Monsoon 2024 : La Nina દેશમાં લાવી શકે છે તબાહી, બે મહિનામાં પડશે મુશળધાર વરસાદ

નવી દિલ્હી : દેશમાં હાલ ગરમીના કારણે લોકોને અનેક સમસ્યાઓનો સામનો કરવો પડી રહ્યો છે. જો કે ટૂંક સમયમાં હવામાનમાં(IMD) ફેરફાર જોવા મળશે. હવામાન વિભાગના જણાવ્યા અનુસાર લા નીના (La Nina)ટૂંક સમયમાં સક્રિય થવા જઈ રહ્યું છે. અલ નીનો હવે સમાપ્ત થઈ રહ્યું છે. અલ નીનોને કારણે દુષ્કાળ અને ગરમી પડે છે. લા નીનો સક્રિય થતા સામાન્ય કરતાં વધુ વરસાદ પડે છે. આવી સ્થિતિમાં આ વખતે લા નીનો દેશમાં ભારે વરસાદ(Monsoon 2024)લાવી શકે છે અને તબાહી મચાવી શકે છે.

લા નીનાને કારણે તાપમાન ઘટે છે

આ અંગે અપડેટ આપતાં હવામાન વિભાગે કહ્યું કે આ વખતે દેશમાં ચોમાસું જૂનથી સપ્ટેમ્બર સુધી ચાલશે, કારણ કે લા નીના આ સમય દરમિયાન જ સક્રિય થઈ શકે છે. વિષુવવૃત્તીય પ્રશાંત મહાસાગરમાં અલ નીનો અને લા નીનાને કારણે હવામાનમાં ફેરફાર થાય છે. અલ નીનોને કારણે તાપમાન વધે છે અને લા નીનાને કારણે તાપમાન ઘટે છે.

ચોમાસુ ગમે ત્યારે આવી શકે છે

માહિતી આપતા IMDના મહાનિર્દેશક મૃત્યુંજય મહાપાત્રાએ કહ્યું, ‘દક્ષિણ-પશ્ચિમ ચોમાસું કોઈપણ સમયે પ્રવેશ કરી શકે છે. આ વખતે લા નીનોને કારણે વધુ વરસાદ પડી શકે છે. અન્ય પરિબળો ચોમાસાને અસર કરે છે પરંતુ લા નીનો સૌથી મોટું પરિબળ છે. આ કારણોસર આ વખતે ઓગસ્ટ અને સપ્ટેમ્બરમાં વધુ વરસાદ પડી શકે છે.

લા નીના જુલાઈમાં સક્રિય થશે

ભારતીય ચોમાસા માટે લા નીના સૌથી અનુકૂળ માનવામાં આવે છે. જુલાઈ મહિનામાં લા નીના સંપૂર્ણપણે સક્રિય થઈ જશે. આવી સ્થિતિમાં દક્ષિણ દ્વીપકલ્પ અને મધ્ય ભારતમાં સામાન્ય કરતાં વધુ વરસાદ પડી શકે છે. ત્યારે ઉત્તર-પશ્ચિમ ભારતમાં સામાન્ય વરસાદ થઈ શકે છે. જ્યારે જૂન-સપ્ટેમ્બરમાં પૂર્વ અને ઉત્તર-પૂર્વ ભારતમાં ઓછો વરસાદ પડી શકે છે. અતિશય વરસાદને કારણે ઘણી જગ્યાએ વાદળ ફાટવાની, ભૂસ્ખલન અને પૂરની જેવી ઘટનાઓ બની શકે છે.

દુબઈમાં ફરી મુશળધાર વરસાદ બાદ એડવાઈઝરી જારી, ફ્લાઈટ્સનું સમયપત્રક ખોરવાયું