આસામમાં ૯ કરોડ રૂપિયાનું હેરોઈન જપ્તઃ ચારની ધરપકડ
ગુવાહાટી: આસામના કામરૂપ જિલ્લામાં મંગળવારે ૯ કરોડ રૂપિયાનું હેરોઈન જપ્ત કરવામાં આવ્યું હતું અને આ સંદર્ભમાં ચાર લોકોની ધરપકડ કરવામાં આવી હતી, એમ પોલીસે જણાવ્યું હતું.
એક વરિષ્ઠ અધિકારીએ જણાવ્યું હતું કે રાજ્ય પોલીસની સ્પેશિયલ ટાસ્ક ફોર્સને ચોક્કસ માહિતી મળી હતી કે મણિપુરના ચુરાચંદપુર જિલ્લાનો એક પરિવાર હાજો અને ગોરેશ્વર વિસ્તારોમાં ફેરિયાઓને વાહનમાં માદક દ્રવ્યો પહોંચાડશે.
આપણ વાંચો: જખૌના 150 કરોડના હેરોઈન કેસમાં: હર્ષદ મહેતાના શેઠ રહી ચૂકેલા આરોપીને 12 દિવસના રિમાન્ડ
તેમણે જણાવ્યું હતું કે, એક ગુપ્ત માહિતીના આધારે, એડિશનલ એસપી કલ્યાણ પાઠકની આગેવાની હેઠળની એસટીએફ ટીમે વાહનને અટકાવ્યું હતું અને ગુપ્ત ચેમ્બરમાં ૯૪ સાબુના બોક્સમાં છુપાવેલી ૧.૧૨૮ ગ્રામ હેરોઈન જપ્ત કરવામાં આવી હતી.
જપ્તીના સંદર્ભમાં વાહનના ડ્રાઇવર અને સહ-ડ્રાઇવરની ધરપકડ કરવામાં આવી હતી. પૂછપરછ પછી, એસટીએફ ટીમે હાજો અને ગોરેશ્વરથી બે ફેરિયાની ધરપકડ કરી હતી. તેમણે ઉમેર્યું હતું કે, કાયદેસરની કાર્યવાહી શરૂ કરવામાં આવી છે.