24 કલાક બાદ બુધ-શુક્ર બનાવશે ખાસ યોગ, પાંચ રાશિના જાતકોના શરૂ થશે અચ્છે…
જ્યોતિષશાસ્ત્રની દ્રષ્ટિએ ચાલી રહેલો મે મહિનો ખૂબ જ મહત્ત્વનો રહેવાનો છે, એમાં પણ 24 કલાક બાદ એટલે કે 17મી મેના ગ્રહોના રાજકુમાર બુધ અને ગ્રહોના સેનાપતિ શુક્ર બંને શુભ યોગ બનાવી રહ્યા છે, જેને કારણે કેટલીક રાશિના જાતકોને પારાવાર લાભ થઈ રહ્યો છે.
બુધ અને શુક્ર બંને 30 ડિગ્રીની કોણીય સ્થિતિમાં આવે છે ત્યારે દ્વિદ્વાદશ યોગનું નિર્માણ થાય છે. બુધ બીજા ભાવમાં અને શુક્ર ગ્રહ બારમા ભાવમાં હોય છે.
આપણ વાંચો: આજનું રાશિફળ (16/05/2025): આજનો દિવસ અમુક જાતકો માટે રહેશે ખાસ છે, જાણો કોને થશે લાભ?
દ્વિદ્વાદશ યોગને જ્યોતિષશાસ્ત્રમાં ખૂબ જ લાભદાયી માનવામાં આવ્યો છે, કારણ કે બુધ અને શુક્ર બંને શુભ માનવામાં આવે છે. બુધ અને શુક્રથી બની રહેલાં આ શુભ યોગથી પાંચ રાશિના જાતકોને પારાવાર લાભ થઈ રહ્યો છે. આ રાશિના જાતકોને ભાગ્યનો સાથ મળવાની સાથે સાથે જ બીજા પણ અનેક લાભ થઈ રહ્યા છે. આવો જોઈએ કઈ છે આ ભાગ્યશાળી રાશિઓ-
મિથુનઃ
મિથુન રાશિનો સ્વામી બુધ છે અને દ્વિદ્વાદશ યોગનું નિર્માણ આ રાશિના જાતકો માટે ખૂબ જ લાભદાયી રહેશે. આ સમયે વિચારોમાં માનસિક સ્પષ્ટતા રહેશે. રચનાત્ક વિચારોમાં વૃદ્ધિ થશે. કામકાજમાં નવી યોજના અને નવા વિચારોને સ્થાન આપશો. કામના સ્થળે વરિષ્ઠ અધિકારીઓ પાસેથી સન્માન અને સમર્થન બંને મળશે. બિઝનેસમાં કંઈક નવું કરશો. કામના સ્થળે લાભ થશે.
કન્યાઃ
આ રાશિના જાતકોને આ સમયે નોકરીમાં કે કામના સ્થળે પારાવાર લાભ થઈ રહ્યો છે. નોકરી કરી રહેલાં લોકોને આ સમયે કોઈ નવી જવાબદારી સોંપવામાં આવી શકે છે. વેપારીઓ કોઈ નવા નવા લોકો સાથે મુલાકાત કરશે, જે ભવિષ્યમાં તેમને ફાયદો કરાવશે. કોઈ મોટી ડીલ પણ આ સમયે ફાઈનલ કરશો. પરિવાર સાથે સારો સમય પસાર કરશો.
તુલાઃ
તુલા એ શુક્રની રાશિ છે અને બુધ અને શુક્ર જ દ્વિદ્વાદશ યોગનું નિર્માણ કરી રહ્યા છે, જેને કારણે આ રાશિના જીવનમાં સકારાત્મક પરિવર્તન આવશે. કારકિર્દીમાં આ સમયે સફળતા મળી રહી છે. ઓફિસમાં પણ તમામ લોકો સાથે મીઠાશપૂર્ણ વ્યવહાર રહેશે. કામના વખાણ થશે. કામમાં સંતુલન જાળવીને આગળ વધશો. દરેક કમમાં સફળતા મળશે.
મકરઃ
મકર રાશિના જાતકો માટે બુધ અને શુક્રનો યોગ નવી જવાબદારીઓ અને નવા નવા અવસર લઈને આવશે. વિદેશ જવાના યોગ બની રહ્યા છે. કામના સ્થળે કોઈ નવી જવાબદારીઓ સોંપવામાં આવી શકે છે. બિઝનેસમાં પાર્ટનરશિપનો પ્રસ્તાવ આવી શકે છે, જેનાથી ભવિષ્યમાં તમને લાભ થશે.
મીનઃ
મીન રાશિના જાતકો માટે બુધ અને શુક્ર દ્વિદ્વાદશ યોગનું નિર્માણ થવું લાભદાયી રહેશે. આ રાશિના જાતકોની રચનાત્મકતામાં વૃદ્ધિ થશે. ડિઝાઈનિંગ અને સંગીત સાથે સંકળાયેલા લોકોને આ સમયે સફળતા મળશે. ઓફિસમાં શાંત સ્વભાવને કારણે સફળતા મળી રહી છે. કરિયરમાં ફેરફાર કરવા માટે અનુકૂળ સમય છે.