શબરીમાલા મંદિરમાં સોનું ગુમ થવાનો કેસ: SITએ બોર્ડના પૂર્વ પ્રમુખની ધરપકડ કરી
તિરુવનંતપુરમ: શબરીમાલા મંદિરનાં સોનાના ગુમ થવાના કેસની તપાસ કરી રહેલી સીટ (SIT)એ આજે અહીં ત્રાવણકોર દેવસ્વોમ બોર્ડ (ટીડીબી)ના ભૂતપૂર્વ પ્રમુખએ પદ્મકુમારની ધરપકડ કરી હતી, એમ પોલીસ અધિકારીઓએ જણાવ્યું હતું.
ભૂતપૂર્વ સીપીઆઈ(એમ) ધારાસભ્યની ક્રાઇમ બ્રાન્ચ ઓફિસમાં પૂછપરછ કરવામાં આવી હતી, ત્યારબાદ બપોરે તેમની ધરપકડ નોંધવામાં આવી હતી, એમ એક અધિકારીએ જણાવ્યું હતું. સૂત્રોએ જણાવ્યું હતું કે પદ્મકુમારને આરોપી તરીકે રજૂ કર્યા પછી શ્રીકોવિલ (ગર્ભાગાર)ના દરવાજાની ફ્રેમમાંથી સોનાના ગુમ થવાના કેસમાં ધરપકડ કરવામાં આવી હતી.
આપણ વાચો: દિવાળીની સફાઈમાં મુંબઈની મહિલાએ રૂ.4 લાખના દાગીના ગુમાવ્યા
૨૦૧૯માં જ્યારે બોર્ડે દ્વારપાલક (રક્ષક દેવતા) મૂર્તિઓના સોનાથી ઢંકાયેલા તાંબાની પ્લેટો અને શ્રીકોવિલના દરવાજાની ફ્રેમ ઇલેક્ટ્રોપ્લેટિંગ માટે મુખ્ય આરોપી, ઉન્નીકૃષ્ણન પોટ્ટીને સોંપવાના પ્રસ્તાવ પર વિચાર કર્યો ત્યારે તેઓ ટીડીબી પ્રમુખ હતા. જોકે પદ્મકુમારે કહ્યું છે કે જ્યારે સોનાની પ્લેટો ખરેખર સોંપવામાં આવી હતી ત્યારે તેઓ બોર્ડના પ્રમુખ નહોતા.
