નેશનલ
બિહારમાં RJDને વધુ એક ફટકો, MLA ભરત બિંદ NDAમાં જોડાયા
પટણાઃ બિહારમાં રાષ્ટ્રીય જનતા દળ (RJD)ને વધુ એક ફટકો પડ્યો છે. આરજેડી વિધાન સભ્ય ભરત બિંદ એનડીએમાં જોડાયા છે. ભરત બિંદ બિહારના ભભુઆના વિધાનસભ્ય છે. અત્યાર સુધીમાં બિહારમાં આરજેડીના 5 વિધાનસભ્યો આરજેડી છોડીને એનડીએ કેમ્પમાં જોડાયા છે. એટલું જ નહીં, પક્ષ બદલનારાઓમાં કોંગ્રેસના બે વિધાન સભ્ય પણ સામેલ છે.
જો કોંગ્રેસના 2 વિધાન સભ્ય પણ ઉમેરવામાં આવે તો, અત્યાર સુધીમાં INDIA બ્લોકના 7 વિધાન સભ્ય NDA કેમ્પમાં જોડાયા છે. આરજેડીના જે વિધાન સભ્યે એનડીએનો હાથ ઝાલ્યો છે, તેમાં પ્રહલાદ યાદવ, ચેતન આનંદ, વીના દેવી, સંગીતા દેવી અને ભરત બિંદનો સમાવેશ થાય છે.
