રાયબરેલીમાં પ્રિયંકા ગાંધીએ ભાઈ રાહુલ માટે કર્યો પ્રચાર, ભાજપ પર લગાવ્યો આ મોટો આરોપ
રાયબરેલી: લોકસભા ચૂંટણીના ચોથા તબક્કા માટે ચૂંટણી પ્રચાર તેજ થઈ ગયો છે. દરમિયાન કોંગ્રેસ મહાસચિવ પ્રિયંકા ગાંધી વાડ્રાએ યુપીની રાયબરેલી લોકસભા સીટ પર પ્રચાર કર્યો હતો. આ દરમિયાન તેમણે ભાજપ પર આકરા પ્રહારો કર્યા હતા. પ્રિયંકાએ કહ્યું કે મહાત્મા ગાંધી અને જવાહરલાલ નેહરુએ ક્યારેય કલ્પના પણ નહીં કરી હોય કે એક દિવસ દેશની કોઈપણ સરકાર તેમને દેશદ્રોહી કહેશે.
રાયબરેલીમાં એક સભાને સંબોધતા કોંગ્રેસ મહાસચિવે કહ્યું કે, “મહાત્મા ગાંધી, પંડિત જવાહરલાલ નેહરુ અને આપણા તમામ મહાપુરુષોએ આંદોલન કર્યું જેથી લોકોના અધિકારો મજબૂત થાય.” તેમને કલ્પના પણ નહીં હોય કે એવી સરકાર આવશે જે તેમને દેશદ્રોહી કહેશે અને કહેશે કે અમને 400 સીટો આપો તો અમે બંધારણ બદલી નાખીશું. તેઓ કલ્પના પણ કરી શકતા ન હતા કે સરકાર પોતે જ આપણા દેશના લોકોને નબળા પાડવાનો પ્રયાસ કરશે.
પ્રિયંકા ગાંધી વાડ્રાએ બ્રિટિશ રાજ દરમિયાન ખેડૂતોના વિરોધ પ્રદર્શનનો પણ ઉલ્લેખ કર્યો હતો. તેમણે દાવો કર્યો હતો કે મોતીલાલ નેહરુ અને જવાહરલાલ નેહરુના સમયમાં ખેડૂતોએ પ્રથમ વખત વિરોધ કર્યો હતો, જે દરમિયાન મોતીલાલ નેહરુ અને જવાહરલાલ નેહરુની ધરપકડ કરવામાં આવી હતી.
આ પ્રદર્શન રાયબરેલીમાં હતું જ્યારે તેઓ તેમાં ભાગ લેવા આવ્યા હતા. ત્યારથી, રાયબરેલીમાં તમામ લડાઈઓ અને ચૂંટણીઓ દરમિયાન, એક તરફ લોકશાહી અને સત્ય હતું, તો બીજી બાજુ આતંક અને એક પ્રકારનું રાજકારણ હતું. જેણે ક્યારેય લોકોને સર્વોચ્ચ માન્યા નથી. આ લડાઈમાં તમે હંમેશા સત્ય અને લોકશાહીના સિદ્ધાંતોની જીત સુનિશ્ચિત કરી છે.
મહાત્મા ગાંધી અને પંડિત જવાહરલાલ નહેરૂ અને આપણા તમામ મહાપુરૂષોએ આંદોલન કર્યું જેથી જનતાના અધિકારો મજબુત થાય. તે વિચારી પણ શકતા નહોંતા કે આવી સરકાર આવશે જે તેમને જ દેશદ્રોહી કહેશે કે અમને 400 સીટો આપશો તો અમે બંધારણ બદલી નાખીશું.
ઉલ્લેખનીય છે કે કોંગ્રેસના નેતા રાહુલ ગાંધી વાયનાડ અને રાયબરેલીથી લોકસભા ચૂંટણી લડી રહ્યા છે, કેરળની વાયનાડ સીટ પર મતદાન થઈ ગયું છે. જ્યારે રાયબરેલીમાં મતદાન થવાનું બાકી છે, આ સીટથી સોનિયા ગાંધી છેલ્લા બે દાયકાઓથી ચૂંટણી જીતતી આવી છે.
