રામ મંદિરના અભિષેક માટે અયોધ્યા તૈયાર
અયોધ્યાઃ રામોત્સવ પહેલા અયોધ્યામાં ભારે કિલ્લેબંધી કરવામાં આવી રહી છે. રામનગરીમાં 22 જાન્યુઆરીએ યોજાનાર પ્રાણ પ્રતિષ્ઠા સમારોહ પહેલા અયોધ્યાના દરેક ખૂણાને સુરક્ષીત કરવામાં આવી રહ્યા છે. યોગી સરકારે રામ મંદિરના અભિષેકને લઈને સુરક્ષા વ્યવસ્થા માટે સંપૂર્ણ બ્લુ પ્રિન્ટ તૈયાર કરી છે. સુરક્ષા માટે દરેક જગ્યાએ CRPF, UPSSF, PAC અને સિવિલ પોલીસ હાજર રહેશે. તેની સાથે નવી ટેક્નોલોજીનો પણ ઉપયોગ કરવામાં આવી રહ્યો છે. પરવાનગી વિના અયોધ્યામાં ડ્રોન ઉડાવી શકાશે નહીં. રામ મંદિરના અભિષેક સમારોહ દરમિયાન સુરક્ષાને ધ્યાનમાં રાખીને ગુપ્તચર વિભાગને ચારેબાજુ સક્રિય રહેવાની સૂચના આપવામાં આવી છે અને સુરક્ષા માટે આર્ટિફિશિયલ ઈન્ટેલિજન્સનો પણ સહારો લેવામાં આવ્યો છે. અરાજકતાવાદીઓની માહિતી રાખવા સાથે તેમની પર પણ કડક નજર રાખવામાં આવશે.
22 અને 23 જાન્યુઆરીના રોજ ભારી વાહનોને શહેરની અંદર દાખલ થવા માટે બંધી ફરમાવવામાં આવી છે. આ ઉપરાંત અન્ય નાના વાહનો માટે પણ અલગ વ્યવસ્થા લાગુ કરવામાં આવશે, જેથી તેઓ સરળતાથી તેમના ગંતવ્ય સ્થાને પહોંચી શકે. ડાયવર્ઝન અંગેની માહિતી અનેક માધ્યમો દ્વારા આપવામાં આવશે.
રામ ભક્તોની ભીડને સંભાળવા માટે નવી સુરક્ષા યોજના માનવ અને artificial intelligence પર આધારિત છે. 21 અને 22 જાન્યુઆરીએ મંદિર સામાન્ય લોકો માટે બંધ રહેશે. એર ટેક્ટિકલ એરોસ્ટેટ સિસ્ટમ આર્ટિફિશિયલ ઇન્ટેલિજન્સ (AI) સંચાલિત ચહેરાની ઓળખ કેમેરા, લાંબી રેન્જ એરોસ્ટેટ કેમેરાથી સજ્જ છે અને અદ્યતન સાધનોથી નદી સુરક્ષા પર પણ ધ્યાન આપવામાં આવ્યું છે અને કોઈપણ શંકાસ્પદ બોટની ઘૂસણખોરી થતા ચેતવણી આપવા માટે ખાસ વ્યવસ્થા ઊભી કરવામાં આવી છે.
