બોલિવૂડ સુપરસ્ટાર હોય કે મેગાસ્ટાર, ભાઈ જાન હોય કે ખિલાડી કુમાર… ભલે તે તેલુગુ સુપરસ્ટાર મહેશ બાબુ હોય, દરેક જણ પાન મસાલા, તમાકુ, દારૂ વગેરેને લગતી કંપનીઓનું એન્ડોર્સમેન્ટ કરે છે. તે જ સમયે, પુષ્પા ફિલ્મ સ્ટાર અલ્લુ અર્જુને ફરી એકવાર આમ કરવાની ના પાડી દીધી છે. તેમના આ નિર્ણયની દરેક જગ્યાએ પ્રશંસા થઈ રહી છે.
અલ્લુ અર્જુને સ્પષ્ટ કર્યું છે કે તે પૈસા માટે ‘કંઈ’ કરવાવાળો નથી. અલ્લુ અર્જુને ફરીથી તમાકુ અને દારૂના કારોબારને લગતી બ્રાન્ડ્સના એન્ડોર્સમેન્ટને ‘ના’ કહી છે. તેણે 10 કરોડ રૂપિયાની ડીલ ફગાવી દીધી છે. તે કહે છે કે તે એવી વસ્તુઓને પ્રમોટ નહીં કરે જે તેને પસંદ નથી.
એક વેબસાઈટ અનુસાર, જ્યારે પણ અભિનેતા પુષ્પા ફિલ્મમાં ધૂમ્રપાન કરે છે અથવા કંઈક ચાવે છે ત્યારે દારૂ અને પાન બ્રાન્ડ્સ સ્ક્રીન પર તેમની બ્રાન્ડનો લોગો જોવા માંગે છે. આ માટે તેને 10 કરોડ રૂપિયાની ઓફર આપવામાં આવી હતી, પરંતુ અભિનેતા કમ્ફર્ટેબલ નહોતો અને તેણે ના પાડી દીધી.
જોકે, આ પહેલી વાર નથી જ્યારે અભિનેતાએ દારૂ અને પાન બ્રાન્ડને સમર્થન આપવાનો ઇનકાર કર્યો હોય. પુષ્પા-ધ રાઇઝની સફળતા બાદ અલ્લુ અર્જુનને એક ટીવી કમર્શિયલ માટે તમાકુ કંપની દ્વારા મોટી રકમની ઓફર કરવામાં આવી હતી, જેને અભિનેતાએ ઠુકરાવી દીધી હતી. નવા સોદામાં અલ્લુ અર્જુનને ઇન ફિલ્મ બ્રાન્ડિંગની ઓફર કરવામાં આવી હતી.
મતલબ જ્યારે પણ હીરો દારૂ પીતો હોય કે ધુમ્રપાન કરતો હોય કે કંઇ ચાવતો હોય ત્યારે ફિલ્મના દ્રશ્યમાં બ્રાન્ડ દેખાતી હોવી જોઇએ. આ માટે કંપનીએ તેમને 10 કરોડ રૂપિયાની ઓફર કરી હતી, પણ અલ્લુ અર્જુને તેને ફગાવી દીધી હતી.
