અમદાવાદમાં થયેલી વિમાન દુર્ઘટનાએ આખા દેશને મોટો આઘાત આપ્યો છે. પણ દુનિયામાં આવા વિમાની દુર્ઘટનાના કિસ્સાઓ આ પેહલા બન્યા છે જેણે દુનિયાને હચમચાવી નાખી છે. છેલ્લા કેટલાક વર્ષોમાં ટેકનોલોજી અને ઉડ્ડયન ઇજનેરીમાં ઘણી પ્રગતિ છતાં વિમાન અકસ્માતો હજુ પણ થાય છે, ઘણી વાર અટકાવી શકાય તેવી ભૂલોને કારણે આજે એવા 10 વિમાની અકસ્માતો જાણીએ
ટર્કિશ એરલાઇન્સ ક્રેશ (1974)
1974માં ટર્કિશ એરલાઇન્સ ફ્લાઇટ 981 પેરિસની બહાર ક્રેશ થયું હતું. આ અકસ્માત એટલો વિનાશક હતો કે વિમાનમાં સવાર તમામ 346 લોકો મૃત્યુ પામ્યા હતા. આ બોઇંગ 747 વિમાન હતું. તપાસમાં જાણવા મળ્યું કે કાર્ગોના દરવાજામાં ખામી સર્જાવવાને કારણે આ અકસ્માત થયો હતો.
ટેનેરાઇફ એરપોર્ટ અકસ્માત (1977)
આને સૌથી ભયંકર વિમાન દુર્ઘટનાઓમાંનો એક માનવામાં આવે છે. સ્પેનના ટેનેરાઇફ એરપોર્ટ પર માહિતી આપ-લેમાં ખામીના કારણે બે બોઇંગ 747 વિમાનો રન-વે પર અથડાઈ ગયા હતા. આ અકસ્માતમાં 583 લોકોનાં મોત થયા હતા.
આ પણ વાંચો: આવો છે ભારતનો પ્લેન ક્રેશ દુર્ઘટનાનો કાળો ઈતિહાસ…
સાઉદીયા ફ્લાઇટ 163 (1980)
સાઉદીયા ફ્લાઇટ 163 પાકિસ્તાનના કરાચીથી જેદ્દાહ થઈને રિયાધ જઈ રહી હતી. જેદ્દાહ એરપોર્ટથી વિમાન ઉડાન ભરતાની સાથે જ તેમાં આગ લાગી ગઈ. આ પછી, વિમાનનું ઇમરજન્સી લેન્ડિંગ પણ કરવામાં આવ્યું, પરંતુ ક્રૂ મેમ્બર્સ લોકોને બહાર કાઢી શક્યા નહીં અને બધા 287 મુસાફરો અને 14 ક્રૂ મેમ્બર્સ મૃત્યુ પામ્યા.
એર ઇન્ડિયા (1985)
એર ઇન્ડિયા ફ્લાઇટ 182 આતંકવાદીઓ દ્વારા બોમ્બમારાનું નિશાન બની હતી. આયર્લેન્ડના દરિયાકાંઠે આ વિમાન પર બોમ્બમારો કરવામાં આવ્યો હતો અને વિમાનમાં સવાર તમામ 329 લોકો માર્યા ગયા હતા. આ બોમ્બમારા માટે એક આતંકવાદી સંગઠને જવાબદારી લીધી હતી.
જાપાન એરલાઇન્સ ક્રેશ (1985)
1985માં, જાપાન એરલાઇન્સ ફ્લાઇટ 125 વિમાનના પાછળના દબાણવાળા બલ્કહેડમાં માળખાકીય નિષ્ફળતાને કારણે ક્રેશ થયું હતું, જેમાં લગભગ 520 લોકો માર્યા ગયા હતા.
આ પણ વાંચો: અમદાવાદમાં પ્લેન ક્રેશ પહેલા પાયલટે આપ્યો હતો MAYDAY Call, પછી શું થયું જાણો?
ઈરાન એર ફ્લાઇટ (1988)
1988માં, તેહરાનથી દુબઈ જઈ રહેલા એરબસ A300 પર મિસાઈલથી હુમલો કરવામાં આવ્યો હતો. આ અકસ્માતમાં વિમાનમાં સવાર તમામ 290 લોકો મૃત્યુ પામ્યા હતા. આ ઈરાનના ઇતિહાસનો સૌથી ખરાબ વિમાન અકસ્માત હતો.
ચરખી દાદરી દુર્ઘટના (1996)
હરિયાણાના ચરખી દાદરીમાં બે વિમાનો વચ્ચે હવામાં જ જોરદાર ટક્કર થઈ હતી. આ ટક્કર કઝાકિસ્તાન એરલાઇન્સ અને સાઉદી અરેબિયા એરલાઇન્સના વિમાનો વચ્ચે થઈ હતી. આમાં 349 લોકો માર્યા ગયા હતા.
અમેરિકન એરલાઇન્સ ક્રેશ (2001)
2001 માં, ન્યૂ યોર્કના ક્વીન્સમાં મેકડોનેલ ડગ્લાસ MD-82 ક્રેશ થયું. આ અકસ્માત ટર્બ્યુલન્સના કારણે વધુ પડતા રડાર ઇનપુટ અને નિયંત્રણ ગુમાવવાને કારણે થયો હતો. આ અકસ્માતમાં કુલ 260 લોકો મૃત્યુ પામ્યા હતા.
એર ફ્રાન્સ ફ્લાઇટ ક્રેશ (2009)
એર ફ્રાન્સ ફ્લાઇટ 447 એટલાન્ટિક મહાસાગરમાં ક્રેશ થયું. તપાસમાં ખોટી એરસ્પીડ રીડિંગ્સ અને પાઇલટની ભૂલ બહાર આવી. આ અકસ્માતમાં તમામ 228 લોકોના મોત થયા.
મલેશિયા એરલાઇન્સ ક્રેશ (2014)
2014માં મલેશિયા એરલાઇન્સ બોઇંગ 777 ને યુક્રેન ઉપર તોડી પાડવામાં આવ્યું હતું. તેનું કારણ હજુ સુધી સ્પષ્ટ નથી. એવું માનવામાં આવે છે કે વિમાન મિસાઇલ હુમલાનો ભોગ બન્યું હતું. આમાં 298 લોકોનાં મોત થયાં હતાં.
