નવી દિલ્હી: ચૂંટણી પંચ દ્વારા સમગ્ર દેશમાં સ્પેશિયલ ઇન્સેન્ટિવ રિવિઝન(SIR)ની કામગીરી શરૂ કરવામાં આવી છે. આ કામગીરીમાં બૂથ લેવલ ઓફિસર(BLO) 2002ની મતદારયાદીમાં નામ હોય એવા મતદારોને શોખીને SIRના ફોર્મ ભરાવવાનું કામ કરી રહ્યા છે. જોકે, આ કામગીરીમાં BLOને કેટલીક મુશ્કેલીઓ પણ આવી રહી છે. ત્યારે સવાલ એ થાય કે, BLOને ચૂંટણી પંચ દ્વારા કેટલો પગાર આપવામાં આવે છે?
ચૂંટણી પંચે BLOનો પગાર બમણો કર્યો
ચૂંટણી પંચે તાજેતરમાં એક નોટિફિકેશ દ્વારા BLOના પગારમાં બમણો કર્યો હોવાની જાહેરાત કરી હતી. 2015 સુધી BLOને રૂ. 6,000 પગાર મળતો હતો. જે હવે રૂ. 12,000 થઈ ગયો છે. મતદારયાદીમાં ફેરફાર માટે BLOને રૂ. 1,000 ઇન્સેન્ટિવ મળતું હતું. જે હવે રૂ. 2,000 થઈ ગયું છે. BLO સુપરવાઇઝરને અગાઉ રૂ. 12,000 પગાર મળતો હતો. જે હવે વધારીને 18,000 કરી દેવામાં આવ્યો છે.
આ ઉપરાંત અગાઉ મદદનીશ ચૂંટણી નોંધણી અધિકારી(AERO) અને ચૂંટણી નોંધણી અધિકારી(ERO)ને કોઈ પગાર મળતો ન હતો. પરંતુ હવે તેમનો પગાર ક્રમશ: 25,000 અને 30,000 નક્કી કરવામાં આવ્યો છે.
SIRની કામગીરી કરતા BLOના મોત
ઉલ્લેખનીય છે કે, દેશમાં મોટાભાગના સરકારી શિક્ષકોને BLO તરીકેને કામગીરી સોંપવામાં આવે છે. જેના માટે તેઓને શિક્ષક તરીકેના પગાર ઉપરાંત BLO તરીકેનો પગાર અલગથી આપવામાં આવે છે.
જોકે, છેલ્લા ત્રણ સપ્તાહમાં ગુજરાતમાં SIRની કામગીરી કરતા ચાર શિક્ષકોએ જીવ ગુમાવ્યો છે. આ સાથે દેશના વિવિધ રાજ્યોમાં મળીને કુલ 25 બુથ લેવલ ઓફિસર (BLO)ના મોતથી હાહાકાર મચી ગયો છે. મધ્ય પ્રદેશમાં સૌથી વધુ 9 બીએલઓના મૃત્યુ થયા છે. જ્યારે ઉત્તર પ્રદેશમાં પણ ચાર બીએલઓએ કામગીરી દરમિયાન જીવ ગુમાવ્યો છે.
આ પણ વાંચો…અમદાવાદ પોલીસે BLOની ઓળખ આપી 2 વર્ષથી ફરાર આરોપીને ઝડપી પાડ્યો
