સ્ટેન્ડ-અપ કોમેડિયન કુણાલ કામરાની મુશ્કેલી વધી, બોમ્બે હાઈકોર્ટમાં ફરિયાદ રદ કરવા અરજી…
મુંબઇ: સ્ટેન્ડ-અપ કોમેડિયન કુણાલ કામરાને પોલીસે પાઠવેલા સમન્સ બાદ મુશ્કેલીમાં વધારો થયો છે. જેમાં હવે કુણાલ કામરાએ બોમ્બે હાઈકોર્ટનો દરવાજો ખખડાવ્યો છે. કામરાએ કોર્ટને ખાર પોલીસ સ્ટેશનમાં નોંધાયેલી પોલીસ ફરિયાદ રદ કરવાની વિનંતી કરી છે. કામરાએ મહારાષ્ટ્રના ડેપ્યુટી સીએમ એકનાથ શિંદે વિરુદ્ધ અપમાનજનક ટિપ્પણી કરી હતી.આ અંગે કુણાલ કામરાના વકીલ નવરોઝ સીરવઈ અને એડવોકેટ અશ્વિન થૂલ દ્વારા આજે બોમ્બે હાઈકોર્ટના જસ્ટિસ સારંગ કોટવાલ અને એસએમ મોડકની બેન્ચ સમક્ષ આ અરજી દાખલ કરવામા આવશે.
કામરા 5 એપ્રિલે પૂછપરછ માટે હાજર થયા ન હતા
મુંબઇના ખાર પોલીસે ભારતીય ન્યાય સંહિતાની કલમ 356(2) (માનહાનિ) હેઠળ કેસ નોંધ્યો અને તેમને ત્રણ સમન્સ જારી કર્યા. કામરા 5 એપ્રિલે પૂછપરછ માટે હાજર થયા ન હતા. આ ઉપરાંત જલગાંવના મેયર નાસિકના એક હોટેલ વ્યવસાયી અને એક ઉદ્યોગપતિએ પણ તેમની વિરુદ્ધ ફરિયાદો નોંધાવી હતી.
ડેપ્યુટી સીએમ એકનાથ શિંદેની રાજકીય કારકિર્દી પર વ્યંગ કર્યો હતો
કુણાલ કામરા અને ડેપ્યુટી સીએમ એકનાથ શિંદે વચ્ચેનો વિવાદ ગત મહિને શરૂ થયો હતો. જ્યારે સ્ટેન્ડ-અપ કોમેડિયન કુણાલ કામરાએ તેમના શોમાં મહારાષ્ટ્રના નાયબ મુખ્યમંત્રી એકનાથ શિંદે પર કટાક્ષ કર્યો હતો. કામરાએ બોલિવૂડના એક ગીતનું પેરોડી કરીને ડેપ્યુટી સીએમ એકનાથ શિંદેની રાજકીય કારકિર્દી પર વ્યંગ કર્યો હતો. કામરાની ટિપ્પણી 2022 માં ઉદ્ધવ ઠાકરે સામે શિંદેના બળવો અને મહાવિકાસ અઘાડી સરકારના પતન સાથે સંબંધિત હતી.
આ પણ વાંચો: ત્રણ વખત સમન્સ મોકલ્યા પછી પણ કુણાલ કામરા પોલીસ સમક્ષ હાજર ન થયો
રેકોર્ડ કરવામાં આવ્યો હતો ત્યાં તોડફોડ કરવામાં આવી
જોકે, આ વિડીયોને 23 માર્ચ 2025ના રોજ કામરાએ તેની યુટ્યુબ ચેનલ અને સોશિયલ મીડિયા પર પોસ્ટ કર્યો. જે ઝડપથી વાયરલ થયો. જ્યારે 24 માર્ચે શિંદે જૂથના શિવસૈનિકોએ મુંબઈના ખાર વિસ્તારમાં હેબિટેટ કોમેડી ક્લબ અને હોટેલ યુનિકોન્ટિનેન્ટલમાં તોડફોડ કરી. જ્યાં આ શો રેકોર્ડ કરવામાં આવ્યો હતો.
આ પણ વાંચો: કુણાલ કામરાના શોમાં હાજર રહેલા નવી મુંબઈના બૅન્કરને સમન્સ
કામરાને હાજર થવા માટે સમન્સ બજાવવામા આવ્યો
શિવસેનાના કાર્યકરોએ દાવો કર્યો હતો કે કામરાએ શિંદેનું અપમાન કર્યું હતું, અને તેમની ધરપકડની માંગ કરી હતી. મુંબઈના ખાર પોલીસ સ્ટેશનમાં પણ એફઆઈઆર દાખલ કરવામાં આવી હતી. જેની બાદ ખાર પોલીસે કૂણાલ કામરાને હાજર થવા માટે સમન્સ બજાવવામા આવ્યો છે.