એક કરતા વધારે બેંક અકાઉન્ટ હશે તો RBI કરશે દંડ? જાણો હકીકત શું છે…
ભારતીય રિઝર્વ બેંક (RBI) ના નિયમોમાં સમયાતરે ફેરફાર થતા રહે છે, પરંતુ આજ કાલ સોશિયલ મીડિયા પર એક સમાચાર RBIના નિર્ણયોને લઈ ફરતા થયા છે. જેને લોકોને ચિંતામાં મુકી દીધા છે.
આ ખબરમાં દાવો કરવામાં આવ્યો છે કે RBIએ એકથી વધુ બેંક ખાતા રાખવા પર દંડ લગાવવાનો નવો નિયમ બનાવ્યો છે. આવી અફવાઓએ લોકોને તેમના વધારાના બેંક ખાતા બંધ કરવા માટે દોડધામ કરવા મજબૂર કર્યા છે.
RBIની આધિકારિક સ્થિતિ
ભારતીય રિઝર્વ બેંકે સ્પષ્ટ કર્યું છે કે એક વ્યક્તિ એકથી વધુ બેંક ખાતુ રાખી શકે છે, અને આ સંપૂર્ણપણે કાયદેસર છે. RBIના નિયમો અનુસાર, કોઈપણ વ્યક્તિ પોતાની જરૂરિયાતોને આધારે વિવિધ બેંકોમાં બચત ખાતા ખોલી શકે છે. આ નિયમોમાં એકથી વધુ ખાતા રાખવા પર કોઈ દંડનો ઉલ્લેખ નથી.
RBIએ આવા ભ્રામક સમાચારોનો રદીયો આપ્યો છે. લોકોને આવી અફવાઓ પર વિશ્વાસ ન કરવા જણાવ્યું છે. બેંકનો ઉદ્દેશ ગ્રાહકોને પારદર્શી અને સુવિધાજનક સેવાઓ પૂરી પાડવાનો છે.
એકથી વધુ બેંક ખાતા રાખવાના અનેક ફાયદા છે. સૌથી મોટો ફાયદો એ છે કે તમે તમારા નાણાનું વધુ સારી રીતે વ્યવસ્થાપન કરી શકો છો. અલગ-અલગ બેંકના ખાતા દ્વારા તમને વિવિધ સેવાઓનો લાભ મળે છે, જેમ કે ઊંચું વ્યાજ દર, ઉત્તમ ગ્રાહક સેવા કે ખાસ નાણાકીય ઉત્પાદનો.
જો કોઈ બેંકની સેવાઓમાં અડચણ આવે, તો તમે અન્ય બેંકના ખાતાનો ઉપયોગ કરી શકો છો. ઓનલાઇન ફ્રોડના કિસ્સામાં પણ બહુવિધ ખાતા રાખવાથી તમારી સંપત્તિનું સંપૂર્ણ નુકસાન થતુ નથી. ઉપરાંત, અલગ-અલગ નાણાકીય લક્ષ્યો માટે અલગ ખાતાં રાખવું એ સ્માર્ટ રણનીતિ છે.
સોશિયલ મીડિયાની અફવાઓનું સત્ય
સોશિયલ મીડિયા પર ફેલાયેલા સમાચારોમાં દાવો કરવામાં આવ્યો છે કે RBIએ એકથી વધુ બેંક ખાતા રાખનારાઓ પર ભારે દંડ લગાવવાનો નિર્ણય લીધો છે. આ ખબર સંપૂર્ણપણે ખોટી અને ભ્રામક છે. RBIએ આવો કોઈ નિયમ જાહેર કર્યો નથી. આ અફવા કદાચ કોઈ ખોટી માહિતી કે ખાસ હેતુથી ફેલાવવામાં આવી હશે.
RBIની આધિકારિક વેબસાઇટ પર આવી કોઈ સૂચના નથી. બેંક હંમેશા પોતાના નવા નિયમોની જાહેરાત આધિકારિક રીતે કરે છે, તેથી આવી અફવાઓ પર વિશ્વાસ કરતા પહેલા સત્તાવાર સ્ત્રોતની ચકાસણી કરવી જરૂરી છે.
નાણાકીય નિર્ણયો લેતા પહેલા સાચી માહિતી મેળવવી અત્યંત જરૂરી છે. RBIની આધિકારિક વેબસાઇટ (rbi.org.in) પર નવા નિયમો અને માર્ગદર્શિકાઓની માહિતી ઉપલબ્ધ હોય છે. આ ઉપરાંત, તમે તમારી બેંકની શાખામાં જઈને કે ગ્રાહક સેવા દ્વારા સંપર્ક કરીને પણ સાચી માહિતી મેળવી શકો છો.
સોશિયલ મીડિયા પરની ખબરોની તરત ચકાસણી કરવી જોઈએ અને વિશ્વસનીય સમાચાર પોર્ટલ્સ કે આધિકારિક સ્ત્રોતો પરથી માહિતીની પુષ્ટિ કરવી જોઈએ. ખોટી માહિતીના કારણે લીધેલા નિર્ણયો તમારી આર્થિક સ્થિતિને નુકસાન પહોંચાડી શકે છે.
આ પણ વાંચો…ઓક્ટોબર 2025 બેંક હોલીડે: દશેરા-દિવાળી સહિત 15થી વધુ દિવસ બેંકો બંધ રહેશે, RBIની યાદી જુઓ…
