આવતીકાલથી બદલાશે આ નિયમો, જેની તમારા ખિસ્સા અને બજેટ પર જોવા મળશે અસર…
નવી દિલ્હીઃ આવતીકાલથી ડિસેમ્બર મહિનો શરૂ થઇ રહ્યો છે. જેની શરૂઆતમાં ઘણા મોટા ફેરફારો કરવામાં આવશે. આ ફેરફારોની અસર રસોડાથી લઇને પેન્શનરોના પેન્શન સુધી જોવા મળી શકે છે.
એક બાજુ ઓઇલ માર્કેટિંગ કંપનીઓ એલપીજી સિલિન્ડરના ભાવમાં સુધારા કરીને નવા દરો જારી કરશે. તો બીજી બાજુ ઉડ્ડયન ઇંધણના ભાવમાં પણ ફેરફાર થઇ શકે છે. આ પહેલી તારીખથી છ નવા ફેરફારો થવા જઇ રહ્યા છે.
આપણ વાચો: દેશમાં એલપીજી સિલિન્ડરના ભાવમાં આજથી વધારો, જાણો લેટેસ્ટ ભાવ…
એલપીજી સિલિન્ડર, ઓઈલના ભાવમાં ફેરફાર
પહેલો ફેરફાર ઘરના રસોડાના બજેટ સાથે જોડાયેલો છે. તેલ કંપનીઓ દર મહિનાની પહેલી તારીખે એલપીજીના ભાવમાં ફેરફાર કરે છે. તેથી ૧લી ડિસેમ્બરે નવા ભાવ જાહેર થઇ શકે છે. છેલ્લા કેટલાક સમયથી ૧૯ કિલોગ્રામના એલપીજી ગેસ સિલિન્ડરના ભાવમાં ઘણા ફેરફારો જોવા મળ્યા છે.
૧લી નવેમ્બરના રોજ તેની કિંમતમાં ૬.૫૦ રૂા.નો ઘટાડો કરવામાં આવ્યો હતો. જો કે ૧૪ કિલોગ્રામના ઘરેલુ ગેસ સિલિન્ડરના ભાવ લાંબા સમયથી સ્થિર છે. તેથી વર્ષના છેલ્લા મહિનામાં ભાવમાં ફેરફાર થવાની અપેક્ષા છે.
ઓઇલ કંપનીઓ દર મહિનાની પહેલી તારીખે એલપીજી સિલિન્ડરના ભાવ અપડેટ કરે છે તો એર ટર્બાઇન ફ્યુઅલ(એટીએફ)ના નવા ભાવ પણ જાહેર કરવામાં આવે છે. જેમાં ૧ ડિસેમ્બરના રોજ પણ ફેરફાર જોવા મળી શકે છે.
જેની સીધી અસર હવાઇ મુસાફરોના ખિસ્સા પર પડશે. ઉપરાંત કંપનીઓ સીએનજી અને પીએનજીના ભાવમાં પણ ફેરફારની જાહેરાત કરી શકે છે.
આપણ વાચો: LPG Cylinder Price : નવા વર્ષની શરૂઆતમાં રાહતના સમાચાર, એલપીજી સિલિન્ડરના ભાવમાં ઘટાડો
સરકારી કર્મચારી માટે છે કામની આ વાત
૧લી ડિસેમ્બરથી અમલમાં આવનાર ત્રીજો મોટો ફેરફાર સરકારી કર્મચારીઓ સાથે સંકળાયેલો છે. હકીકતમાં યુનિફાઇડ પેન્શન સ્કીમ(યુપીએસ) પસંદ કરવાની અંતિમ તારીખ ૩૦ સપ્ટેમ્બરથી વધારીને ૩૦ નવેમ્બર નક્કી કરવામાં આવી હતી.
જે ગઇકાલે છેલ્લી તારીખ હતી. કોઇપણ સરકારી કર્મચારી એનપીએસ અને યુપીએસમાંથી કોઇ એક વિકલ્પ પસંદ કરી શકે છે. જો ડેડલાઇન લંબાવવામાં નહીં આવે તો ૧લી ડિસેમ્બર પછી તેને આ તક નહીં મળે.
આપણ વાચો: LPG Price Hike : તહેવારોમાં એલપીજી સિલિન્ડરના ભાવમાં વધારો, જાણો લેટેસ્ટ ભાવ
પેન્શનર્સ માટે સર્ટિફિકેટ જમા કરાવવાની ડેડલાઈન
વર્ષ ૨૦૨૫ના છેલ્લા મહિનામાં થનારા ફેરફારોમાં વરિષ્ઠ નાગરિકોના પેન્શન સાથે સંબંધિત ફેરફારોનો પણ સમાવેશ થાય છે. પેન્શન ચાલુ રાખવા માટે લાઇફ સર્ટિફિકેટ જમા કરવાની છેલ્લી તક છે. કારણ કે અંતિમ તારીખ ૩૦ નવેમ્બર નક્કી કરવામાં આવી છે. જો આ સમયમર્યાદા લંબાવવામાં નહીં આવે તો પેન્શન ચૂકવણીમાં વિક્ષેપ પડી શકે છે.
ઈન્કમટેક્સ સંબંધિત બદલાશે નિયમ
આગામી ફેરફાર ટેક્સ સાથે સંબંધિત છે. જો ઓક્ટોબર મહિનામાં તમારું ટીડીએસ કપાયું હોય તો સેક્શન ૧૯૪-આઇએ, ૧૯૪-આઇબી, ૧૯૪એમ અને ૧૯૪એસ હેઠળ સ્ટેટમેન્ટ સબમિટ કરવાની છેલ્લી તક છે.
૧લી ડિસેમ્બર પછી આ કામ થઇ શકશે નહીં. જે કરદાતાઓએ સેક્શન ૯૨ઇ હેઠળ રિપોર્ટ જમા કરવાના હતા, તેમના માટે આવકવેરા વિભાગે છેલ્લી તારીખ ૩૦ નવેમ્બર નક્કી કરી હતી.
ડિસેમ્બર બેંક હોલીડે
જો તમારે બેંકનું કોઇ કામ હોય તો ડિસેમ્બર મહિનામાં બમ્પર બેંક રજાઓ છે. આરબીઆઇની બેંક હોલિડે યાદી અનુસાર મહિનાની શરૂઆત જ રજાથી થઇ રહી છે. તો બીજા અને ચોથા શનિવાર ઉપરાંત રવિવારની સાપ્તાહિક રજા સહિત ડિસેમ્બર મહિનામાં કુલ ૧૭ દિવસ બેંકોમાં કામકાજ બંધ રહેશે. જો કે આ બેંક રજાઓ રાજ્ય પ્રમાણે અલગ અલગ હોઇ શકે છે.
