વભરના દેશો પર થઈ રહી છે.

રાજસ્થાનથી અમદાવાદ આવતી બસમાં કોઈ કારણોસર ધાનેરા નજીક આગ લાગી હતી. જેમાં એક વ્યક્તિનું મોત થયું હતું અને સાત લોકો ઈજાગ્રસ્ત થયા હતા. બસમાં આગ લાગતાં ટ્રાફિક જામ થયો હતો.

ઇરાકમાં અમેરિકી સેનાનું  KC-135 સૈન્ય વિમાન ક્રેશ થઈ ગયું છે. આ પછી ઇરાકના એક વિદ્રોહી જૂથે દાવો કર્યો છે કે વિમાનને તેમણે જ તોડી પાડ્યું હતું. આ પહેલા 2 માર્ચે કુવૈતમાં ફ્રેન્ડલી ફાયરિંગમાં પણ ત્રણ અમેરિકી વિમાન ક્રેશ થઈ ગયા હતા. ઇસ્લામિક રેઝિસ્ટન્સ ઇન ઇરાક નામના સંગઠને કહ્યું કે તેમનાં સૈનિકોએ પશ્ચિમી ઇરાકમાં અમેરિકી વિમાન પર એર ડિફેન્સ સિસ્ટમથી હુમલો કર્યો, જેના કારણે તે પડી ગયું. આ સંગઠન ઇરાન સમર્થિત અનેક જૂથોનું ગઠબંધન છે.