આ અબજોપતિની પત્નીને ઘૂરતા જ રહી ગયા માર્ક ઝુકરબર્ગ
અમેરિકાના રાષ્ટ્રપતિ ડોનાલ્ડ ટ્રમ્પનો શપથ ગ્રહણ સમારોહ રંગેચંગે સંપન્ન થઇ ગયો. કડકડતી ઠંડીને કારણે તેમનો આ સમારોહ કોપિટોલ હિલ ખાતે ખુલ્લામાં ના યોજાતા અમેરિકાની સંસદ કેપિટોલ રોટુન્ડા હોલમાં યોજાયો હતો. વિશ્વભરના મહાનુભાવો, બિઝનેસ ટાયકુનો આ સમારોહમાં હાજર રહ્યા હતા. શપથ ગ્રહણ દરમિયાન કેટલીક એવી ઘટનાઓ બની જેના વીડિયો સોશિયલ મીડિયા પર વાયરલ થઇ રહ્યા છે. આમાં માર્ક ઝુકરબર્ગ, મિલેનિયા ટ્રમ્પ, જેફ બેઝોસ અને તેમની મંગેતરના વીડિયો ઘણા વાયરલ થઇ રહ્યા છે.
આ પણ વાંચો: Zuckerberg Vs Ashwini Vaishnav: ચૂંટણી અંગે ઝુકરબર્ગને રેલવે મંત્રીએ રોકડું પરખાવ્યું
ગુગલના સીઇઓ સુંદર પિચાઇ, એપલના સીઇઓ ટીમ કૂક, ભારતના ટોપના ઉદ્યોગપતિ મુકેશ અંબાણી અને તતેમના પત્ની નીતા અંબાણી, ટ્રમ્પના નજીકના સલાહકાર એલોન મસ્ક, ઉપરાંત મેટાના સીઇઓ માર્ક ઝુકરબર્ગે તેમની પત્ની પ્રીંસિલા ચાન સાથે આ સમારોહમાં હાજરી આપી હતી તો એમેઝોનના સ્થાપક જેફ બેઝોસે પણ તેમની મંગેતર લૌરા સાંચેઝ સાથે આ સમારોહમાં હાજરી આપી હતી. આ સમારોહ દરમિયાન લૌરા સાંચેઝ માર્ક ઝુકરબર્ગ અને જેફ બેજોસની વચ્ચે બેઠેલા જોવા મળી રહ્યા છે. દરમિયાન વાયરલ થયેલા વીડિયોમાં એવું જોવા મળી રહ્યું છે કે માર્ક લૌરા સાંચેઝને ટિકટિકી લગાવીને ઘુરી રહ્યા છે. માર્કની આ તસવીર સોશિયલ મીડિયા પર ઘણી જ વાયરલ થઇ રહી છે અને એના પર લોકો મીમ્સ પણ બનાવવા માંડ્યા છે.
હકીકત એ છે કે ટ્રમ્પના શપથ ગ્રહણ સમારોહમાં આવેલી લૌરા સાંચેઝ શપથ ગ્રહણ સમારોહમાં તેના ડ્રેસીંગ સેન્સને લઇને આલોચનાઓનો સામનો કરી રહી છે. એવામાં માર્ક ઝુકરબર્ગની આ તસવીરને લઇને તો લોકોને કમેન્ટ કરવાનું બહાનું મળી ગયું છે. આમાં પણ લોકો લૌરા સાંચેઝની જ ટીકા કરી રહ્યા છે. લોકો જણાવી રહ્યા છે કે આટલી બધી ઠંડી હતી કે રાષ્ટ્રપતિનો શપથ ગ્રહણ સમારોહ ખુલ્લામાં ના યોજાતા હૉલની અંદર યોજવામાં આવ્યો ત્યારે લૌરાનું આમ શર્ટ વિના આવવું અયોગ્ય હતું.
