એક દિવસ પણ ફરવા જવું હોય તો મહિલાઓ બેક આખી ભરીને જતી હોવાનુ ઘણી વાર જોયું હશે. આખો વોર્ડરોબ ભર્યો હોય પણ શું પહેરવું તે નક્કી ન કરી શકતી મહિલાઓ ખાસ કરીને કપડાની બાબતમાં ઘણી ચુઝી હોય છે. આવી જ એક મહિલાનો વીડિયો વાયરલ થયો છે. એક અઠવાડિયા માટે ક્રુઝ ટ્રીપ પર જતી મહિલાએ જે તૈયારીઓ કરી છે તે જોઈને તમને પણ મજા પડી જશે.
દુનિયામાં દરેક વ્યક્તિની પેકિંગ સ્ટાઈલ અલગ હોય છે. લોકો સ્થળ સમય અને મુસાફરીના દિવસોને આધારે અલગ અલગ પેકિંગ કરતા હોય છે. આ વચ્ચે વાયરલ દુનિયામાં ફરી એક વીડિયો ધૂમ મચાવી રહ્યો છે. જેમાં એક મહિલાએ એક સપ્તાહની ક્રૂઝ ટ્રિપ માટે અંદાજે 100 ડ્રેસ પસંદ કર્યા છે. આ વીડિયોમાં દેખાતા દંપતી આજ કાલ સોશિય મીડિયા પર ચર્ચાઈ રહ્યા છે. આ દંપતીનું નામ એશ્લી અને ડેરેક હાર્ટિગ છે. વિરોધ બાદ જ્યારે નેટીઝન્સને ખબર પડી કે આ ડ્રેસ પાંચ લોકો માટે છે, ત્યારે ઘણાએ મહિલાના નિર્ણયનું સમર્થન કર્યું. આ વીડિયો “ગર્લ ટ્રાવેલ મેથ”ની ચર્ચા સાથે લોકોનું ધ્યાન ખેંચી રહ્યો છે.
વાયરલ વીડિયોમાં એશ્લી તેના પતિ ડેરેકને એક રૂમમાં લઈ જાય છે, જ્યાં તેણે 100 ડ્રેસ ગોઠવ્યા છે. એશ્લી જણાવે છે કે આ ડ્રેસ પાંચ લોકો માટે છે, પરંતુ ડેરેકને આ વધુ પડતું લાગે છે. તે એશ્લીને કહે છે કે આ બધું બે સૂટકેસમાં ફિટ થવું અશક્ય છે. એશ્લી આને “સંગઠિત” ગણાવે છે અને ડેરેકને પેકિંગની જવાબદારી સોંપે છે. ઇન્સ્ટાગ્રામ પર યૂઝર્સે એશ્લીના નિર્ણયને સમર્થન આપ્યું, જણાવ્યું કે પાંચ લોકો માટે 100 ડ્રેસ એટલે દિવસના 2-3 ડ્રેસ, જે ક્રૂઝ ટ્રિપ માટે વાજબી છે. જ્યારે કેટલાકે ઓવરપેકિંગ ગણાવ્યું, પરંતુ બહુમતીએ એશ્લીની મહેનતની પ્રશંસા કરી.
ઇન્સ્ટાગ્રામ પર યૂઝર્સે લખ્યું, “100 ડ્રેસ પાંચ લોકો માટે એટલે દરેક માટે 20 ડ્રેસ, જેમાં દિવસના, રાતના અને સ્વિમવેરનો સમાવેશ થાય છે.” કેટલાકે વેક્યૂમ સીલિંગની સલાહ આપી, જ્યારે અન્યએ એશ્લીની સંગઠન કુશળતાને વખાણી. કેટલાક યૂઝર્સે દલીલ કરી કે ક્રૂઝ પર બાથિંગ સૂટમાં વધુ સમય વિતે છે, તેથી આટલા ડ્રેસની જરૂર નથી. આ ચર્ચા દર્શાવે છે કે પેકિંગની રીતો અંગે લોકોના અલગ-અલગ મંતવ્યો છે.
