નવી દિલ્હીઃ સીમા હૈદરને પોતાના ચાર બાળકો સાથે પાકિસ્તાનથી ભારત આવી હતી, ભારતમાં આવ્યાં બાદ સચિન મીણા નામના વ્યક્તિ સાથે તેણે લગ્ન કર્યાં હોવાનો દાવો પણ તે કરી રહી છે. એટલું જ નહીં પરંતુ ભારતમાં આવ્યાં બાદ તેણે એક દીકરીને જન્મ પણ આપ્યો છે. અત્યારે એક વીડિયો વાયરલ થયો છે જેમાં એક મહિલા સીમા હૈદરની બહેન હોવાનો દાવો કરી રહી છે અને સીમાને પાકિસ્તાન આવવા માટે અપીલ પણ કરી રહી છે. વીડિયોમાં આ મહિલાએ પોતાનું નામ રીમા હૈદર બતાવી રહી છે. આ વીડિયો સીમા હૈદરના પાકિસ્તાની પતિ ગુલામ હૈદર દ્વારા યુટ્યુબમાં અપલોડ કરવામાં આવ્યો છે.
તારા બાળકો ત્યાં સુરક્ષિત નથી, તું પાછી આવી જાઃ રીમા હૈદર
વીડિયોમાં રીમાં હૈદર કહી રહી છે કે, ‘સીમા, તે ક્યારેક તો તારા પરિવારને પ્રેમ કર્યો હશે. ત્યાં પરિસ્થિતિ સારી નથી. જ્યારે ભારત તને પાછી મોકલવા માંગે છે, તો તું કેમ પાછા આવવા માંગતી નથી? તારા બાળકો ત્યાં સુરક્ષિત નથી, તું પાછી આવી જા. કોઈ તને મારી નાખશે નહીં. તું ગુલામ હૈદર ભાઈની પત્ની છે, તે તને માફ કરશે. કોઈ તને કંઈ કહેશે નહીં. તારા બાળકો વિશે વિચાર’. વારંવાર તે ભારતમાં સુરક્ષિત નથી તેવું કહીને સીમાને પાછી પાકિસ્તાન આવવા માટે કહી રહી છે.
સીમા ખોટું બોલે છે, તેના તલાક નથી થયાઃ રીમા હૈદર
રીમા હૈદરે માત્ર સીમાને અપીલ નથી કરી પરંતુ ભારતના વડાપ્રધાન નરેન્દ્ર મોદી અને યુપીના મુખ્યપ્રધાન યોગીને પણ મદદ માટે અપીલ કરી છે. કહ્યું કે, ‘ત્યાં રહેતા અન્ય લોકોના વિઝા રદ કરીને પાકિસ્તાન પાછા મુકવામાં આવ્યાં છે તો સીમાને કેમ પાછી મુકવામાં નથી આવી? તે પોતાના ચાર બાળકોને ગેરકાયદે ભારતમાં લઈને આવી છે. સીમા ખોટું બોલી રહી છે, તેના તલાક પણ થયા નથી. જેથી સીમાને પાછી મોકલો અને અમારી મદદ કરો.’
રીમા હૈદરે સીમાને પાકિસ્તાન આવવા માટે આજીજી કરી
સીમાની વાત કરવામાં આવે તો, તેણે પાકિસ્તાન જવાની ના પાડી છે અને ભારતમાં રહેવાની ઈચ્છા વ્યક્ત કરી છે. જો કે, સીમાએ છેલ્લા બે મહિનાથી યુટ્યુબમાં કોઈમાં કોઈ વીડિયો પણ પોસ્ટ કર્યો નથી. અત્યારની સ્થિતિને જોતા સીમાને પણ પાછા પાકિસ્તાન જવાનો ડર સતાવી રહ્યો છે. જો કે, તેની બહેન હોવાનો કરતી એક પાકિસ્તાની મહિલા રીમા હૈદરે સીમાને પાકિસ્તાન પાછી આવવા માટે આજીજી કરી છે. એટલું જ નહીં પરંતુ તે અને તેના બાળકો ભારતમાં સુરક્ષિત ના હોવાનો પણ દાવો કર્યો છે. આવી સ્થિતિમાં હવે ભારત સરકાર કેવો નિર્ણય લે છે તે જોવું રહ્યું!
આ પણ વાંચો…..“સીમા હૈદરે કાળો જાદુ કરે છે” સુરેન્દ્રનગરના યુવકે સીમા હૈદર પર હુમલો કરતાં ખળભળાટ