કૉંગ્રેસ હજુ સાત બેઠક પરથી નામ જાહેર કરી શકી નથી, ભાજપના 26ની આ રહી યાદી

અમદાવાદઃ લોકસભાની ચૂંટણી સત્તાવાર જાહેર થઈ તે પહેલાથી દરેક પક્ષ ઉમેદવારોની પસંદગીની પ્રક્રિયા કરતો હોય છે, છતાં ચૂંટણીની તારીખો જાહેર થયાના દસેક દિવસો બાદ પણ કૉંગ્રેસ ગુજરાતની 24 બેઠક પર નામ જાહેર કરી શકી નથી જ્યારે ભાજપે તમામ 26 બેઠક પર ઉમેદવાર જાહેર કરી દીધા છે.

કૉંગ્રેસે ગુજરાતમાં આમ આદમી પાર્ટી સાથે ગઠબંધન કર્યું હોવાથી ભરૂચ અને ભાવનગર એમ બે બેઠક પરથી તેના ઉમેદવારો જાહેર થઈ ચૂક્યા છે જ્યારે કૉંગ્રેસે હજુ સાત બેઠક પર ઉમેદવારની જાહેરાત કરવાની બાકી છે.

આપણ વાંચો: ગુજરાતમાં કોંગ્રેસે આ 7 સીટના ઉમેદવારો કર્યા ફાઈનલ? પ્રચાર અભિયાન શરૂ કરવાની આપી સૂચના

આનું એક કારણ એ છે કે પક્ષના ઘણા નેતાએ લોકસભાની ચૂંટણી લડવાની ના પાડી છે. આમાં પરેશ ધાનાણી (રાજકોટ), પ્રતાપ દુધાત (અમરેલી), ભરતસિંહ સોલંકી (આણંદ), જગદીશ ઠાકોર (બનાસકાંઠા-પાટણ)નો સમાવેશ થાય છે. આ સાથે અમદાવાદ પૂર્વથી રાહુલ ગુપ્તાએ લડવાની ના પાડી પક્ષને જ રામરામ કહી દીધા છે.

આથી કૉંગ્રેસે સાત બેઠકો પર મજબૂત નેતાને પસંદ કરવા બાબતે મથામણ કરવી પડે તેમ છે. ત્યારે જે બેઠકો પર ત્રણેય પક્ષના ઉમેદવાર જાહેર થઈ ગયા છે, તેની યાદી આ પ્રમાણે છે.