અયોધ્યામાં નવનિર્મિત રામ મંદિરની મુલાકાત લેતા ભક્તોની સુરક્ષા સુનિશ્ચિત કરવા માટે હવા, પાણી અને જમીન પર વિશેષ AI સંચાલિત એલાર્મ સિસ્ટમ્સ તૈનાત કરવામાં આવી છે. અપડેટ કરેલ સુરક્ષા યોજના 14 જાન્યુઆરી, 2024 થી લાગુ કરવામાં આવશે.હવાઈ ધમકીઓ ખાળવા માટે એર ટેક્ટિકલ એરોસ્ટેટ સિસ્ટમ સ્થાપિત કરવામાં આવી છે, જે એરિયલ ઇન્ટેલિજન્સ સર્વેલન્સ કરવા માટે રચાયેલ છે. તેનો ઉપયોગ અયોધ્યાના સરહદી વિસ્તારો પર નજર રાખવા માટે પણ થઈ શકે છે. AI-સંચાલિત એન્ટી-ડ્રોન સોલ્યુશન્સ માત્ર ડ્રોન દ્વારા કોઈપણ હુમલાની શક્યતાઓ પર નજર રાખશે ઉપરાંત તેમાં કેટલાંક કિલોમીટરના અંતરે સ્થિત ડ્રોનને શોધવા, ટ્રેક કરવા, ઓળખવા, વર્ગીકરણ અને નિષ્ક્રિય કરવાની ક્ષમતા પણ હશે. સરયુ નદીના કિનારે જળ સુરક્ષા વ્યવસ્થા માટે હાઇ-ડેફિનેશન કેમેરા અને AI-સંચાલિત સિસ્ટમ પણ સ્થાપિત કરવામાં આવી છે, જે કોઈપણ ઘૂસણખોરીના કિસ્સામાં અથવા પાણીમાં કોઈ શંકાસ્પદ બોટ અથવા પ્રવૃત્તિ જોવા પર એલાર્મ વગાડવા માટેનો પ્રોગ્રામ છે. સેન્ટ્રલ રિઝર્વ પોલીસ ફોર્સ (CRPF), પ્રોવિન્શિયલ આર્મ્ડ કોન્સ્ટેબલરી (PAC) અને UP સ્પેશિયલ સિક્યુરિટી ફોર્સ (UPSSF) જેવા દળોને તૈનાત કરવામાં આવ્યા છે. યુપી પોલીસે સમગ્ર શહેરમાં AI-સંચાલિત ચહેરાની ઓળખ માટે સક્ષમ CCTV કેમેરા લગાવ્યા છે.
યલો ઘાટના કંટ્રોલ રૂમમાં લગાવવામાં આવેલા હાઈટેક સીસીટીવી કેમેરા દ્વારા શહેરના દરેક ખૂણે-ખૂણે નજર રાખવામાં આવી રહી છે. મોટી સંખ્યામાં આવનારા શ્રદ્ધાળુઓ અને અસામાજિક તત્વો પર નજર રાખવા માટે આવા મોનિટરિંગ સેલ બનાવવામાં આવી રહ્યા છે, જ્યાં આર્ટિફિશિયલ ઈન્ટેલિજન્સનો ઉપયોગ કરીને દરેક ચહેરા પર નજર રાખવામાં આવશે. જો કોઈ શંકાસ્પદ પરિસ્થિતિ દેખાય તો કંટ્રોલરૂમ તુરંત જ આ અંગે પોસ્ટ કરવામાં આવશે અને બેરિકેડને એલર્ટ કરી શકાશે. આ પહેલીવાર છે જ્યારે યુપીમાં AI સંચાલિત કેમેરા લગાવવામાં આવી રહ્યા છે. આ ખાસ સર્વેલન્સ કેમેરા ઉંમર, ઊંચાઈ, શ્રેણીઓ, માણસ, છોકરો, બાળક, વૃદ્ધો અને શરીરના પરિમાણો જેવી વર્ણનાત્મક વિગતોના આધારે ‘લોકોને શોધવા’ માટે પ્રોગ્રામ કરેલ છે. આ સુરક્ષાને મજબૂત કરવામાં મોટો ભાગ ભજવશે.
અયોધ્યાના આઈજી પ્રવીણ કુમારે કહ્યું હતું કે રામ મંદિર માટે ટૂંક સમયમાં નવી સુરક્ષા યોજના લાગુ કરવામાં આવશે. આ અંતર્ગત કોઈ પણ વ્યક્તિ ચેકિંગ કર્યા વિના મંદિરની નજીક જઈ શકશે નહીં. વિવિધ સ્થળોએ ચેકિંગ પોઈન્ટ બનાવવામાં આવશે. આ ઉપરાંત 2,500 સીસીટીવી કેમેરા લગાવવામાં આવશે. ભવિષ્યમાં નદીની સુરક્ષા પણ વધુ મજબુત કરવામાં આવશે અને નદી કિનારે વધુ સારી સુરક્ષા વ્યવસ્થા કરવામાં આવશે. ઉદ્ઘાટન સમયે સુરક્ષા વ્યવસ્થાના ભાગરૂપે જિલ્લામાં 37 સરકારી અને બિનસરકારી જમીનો પર પાર્કિંગની વ્યવસ્થા કરવામાં આવશે. ત્યાં પણ કેમેરા લગાવવામાં આવશે. અયોધ્યામાં આ વિસ્તારમાં પરવાનગી વિના ડ્રોન ઉડાવવાની મંજૂરી આપવામાં આવશે નહીં.
