ગુવાહાટીઃ ભારતે વેસ્ટ ઇન્ડિઝ સામે છેલ્લી 12માંથી 11 વન-ડે જીતી છે ત્યારે બુધવારે (બપોરે 2.00 વાગ્યાથી) રમાનારી સિરીઝની બીજી વન-ડે (ODI) જીતીને ભારતીયો 2-0ના માર્જિન સાથે ટ્રોફી પર કબજો કરી લેવા કોઈ કસર બાકી નહીં રાખે, પરંતુ મજબૂત બૅટિંગ સામે પેસ બોલિંગમાં સાતત્યતાનો જે અભાવ છે એ કદાચ ભારતને નડી શકે.
ગુવાહાટીમાં રો-કો (રોહિત-વિરાટ)ને જોવા માટે મંગળવારે ઍરપોર્ટ પર લોકોની ભારે ભીડ જામી હતી. કોહલી રવિવારે વન-ડે ક્રિકેટમાં 15,000 રન પૂરા કરનાર સચિન તેન્ડુલકર પછીનો વિશ્વનો બીજો ખેલાડી બન્યો ત્યાર બાદ હવે રોહિતને 12,000 પૂરા કરનાર સાતમો પ્લેયર બનવાની તક છે અને એ માટે તેને 73 રનની જરૂર છે.
West Indies had their practice session at ACA Stadium in Guwahati today. Team India did not have any practice session. Coach Gautam Gambhir, Shubman Gill, RP Singh and pragyan Ojha only came to the stadium to check the pitch. pic.twitter.com/0RVXJQJ786
— 𝐑𝐮𝐬𝐡𝐢𝐢𝐢⁴⁵ (@rushiii_12) September 29, 2026
કોહલી ગુવાહાટીના બરસાપારા સ્ટેડિયમમાં જે બે વન-ડે રમ્યો છે એ બન્નેમાં તેણે સેન્ચુરી કરી છે અને મૅન ઑફ ધ મૅચ બન્યો છે.
ગુવાહાટી (Guwahati)માં બુધવારે 30 સેલ્સિયસ જેટલું તાપમાન રહેવાની સંભાવના છે. જોકે મૅચ દરમ્યાન ઠંડો પવન ફૂંકાવાની પણ સંભાવના છે.
ગુવાહાટીના મંદિરમાં ગંભીરની પ્રાર્થના
ભારતની વન-ડે ટીમનો હેડ-કોચ ગૌતમ ગંભીર મંગળવારે આસામમાં ગુવાહાટીના મા કામખ્યા ટેમ્પલમાં પ્રાર્થના માટે પહોંચી ગયો હતો.
