પપ્પા વિરુદ્ધ બાળકની કાનભંભેરણી કરવી એ ક્રૂરતા અને છૂટાછેડા માટેનું કારણ: મધ્યપ્રદેશ હાઈકોર્ટ
ભોપાલ/જબલપુર: મધ્ય પ્રદેશ હાઈકોર્ટે તાજેતરમાં એક છૂટાછેડાની અરજી મંજૂર કરી હતી, જેમાં જણાવ્યું હતું કે જો કોઈ માતા બાળકને તેના પોતાના પિતા વિરુદ્ધ કાનભંભેરણી કરે છે, તો તે ક્રૂરતા છે અને આ બાબત છૂટાછેડા માટે માન્ય કારણ ગણાય છે. ન્યાયાધીશ શીલ નાગુ અને વિનય સરાફની આગેવાની હેઠળની ખંડપીઠે નોંધ્યું હતું કે પત્નીએ પતિ અને તેના પરિવાર સામે આક્ષેપો કરવા માટે આત્યંતિક હદ સુધી ગયા હતા.
કોર્ટે જણાવ્યું હતું કે જો માતા બાળકને તેના પોતાના પિતા વિરુદ્ધ કાનભંભેરણી કરે તો તે ક્રૂરતા સમાન છે અને તે છૂટાછેડા માટેનું કારણ છે, એમ મધ્ય પ્રદેશ હાઈકોર્ટના તાજેતરના આદેશમાં પતિની છૂટાછેડાની અરજીને મંજૂરી આપતા જણાવવામાં આવ્યું હતું. જસ્ટિસ શીલ નાગુ અને વિનય સરાફની ખંડપીઠે જણાવ્યું હતું કે પત્નીએ આ કિસ્સામાં પતિ અને તેના પરિવારના સભ્યો સામે આરોપો મૂકવાના બધી હદ પાર કરી દીધી છે.” કોર્ટે જણાવ્યું હતું કે ક્રૂરતાને ક્યારેય ચોક્કસતા સાથે વ્યાખ્યાયિત કરી શકાતી નથી અને તે સંજોગો પર આધાર રાખે છે.
જીવનસાથી છોડી દેવું, બાળકને વિખૂટા પડી ગયેલા માતા-પિતાને મળવાની મંજૂરી ન આપવી, બાળકને તેની વિરુદ્ધ શીખવવું અને સગીર વહુ સહિતના સાસરિયાઓ સામે અવિચારી આરોપો લગાવવા, જે તેમની ગરિમાને ઘટાડે છે, તે પતિ પ્રત્યે ક્રૂરતા સમાન છે. આવા લગ્ન ક્રૂરતાના આધારે છૂટાછેડા માટે લાયક છે, એમ બેન્ચે કહ્યું હતું.
જબલપુર ફેમિલી કોર્ટે પુરુષની છૂટાછેડાની અરજી ફગાવી દીધી હતી અને જણાવ્યું હતું કે પતિ તેની પત્ની સામે ક્રૂરતાનો આરોપ સાબિત કરવામાં નિષ્ફળ ગયો હતો, એની નોંધ લેતા મધ્ય પ્રદેશ હાઈકોર્ટે જણાવ્યું હતું કે ફેમિલી કોર્ટે આ પાસાને ધ્યાનમાં નહોતું લીધું. તેથી હાઇ કોર્ટે ફેમિલી કોર્ટના આદેશને બાજુ પર મૂકી પતિની ડિવોર્સની અરજી મંજૂર કરી હતી.
