ઓપરેશન સિંદૂર બાદ વધુ કેન્દ્ર સરકાર સતર્ક, વાયુસેનાને આપવામાં આવી ખુલ્લી છૂટ

નવી દિલ્હી : ભારતીય સેનાએ ઓપરેશન સિંદૂર હેઠળ મંગળવાર રાત્રે પાકિસ્તાન અને પીઓકેમાં 9 આતંકવાદી કેમ્પો પર હુમલો કર્યો. આ હુમલાથી ગભરાયેલું પાકિસ્તાન સતત નિયંત્રણ રેખા પર ગોળીબાર કરી રહ્યું છે. ત્યારે સરહદ પારથી થયેલા આ કાયરતાપૂર્ણ કૃત્યને ધ્યાનમાં રાખીને ભારતીય વાયુસેનાને હવે છૂટ આપવામાં આવી છે. વાયુસેનાને સ્પષ્ટ કહેવામાં આવ્યું છે કે જો તેમને કંઈપણ શંકાસ્પદ દેખાય તો તેઓ સંપૂર્ણ તાકાતથી જવાબ આપી શકે છે.

અજિત ડોભાલ વડા પ્રધાન મોદીને મળવા તેમના નિવાસસ્થાને પહોંચ્યા

આ સ્થિતિ પર વડા પ્રધાન નરેન્દ્ર મોદી અને NSA અજિત ડોભાલ નજર રાખી રહ્યા છે. NSA અજિત ડોભાલ વડા પ્રધાન મોદીને મળવા તેમના નિવાસસ્થાને પહોંચ્યા છે. જ્યારે રક્ષા મંત્રી રાજનાથ સિંહની અધ્યક્ષતામાં સર્વપક્ષીય બેઠક પણ ચાલી રહી છે. આ બેઠકમાં તમામ રાજકીય પક્ષોના વરિષ્ઠ નેતાઓ સામેલ છે.

દેશભરના 27 એરપોર્ટ હાલ માટે બંધ

દેશભરના 27 એરપોર્ટ હાલ પૂરતા બંધ કરી દેવામાં આવ્યા છે. મોટાભાગના એરપોર્ટ ઉત્તર ભારત અને પશ્ચિમ ભારતમાં છે. આમાં શ્રીનગર, જમ્મુ, ચંદીગઢ, અમૃતસર અને લુધિયાણાના એરપોર્ટનો સમાવેશ થાય છે.

પાકિસ્તાન દ્વારા સતત નિયંત્રણ રેખા પર ફાયરિંગ

જમ્મુ કાશ્મીરના પહલગામમાં થયેલા આતંકી હુમલાનો ભારતે પાકિસ્તાન વિરુદ્ધ ઓપરેશન સિંદૂર સફળતાપૂર્વક પૂર્ણ કરીને બદલો લીધો છે. જેની બાદ ભારત પાકિસ્તાન સરહદ પર તણાવ સતત વધી રહ્યો છે. પાકિસ્તાન પહલગામ હુમલા બાદ સતત નિયંત્રણ રેખા પર ફાયરિંગ કરી રહ્યું છે. જેમાં ભારતના એક્શન બાદ નિયંત્રણ રેખા પર પાકિસ્તાને ગોળીબારના વધારો કર્યો છે. તેમજ સરહદી ગામોમાં તોપમારો પણ કર્યો છે. જેના પગલે ભારતીય સીમા નજીકના ગામવાસીઓ ઘર છોડીને સુરક્ષિત સ્થળો જવાની ફરજ પડી છે

પંજાબના ફિરોઝપુરની આસપાસના ગામડાઓ ખાલી કરાવાયા

ભારતીય સેનાએ પણ આનો યોગ્ય જવાબ આપ્યો છે અને ગોળીબારમાં સામેલ તેમની ઘણી ચોકીઓનો નાશ કરવામાં આવ્યો છે. સમાચાર એજન્સી અનુસાર ભારે ગોળીબારને કારણે સ્થાનિક લોકોને પીડિતોને હોસ્પિટલ લઈ જવામાં ઘણી મુશ્કેલીનો સામનો કરવો પડ્યો. ભારત અને પાકિસ્તાન વચ્ચે વધી રહેલા તણાવ વચ્ચે પંજાબના ફિરોઝપુર જિલ્લાના કેટલાક સરહદી ગામોના લોકોને સુરક્ષિત સ્થળોએ મોકલવામાં આવ્યા છે.

આ પણ વાંચો….ભારતના આ ડ્રોને પાકિસ્તાનમાં ઘૂસીને મચાવી તબાહી, જાણો કેમ કહેવાય છે સ્યુસાઈડ ડ્રોન