અભ્યાસ માટે કેનેડા જવાનું વિચારતા હોય તો સાવધાન, જાણો શું છે નવો નિયમ?

કેનેડામાં અભ્યાસ કરી રહેલા તથા અભ્યાસ કરવા માટે જવા ઉત્સુક વિદ્યાર્થીઓ માટે મહત્વના સમાચાર આવ્યા છે. 15 મેથી, જાહેર-ખાનગી અભ્યાસક્રમ લાયસન્સિંગ વ્યવસ્થા દ્વારા વિતરિત કરાયેલ કેનેડિયન કૉલેજ પ્રોગ્રામ્સના આંતરરાષ્ટ્રીય સ્નાતકો હવે પોસ્ટ-ગ્રેજ્યુએશન વર્ક પરમિટ (PGWP) માટે લાયક રહેશે નહીં. કેનેડા સરકારના આ પગલાથી ગુજરાતી સ્ટૂડન્ટ્સ પર સીધી અસર પડે તેવી શક્યતા છે.

કેનેડામાં અભ્યાસ કર્યા પછી જોબ કરવા માટે અહીં રોકાઈ જતા વિદ્યાર્થીઓની સંખ્યાને મર્યાદિત કરવાના હેતુથી આ પગલું ભરવામાં આવ્યું છે, જેના કારણે ગુજરાતમાંથી મુખ્યત્વે મોટા શહેરો અને વસ્તીવાળા પ્રાંતોમાંથી નોંધાયેલા લગભગ 10,000 વિદ્યાર્થીઓને અસર થાય તેવી શક્યતા છે. કેનેડામાં મોટાભાગના ગુજરાતના વિદ્યાર્થીઓ તેમની શૈક્ષણિક લોન ચૂકવવા માટે અભ્યાસ દરમિયાન કામ કરે છે.

કેનેડામાં ગુજરાતના મોટાભાગના વિદ્યાર્થીઓ અભ્યાસ કરતી વખતે તેમની શૈક્ષણિક લોન ચૂકવવા માટે કામ કરે છે. તાજેતરમાં વિવિધ પ્રાંતોને પરમિટ ક્વોટા ફાળવતી વખતે, ઇમિગ્રેશન, રેફ્યુજીસ અને સિટીઝનશિપ કેનેડા (IRCC) એ પણ PGWP માટે પાત્ર યુનિવર્સિટીઓ અને સંસ્થાઓની યાદી બહાર પાડી હતી.

આપણ વાંચો: India-Canada: કેનેડાએ ભારત પર લગાવેલા આરોપો જુઠ્ઠા નીકળ્યા, કેનેડિયન એજન્સીએ સ્વીકાર્યું

કેનેડા દ્વારા 3.64 લાખ અભ્યાસ પરમિટની મર્યાદા નક્કી કરવામાં આવી છે, કેનેડાની યુનિવર્સિટીઝમાં સપ્ટેમ્બરમાં પ્રવેશ માટે ભારતમાંથી લગભગ 1.45 લાખ વિદ્યાર્થીઓનો સમાવેશ થઈ શકે છે – જો ભારતીયોની સંખ્યા કુલના 40% રહે, જેમ કે સામાન્ય રીતે જોવામાં આવે છે અને લગભગ 22,000 ગુજરાતમાંથી.

આંકડાઓના પરિપ્રેક્ષ્યને ધ્યાનમાં રાખવા માટે ગુજરાત લગભગ 15% ભારતીય વિદ્યાર્થીઓને કેનેડા મોકલે છે, એટલે કે વાર્ષિક 35,000-40,000 વિદ્યાર્થીઓ પંજાબના વિદ્યાર્થીઓ સાથે કેનેડા અભ્યાસ માટે જાય છે. જો કે, સપ્ટેમ્બરમાં પ્રવેશ માટે, સંખ્યા અડધી થવાની શક્યતા છે અને રોજગાર અને કાયમી નિવાસની શક્યતાઓ ઘટી જશે.

કેનેડા સ્થિત ઇમિગ્રેશન વકીલ ઉપિન્દર સિંહ બેદીના જણાવ્યા મુજબ કેનેડા સરકાર દ્વારા વર્ષની શરૂઆતથી આ સમગ્ર કવાયતનો ઉદ્દેશ્ય વિદેશથી આવનારા આંતરરાષ્ટ્રીય વિદ્યાર્થીઓની સંખ્યાને મર્યાદિત કરવાનો છે.

તેમણે વધુમાં જણાવ્યું કે “કુશળ કાર્યબળ અને વિશિષ્ટ શૈક્ષણિક અભ્યાસક્રમો પર ધ્યાન કેન્દ્રિત કરવામાં આવશે તેથી જે વિદ્યાર્થીઓ STEM (વિજ્ઞાન, ટેકનોલોજી, એન્જિનિયરિંગ, ગણિત) અને તબીબી અભ્યાસક્રમો પસંદ કરે છે, તેમને ઉત્તમ તક મળવાની સંભાવના વધુ છે. આ વિદ્યાર્થીઓને વિઝા ઇશ્યૂ કરવાનો સફળતા દર લગભગ 60% છે. આ વર્ષે અમે ખાસ કરીને વધુ વસ્તીવાળા પ્રાંતો માટે એપ્લિકેશન સ્વીકૃતિ દરમાં ઘટાડો જોઈ શકીએ છીએ.”

ઉલ્લેખનિય છે કે છેલ્લા ત્રણ-ચાર વર્ષથી બારમું ધોરણ પાસ કર્યા બાદ કેનેડા જતાં સ્ટૂડન્ટ્સની સંખ્યામાં મોટો ઉછાળો આવ્યો છે, આ સ્ટૂડન્ટ્સ ભણવાની સાથે-સાથે પાર્ટ ટાઈમ કે ફુલટાઈમ જોબ કરવા ઉપરાંત ભણવાનું પૂરું થયા બાદ તેમને જે વર્ક પરમિટ મળતી હોય છે તેના દ્વારા ન માત્ર કેનેડામાં ભણવા માટે કરેલા ખર્ચને કાઢવા તેમજ તેની સાથે કેનેડાના પીઆર મળી શકે તે માટે મહેનત કરતા હોય છે. જોકે, હવે આ બધું બંધ થવાની તૈયારીમાં છે.