… તો આ દેશ રાતોરાત બની જશે અમીર, જાણી લો કિસ્મત કનેક્શન!
તમે ક્યાંક જોયું હશે, સાંભળ્યું અને વાંચ્યું હશે કે વ્યક્તિનું નસીબ રાતોરાત બદલાઈ જાય છે અને તે અમીર બની જાય છે, પરંતુ જો કોઈ દેશ માત્ર 24 કલાકમાં ગરીબમાંથી અમીર બની જાય છે, તો તમારા આંખ અને કાન પર વિશ્વાસ કરવો મુશ્કેલ થઈ જશે. આજે અમે તમને જે જણાવવા જઈ રહ્યા છીએ તે તમને ચોંકાવી દેશે. તમને આશ્ચર્ય થશે કે માત્ર 24 કલાકમાં ગરીબી, ભૂખમરો અને લાચારીનો સામનો કરી રહેલા આફ્રિકન દેશની કિસ્મત કેવી રીતે બદલાઈ ગઈ. કેવી રીતે ગરીબ દેશ સમૃદ્ધ બન્યો. ઘટના ખૂબ જ રસપ્રદ છે.
અમે વાત કરી રહ્યા છીએ આફ્રિકન રિપબ્લિક ઓફ બોત્સ્વાનાની કે જેનું નસીબ માત્ર 24 કલાકમાં બદલાઈ ગયું છે. બોત્સ્વાનાએ ખાણમાંથી અત્યાર સુધીનો સૌથી મોટો હીરા મળી આવ્યો હોવાનો દાવો કર્યો છે. આજે તે સાર્વજનીક રૂપે બતાવવામાં આવે છે. બોત્સ્વાના સરકાર માને છે કે જંગી 2,492-કેરેટનો હીરો દેશમાં શોધાયેલો સૌથી મોટો પ્રાકૃતિક હીરો અને કોઇ ખાણમાંથી કાઢવામાં આવેલ બીજો સૌથી મોટો હીરો છે. બોત્સ્વાનાને આ મોટો હીરો મળ્યો કે જેના કારણે દેશને અમીરી તરફ ગતિ મળી.
કેનેડાની કંપની લુકારા ડાયમંડ કોર્પે જણાવ્યું હતું કે તેણે પશ્ચિમ બોત્સ્વાનામાં તેની કારોવે ખાણમાં “અસાધારણ” હીરાની શોધ કરી છે. લુકારાએ જણાવ્યું હતું કે એક્સ-રે ટેક્નોલોજીનો ઉપયોગ કરીને શોધાયેલ હીરો “ઉચ્ચ ગુણવત્તા”નો હતો. આ હીરો 100થી વધુ વર્ષોમાં મળેલો સૌથી ભારે હીરો છે. તે 1905 બાદ દક્ષિણ આફ્રિકામાં શોધાયેલ કલીનન હીરા બાદ આ વિશ્વનો બીજો સૌથી મોટો ખનન કરાયેલ હીરો હતો.
3.106 કેરેટના કલીનન ડાયમંડને ઘણા ટુકડાઓમાં કાપવામાં આવ્યા હતા, જેમાંથી કેટલાક બ્રિટિશ શાહી આભૂષણોમાં છે. 1800ના દાયકાના ઉત્તરાર્ધમાં બ્રાઝિલમાં મોટા કાળા હીરાની શોધ થઈ હતી, તે સપાટી પર મળી આવ્યો હતો અને તે ઉલ્કાપિંડનો ભાગ હોવાનું માનવામાં આવતું હતું. તાજેતરના વર્ષોમાં બોત્સ્વાના વિશ્વનો સૌથી મોટો હીરાનું ઉત્પાદન કરનાર દેશ છે અને વિશ્વના સૌથી મોટા હીરાની શોધ અહીથી જ કરવામાં આવી છે.
