IND vs NZ Final મેચમાં વરસાદ પડે તો વિજેતા કોણ બનશે? જાણો શું છે ICC ના નિયમો
દુબઈ: ICC Champions Trophy 2025 ની ફાઇનલ મેચ 9મી માર્ચ રવિવારના રોજ ભારત અને ન્યુઝીલેન્ડ વચ્ચે દુબઈ ઇન્ટરનેશનલ ક્રિકેટ સ્ટેડીયમમાં (IND vs NZ Final) રમાશે. ભારત અને ન્યુઝીલેન્ડ બંને ટીમોએ આ ટુર્નામેન્ટમાં શાનદાર પ્રદર્શન કર્યું છે.
ભારત સેમિફાઇનલમાં ઓસ્ટ્રેલિયાને હરાવીને ફાઈનલમાં પહોંચ્યું છે, જ્યારે ન્યુઝીલેન્ડે દક્ષિણ આફ્રિકાને હરાવીને ફાઇનલમાં જગ્યા બનાવી છે. હવે ક્રિકેટ ચાહકો આતુરતાપૂર્વક ફાઈનલ મેચની રાહ જોઈ રહ્યા છે, ફાઈનલ મેચમાં એક રસાકસી ભર્યો મુકાબલો જોવા મળે એવી અપેક્ષા છે.
આપણ વાંચો: Champions Trophy: ન્યૂ ઝીલેન્ડ ટોસ જીતીને લીધો ‘આ’ નિર્ણય, જાણી લો પ્લેઈંગ ઈલેવન…
બે મેચ રદ થઇ ચુકી છે:
ચેમ્પિયન્સ ટ્રોફી 2025ની ગ્રુપ સ્ટેજની બે મેચ વરસાદને કારણે રદ કરવામાં આવી હતી. 25મી ફેબ્રુઆરીએ ઓસ્ટ્રેલિયા વિરુદ્ધ દક્ષિણ આફ્રિકા અને 27મી ફેબ્રુઆરીએ બાંગ્લાદેશ વિરુદ્ધ પાકિસ્તાનની મેચ વરસાદને કારણે રદ કરવામાં આવી હતી.
આ બંને મેચ પાકિસ્તાનના રાવલપિંડીમાં યોજાઈ હતી. મેચ રદ થતા બંને ટીમોને 1-1 પોઈન્ટ આપવામાં આવ્યા હતાં. હવે ચાહકોને ડર છે ફાઇનલ મેચમાં વરસાદ પડશે તો ઉત્સાહ પર પાણી ફરી વળશે. પરંતુ ICC એ વરસાદથી પ્રભાવિત ફાઇનલ મેચ અંગે પહેલાથી જ નિયમો બનાવ્યા છે.
વરસાદ પડશેતો શું થશે?
જો ફાઇનલ મેચ દરમિયાન વરસાદ પડે તો ઓવરોની સંખ્યા ઘટાડીને મેચ રમાડવામાં આવશે. ICC ના નિયમો અનુસાર, ફાઇનલ મેચમાં એક ઇનિંગમાં ઓછામાં ઓછી 20 ઓવર રમાઈ એ જરૂરી છે.
આપણ વાંચો: Champions Trophy: ભારત અને ન્યુઝીલેન્ડ વચ્ચે રમાશે રોમાંચક મેચ, વાંચો પિચ અને વેધર રીપોર્ટ
મેચ દરમિયાન વરસાદ આવે ઓવરની સંખ્યામાં ઘટાડો નિર્ધારિત સમય પછી શરૂ થાય છે. જો વરસાદને કારણે આ મેચ રવિવાર, 9 માર્ચે રમી ન શકાય તો તે રિઝર્વ ડે પર રમાશે. ફાઇનલ માટે 10 માર્ચ રિઝર્વ ડે રાખવામાં આવ્યો છે.
જો રિઝર્વ ડે એ પણ વરસાદના કારણે ફાઇનલ મેચ રદ થાય, તો બંને ટીમોને સંયુક્ત રીતે વિજેતા જાહેર કરવામાં આવશે. મેચનું પરિણામ નક્કી કરવા માટે ડકવર્થ લુઈસ નિયમનો પણ ઉપયોગ કરી શકાય છે, પરંતુ આ માટે પણ ઓછામાં ઓછી 25-25 ઓવરની મેચ થયેલી હોવી જરૂરી છે.
અગાઉ ચેમ્પિયન્સ ટ્રોફી ફાઇનલ મેચમાં વરસાદ:
ચેમ્પિયન્સ ટ્રોફીના છેલ્લા આઠ એડીશનમાં, ફક્ત એક જ વાર એવું જોવા મળ્યું છે કે ફાઇનલમાં વરસાદ આવ્યો હોય. વર્ષ 2002 માં, ભારત અને શ્રીલંકા વચ્ચેની ચેમ્પિયન્સ ટ્રોફી ફાઇનલ મેચ વરસાદને કારણે રદ કરવામાં આવી હતી.
આપણ વાંચો: Champions Trophy: ઇંગ્લેન્ડની ક્રિકેટમાં ધમાલ, બટલરે કેપ્ટન તરીકે રાજીનામું આપ્યું
એ મેચ માટે પણ રિઝર્વ ડે હતો, પરંતુ રિઝર્વ ડે પર પણ વરસાદ પડ્યો હતો. આખરે મેચ રદ કરવામાં આવી, ત્યાર બાદ ભારત અને યજમાન શ્રીલંકાને સંયુક્ત ચેમ્પિયન જાહેર કરવામાં આવ્યા.
દુબઈમાં વરસાદની શક્યતા કેટલી?
રિપોર્ટ અનુસાર ફાઇનલ મેચ દરમિયાન દુબઈમાં વરસાદની કોઈ શક્યતા નથી. મેચના દિવસે આકાશ સ્વચ્છ રહેશે અને તાપમાન 33 ડિગ્રી સેલ્સિયસની આસપાસ રહેવાની ધારણા છે. આવી સ્થિતિમાં, ફાઇનલ દરમિયાન વરસાદ વિલન બને તેવી શક્યતા નહીવત છે.