કેદારનાથમાં મોટી દુર્ઘટના, એઇમ્સનું એર એમ્બ્યુલન્સ હેલિકોપ્ટર ક્રેશ
કેદારનાથ: ઉત્તરાખંડના કેદારનાથમાં એર એમ્બ્યુલન્સ હેલિકોપ્ટર ક્રેશ થયું છે. મળતી માહિતી મુજબ ક્રેશ થયેલી એર એમ્બ્યુલન્સ ઋષિકેશ એઇમ્સની હતી. જેમાં હેલિકોપ્ટરના પાછળના ભાગને નુકસાન થયું હતું. ગઢવાલના કમિશનર વિનય શંકર પાંડેએ આ ઘટના અંગે માહિતી આપી હતી કે, આ અકસ્માતમાં કોઈ મોટું નુકસાન થયું નથી. અકસ્માત સમયે હેલિકોપ્ટરમાં ત્રણ મુસાફરો સવાર હતા. આ તમામ મુસાફરો સુરક્ષિત છે.
હેલી એમ્બ્યુલન્સ એક દર્દી માટે કેદારનાથ ગઈ હતી
ઉલ્લેખનીય છે કે, એઇમ્સ ઋષિકેશ દૂરના સ્થળોએથી આવતા મુસાફરો માટે એર એમ્બ્યુલન્સ સેવા પણ પૂરી પાડે છે. આ હેઠળ સંચાલિત હેલી એમ્બ્યુલન્સ સેવાનું એક હેલિકોપ્ટર ટેકનિકલ ખામીને કારણે કેદારનાથ નજીક ક્રેશ થયું હતું.
આ દરમિયાન, એઇમ્સના વરિષ્ઠ જનસંપર્ક અધિકારી સંદીપ કુમાર સિંહે જણાવ્યું હતું કે આ હેલી એમ્બ્યુલન્સ એક દર્દી માટે કેદારનાથ ગઈ હતી. લેન્ડિંગ કરતી વખતે કેટલીક ટેકનિકલ સમસ્યા આવી હતી. આ દરમિયાન હેલિકોપ્ટરને નુકસાન થયું. તેનો વીડિયો પણ પ્રકાશમાં આવ્યો છે. જેમાં જોઈ શકાય છે કે હેલિકોપ્ટરના પાછળના ભાગને નુકસાન થયું છે.
આ પણ વાંચો…ઉત્તરાખંડના ઉત્તર કાશીમાં હેલિકોપ્ટર ક્રેશ, પાંચ લોકોના મોત બે ઘાયલ
