ટોપ ન્યૂઝનેશનલ

સરકારે Binance અને QCoin સહિત 9 વિદેશી ક્રિપ્ટો પ્લેટફોર્મને નોટિસ મોકલી

નવી દિલ્હી: નાણા મંત્રાલય હેઠળના ફાઇનાન્સિયલ ઇન્ટેલિજન્સ યુનિટ (FIU) એ મની લોન્ડરિંગ એક્ટનું પાલન ન કરવા બદલ Binance અને QCoin સહીત નવ વિદેશી ક્રિપ્ટોકરન્સી અને ડિજિટલ એસેટ પ્લેટફોર્મ્સ કારણદર્શક નોટિસ મોકલી છે. FIU એ આ નવ ડિજિટલ પ્લેટફોર્મના URL ને બ્લોક કરવા માટે ઇલેક્ટ્રોનિક્સ અને ઇન્ફોર્મેશન ટેક્નોલોજી મંત્રાલય (Meit) ને પત્ર પણ લખ્યો છે. આ પ્લેટફોર્મ ભારતમાં પ્રિવેન્શન ઓફ મની લોન્ડરિંગ એક્ટ (PMLA) ની જોગવાઈઓનું પાલન કર્યા વિના કામ કરી રહ્યા હતા.

નાણા મંત્રાલયે નિવેદનમાં કહ્યું કે Binance અને QCoin સિવાય, FIUએ Huobi, Kraken, Gate.io, Bittrex, Bitstamp, MEXC Global અને Bitfinexને પણ નોટિસ મોકલી છે. FIU-IND સાથે રિપોર્ટિંગ યુનિટ તરીકે નોંધણી ન કરવા બદલ તેમને નોટિસ મોકલવામાં આવી છે.

ભારતમાં કાર્યરત વર્ચ્યુઅલ ડિજિટલ એસેટ સર્વિસ પ્રોવાઇડર્સ(VDA-SP)એ FIU-IND સાથે રિપોર્ટિંગ યુનિટ તરીકે નોંધણી કરાવવી જરૂરી છે. આ ઉપરાંત, તેઓએ PMLA, 2002 ની જોગવાઈઓનું પણ પાલન કરવું પડશે. અત્યાર સુધીમાં, કુલ 31 VDA-SP એ FIU-IND સાથે પોતાની નોંધણી કરાવી છે.

દેશ દુનિયાના મહત્ત્વના અને રસપ્રદ સમાચારો માટે જોઈન કરો ' મુંબઈ સમાચાર 'ના WhatsApp ગ્રુપને ફોલો કરો અમારા Facebook, Instagram, YouTube અને X (Twitter) ને

Savan

અમદાવાદ સ્થિત પત્રકાર અને નાટ્ય દિગ્દર્શક. વર્ષ 2022થી મુંબઈ સમાચાર સાથે રિપોર્ટર તરીકે ફરજ બજાવી રહ્યા છે. દેશ-વિદેશમાં બનતી મહત્વની ઘટનાઓ, સરકારી નીતિઓ અને ક્રિકેટજગતની ઘટનાઓનું ઊંડુ જ્ઞાન ધરાવે છે. અમદાવાદ-ગુજરાતના નાટ્યજગત સાથે જોડાયેલા છે.
Back to top button